காலை உணவில் நாம் செய்யும் தவறுகள் !!

உண்பதற்கு முன்னால் :

காலையில் உண்ணும் உணவுக்கு முன்னால் யோசியுங்கள். இது சத்தான ஆகாரமா ஒரு நாளை துவக்குவதற்கான உற்சாகத்தை இந்த உணவு கொடுக்குமா என்று சிந்தியுங்கள். வெறும் ஜங்க் புட் காலையில் சாப்பிடுவதை தவிர்த்திடுங்கள்.

ஜூஸ் வேண்டாம் :

வெறும் வயிற்றில் ஜூஸ் மட்டும் குடித்தால் போதாது எப்படியும் அதில் சர்க்கரை அல்லது ஈடு பொருட்கள் சேர்ப்போம். இது ரத்தத்தில் குளுக்கோஸ் அளவை அதிகரிக்குமே தவிர மற்ற எந்த சத்துக்கள் வாராது.

வேண்டுமானால் ஒரு கிளாஸ் தண்ணீரோடு பழம் எடுத்துக்கொள்ளலாம். விரைவில் செரித்து விடும் என்பதால் அடுத்த இரண்டு மணி நேரத்தில் ஏதாவது ஆகாரம் எடுத்தாக வேண்டும்.

துரித உணவுகள் :

இரவு நீண்ட இடைவேளிக்குப் பின் உணவு உண்கையில் எடுத்துமே செரிக்க சிரமமாயிருக்கும் உணவுகளை எடுத்துக் கொள்ளாதீர்கள். அதிக சர்க்கரை கலந்த உணவோ அல்லது பாக்கெட் உணவுகளை தவிர்த்திடுங்கள்.

காபி :

காலையில் வெறும் வயிற்றில் காபி குடிப்பது பசியை போக்கிடும். அதோடு வெறும் வயிற்றில் குடிக்கும் போது வயிற்றில் அது ஆசிட்டை உருவாக்கிடும். நாள் முழுமைக்கும் தேவையான ஆற்றலை அது கொடுக்காது.

நம் கவனத்தையும், கூர்ந்து வேலை செய்யும் திறனையும் இது பாதிக்கிறது. சரியாக உணவு எடுத்துக் கொள்ளாத காரணத்தால் நாள் முழுவதும் சோர்வாகவே உணர்வோம்.

முட்டை :

காலை உணவாக வெறும் முட்டை மட்டுமே சாப்பிடாதீர்கள். காய்கறிகள், பழங்களுடன் முட்டை எடுத்துக் கொண்டால்தான் அனைத்துச் சத்துக்களும் சமமாய் நமக்கு கிடைக்கும்.

வெறும் முட்டை மட்டும் எடுத்துக்கொண்டால் விரைவில் பசியெடுக்கும் அதோடு உடலுக்கு தேவையான சத்துக்களும் வந்து சேராது.

ஓட்ஸ் :

ஓட்ஸ் கொலஸ்ட்ராலை குறைக்கும் என்று பலரும் நினைத்துக் கொண்டிருக்கிறார்கள். ஆனால் இது தவறு, அதில் அதிகப்படியான சர்க்கரை சத்தே நிறைந்திருக்கிறது.

இது நம் உடலில் சர்க்கரையை அதிகப்படுத்துமே தவிர எனர்ஜியை அதிகரிக்காது. அதோடு நீண்ட நேரம் பசியெடுக்காமல் மந்தமாகவே வைத்திருக்கும்.

நேரம் :

காலை எழுந்ததும் ஒன்று முதல் இரண்டு மணி நேரத்திற்கு உள்ளாக சாப்பிட்டு விட வேண்டும். பசிக்கும் போது சாப்பிடலாம் என்று தள்ளிப்போட்டால் ஒன்று அதிகமாக சாப்பிட நேரம் அல்லது அவசர அவசரமாக குறைவாக சாப்பிடுவோம்.

நேரம் ஆக ஆக உணவைத் தாண்டி ஸ்நாக்ஸ் அல்லது டீ, காபி எடுத்துக் கொள்வோம். இது உடலுக்கு தீங்கையே ஏற்படுத்தும்.