இந்த 2 பொருளை நைட் ஒரு டம்ளர் நீரில் ஊற வெச்சு காலையில குடிச்சா, உடல் எடை வேகமா குறையும் தெரியுமா?

இஞ்சி மற்றும் கொத்தமல்லி

சமையலறையில் காணப்படும் பொதுவான பொருட்கள் தான் இஞ்சி மற்றும் கொத்தமல்லி. இந்த இரண்டு பொருட்களுமே ஏராளமான மருத்துவ பண்புகளைக் கொண்டுள்ளதால், அது நாட்டு மருத்துவத்தில் பழங்காலம் முதலாக பயன்படுத்தப்பட்டு வருகிறது. மருத்துவ பண்புகளை அதிகம் கொண்ட இவ்விரு பொருட்களையும் ஒன்றாக எடுக்கும் போது, அது உடல் எடையைக் குறைக்க உதவுவதைத் தவிர, உடலுக்கு பல நன்மைகளையும் வழங்குகிறது.

எடை குறைப்பில் இஞ்சியின் நன்மைகள்

இஞ்சி சாற்றினை காலையில் எழுந்ததும் குடிக்கும் போது, அது உடலில் தேங்கியுள்ள கெட்ட நீரைக் குறைக்க உதவுவதோடு, நல்ல செரிமானத்திற்கும், மெட்டபாலிசத்தை அதிகரிக்கவும் உதவுகிறது. ஒருவரது செரிமான செயல்முறையும், உடலின் மெட்டபாலிசமும் சிறப்பாக இருந்தால், தானாகவே உடலில் உள்ள கொழுப்புக்களும், அதிகப்படியான எடையும் குறைய ஆரம்பிக்கும்.

எடை குறைப்பில் கொத்தமல்லியின் நன்மைகள்

ஒருவரது செரிமான மண்டலம் பிரச்சனையின்றி சிறப்பாக செயல்பட்டால், அதுவே உடல் எடையைக் குறைக்க உதவி புரியும். அந்த வகையில் கொத்தமல்லி செரிமான நொதி மற்றும் சாறுகளின் உற்பத்தியை தூண்டிவிட்டு, செரிமான மண்டலத்தின் செயல்பாட்டை மேம்படுத்தி, உண்ணும் உணவுகளை திறம்பட ஜீரணிக்கிறது. மேலும் மல்லியில் நார்ச்சத்து அதிகளவில்

இஞ்சி-மல்லி நீரைத் தயாரிப்பது எப்படி?

* 1/2 இன்ச் இஞ்சி மற்றும் 1 டீஸ்பூன் கொத்தமல்லி விதைகளை ஒரு டம்ளர் நீரில் போட வேண்டும்.

* இரவு முழுவதும் நீரில் அப்பொருட்களை ஊற வைக்க வேண்டும்.

* மறுநாள் காலையில் அந்த நீரை ஒரு பாத்திரத்தில் ஊற்றி அடுப்பில் வைத்து, 5 நிமிடம் மிதமான தீயில் கொதிக்க வைத்து இறக்க வேண்டும்.

* பின் அந்நீரை வடிகட்டி குடிக்க வேண்டும்.

இஞ்சி-மல்லி நீரை எப்போது குடிக்க வேண்டும்?

இஞ்சி-மல்லி நீரை காலையில் எழுந்ததும் வெறும் வயிற்றில் குடிக்க வேண்டும். இப்படி வெறும் வயிற்றில் குடிக்கும் போது, அந்நீரில் உள்ள சத்துக்கள் உடலுக்கு முழுமையாக கிடைத்து, உடலில் தேங்கியுள்ள கொழுப்புக்கள் கரைய ஆரம்பித்து, உடல் எடை குறைய ஆரம்பிக்கும்.

ஆனால் இந்த நீரால் சிறப்பான பலன் கிடைக்க வேண்டுமானால், ஆரோக்கியமற்ற உணவுகளை முழுமையாக தவிர்த்து, தினமும் உடற்பயிற்சியில் ஈடுபட வேண்டும். அப்படி செய்தால் தான் நல்ல பலன் விரைவில் கிடைக்கும். முக்கியமாக ஒருவர் தங்கள் உணவு முறையில் மாற்றங்களைக் கொண்டு வருவதற்கு முன் ஒரு நிபுணரை அணுக வேண்டும் என்பதை மட்டும் எப்போதும் நினைவில் கொள்ளுங்கள்.