முறையற்ற மாதவிலக்கை ஒழுங்குபடுத்த வேண்டாமா? உங்களுக்கான மூலிகை உணவுகள்!!

பப்பாளிக் காய் :

பப்பாளிக் காய் கருப்பையை வலுப்படுத்தும். கர்ப்பப்பை பலவீனமகா இருந்தாலும் ஹார்மோன் பிரச்சனை உண்டாகும். பப்பாளிக்காயில் உள்ள சத்துக்கள் கர்ப்பப்பையை சுற்றிலும் உள்ள தசைகளை பலப்படுத்தி, மாதவிலக்கை நெறிப்படுத்துகிறது. தொடர்ந்து 2 மாதங்களுக்கு அடிக்கடி பப்பாளிக் காயை சமைத்து சாப்பிடுங்கள். நீங்கள் மாற்றத்தை காண்பீர்கள்.

ஆலமர வேர் :

புதிய ஆலமர வேரை எடுத்து அதனை ஒரு கப் நீரில் 10 நிமிடங்கள் கொதிக்கவிடுங்கள். அதனை வடிகட்டி அதனுடன் சிறிது பால் கலந்து இரவு தூங்குவதற்கு முன் குடித்தால் முறையற்ற மாதவிலக்கு சீராகும்.

சோம்பு :

ஒரு டம்ளர் நீரில் 2 டீஸ்பூன் சோம்பை போட்டு இரவு முழுவதும் அப்படியே மூடி வைத்திருங்கள். மறு நாள் இந்த நீரை வடிகட்டி குடித்தால் மாதவிலக்கு முறையாகும்.

பாவக்காய் ஜூஸ் :

பாவக்காய் ஜூஸ் கசப்பாக இருந்தால் முறையற்ற மாதவிலக்கை சீர்படுத்தும் சிறந்த மருந்தாகும். பாவக்காயை பொடியாக நறுக்கி அதனுடன் 1 கிளாஸ் நீரை சேர்த்து அரைத்து வடிகட்டி குடியுங்கள். தினமும் இருதடவை குடித்தால் கர்ப்பப்பையில் உண்டான பிரச்சனைகள் குணப்படுத்தும். கசப்பாக இருந்தாலும் மருந்து என நினைத்து குடியுங்கள்.

கற்றாழை :

சோற்றுக் கற்றாழை இரைப்பைக்கு மட்டுமல்ல, கர்ப்பப்பைக்கும் மிகவும் நல்லது. இது ஹார்மோன் குறைபாட்டை சரிபடுத்தும். கற்றாழையிலுள்ள சதைப்பகுதியை எடுத்து அதனுடன் 1 ஸ்பூன் தேன் கலந்து சாப்பிட்டு வாருங்கள். தினமும் சாப்பிட வேண்டும். உங்கள் கருப்பை பிரச்சனைகள் விலகும்.

முள்ளங்கி மோர் :

முள்ளங்கியை நருக்கி மிக்ஸியில் பேஸ்ட் போல் அரைத்துக் கொள்ளுங்கள். இதனுடன் 1 டம்ளர் மோர் கலந்து அதனை நாள் முழுவதும் அவ்வப்போது குடிக்கவும். ஃப்ரிட்ஜில் வைத்து குடிக்கலாம். இது நல்ல பலனைத் தரும்.