உங்க உடலில் குறிப்பிட்ட இடத்தில் எடையை குறைக்க என்னென்ன பானங்களை குடிக்கணும் தெரியுமா?

தொப்பை கொழுப்புக்கு எலுமிச்சை அஜ்வைன் தண்ணீர்

எலுமிச்சை நீர் என்பது பழங்காலத்திலிருந்து எடை இழப்புக்கு சோதிக்கப்பட்ட மற்றும் நிரூபிக்கப்பட்ட பானமாகும். இதன் சுவை அனைவருக்கும் பிடிக்கும் வகையில் இருப்பது மட்டுமல்லாமல், உடலின் வளர்சிதை மாற்றத்தையும் அதிகரிக்கும். இந்த பானத்தை அதிகப்படுத்த உங்களுக்கு தேவையானது சில அஜ்வைன். 1-2 தேக்கரண்டி அஜ்வைனை தண்ணீரில் இரவு முழுவதும் ஊறவைத்து விடுங்கள். மறுநாள் காலையில், அதை நன்றாக கலந்து அதில் எலுமிச்சையைச் சேர்க்கவும். இதில் சுவையை அதிகரிக்க நீங்கள் தேனையும் சேர்க்கலாம். ஆக்ஸிஜனேற்றங்களால் நிரம்பிய இந்த பானம் எந்த நேரத்திலும் உங்கள் வயிற்று கொழுப்பை குறைக்க உதவும்.

MOST READ: காலணிகள் மூலம் கொரோனா வைரஸ் பரவ வாய்ப்புள்ளதா? ஆய்வு முடிவு என்ன சொல்கிறது தெரியுமா?

குறைந்த உடல் கொழுப்புக்கு பிளாக் டீ

நீங்கள் குறைந்த உடல் கொழுப்பிலிருந்து விடுபட விரும்பினால் பிளாக் டீ மற்றொரு நல்ல பானமாகும். 2,734 பெண்களிடம் நடத்தப்பட்ட ஒரு ஆய்வில், ஃபிளாவனாய்டு நிறைந்த உணவுகள் மற்றும் பிளாக் டீ போன்ற பானங்கள் அதிகம் உட்கொள்ள அறிவுறுத்தப்பட்டது. இதில், குறைந்த உணவு ஃபிளாவனாய்டுகளை உட்கொண்ட பெண்களை விட பிளாக் டீ அருந்திய பெண்களின் உடல் கொழுப்பு மற்றும் வயிற்று கொழுப்பு கணிசமாகக் குறைந்ததாக கண்டறிந்துள்ளனர்.

கை கொழுப்புக்கு கிரேப் ஃபுரூட் ஜூஸ்

மாத கணக்காக நீங்கள் உடற்பயிற்சி செய்தும், உங்கள் கை கொழுப்பு உங்க கையை விட்டுபோக மறுக்கிறதா? அப்படியென்றால், நீங்கள் கிரேப் ஃபுரூட் சாறுக்கு மாறுங்கள். ஒர்க்அவுட் செய்ததற்கு பிறகு கிரேப் ஃபுரூட் ஜூஸ் குடிப்பது கை கொழுப்பை எரிக்கும் செயல்முறையை துரிதப்படுத்துகிறது. வாண்டர்பில்ட் பல்கலைக்கழக ஆராய்ச்சியாளர்கள் உணவுக்கு முன் அரை கப் கிரேப் ஃபுரூட் ஜூஸை குடித்தவர்கள், தண்ணீர் குடித்தவர்களை விட அதிக எடையைக் குறைத்ததைக் கண்டறிந்தனர். இதனால், உங்கள் கை கொழுப்பைப் போக்க கிரேப் ஃபுரூட் ஜூஸை உங்கள் உணவில் சேர்க்கவும்.

முக கொழுப்புக்கு முலாம்பழம் சாறு

வெளியேற மறுக்கும் கன்னத்தின் கீழ் கொழுப்பு அடுக்கு வைக்கப்பட்டிருப்பது போன்று மிகவும் எரிச்சலை ஏற்படுத்தும். உங்கள் இரட்டை கன்னத்திலிருந்து விடுபட, இங்கே ஒரு ஆரோக்கிய பானம் உள்ளது. சில முலாம்பழம் துண்டுகளை அரைத்து ஒரு குவளையில் ஊற்றவும். முலாம்பழம் சாறு உடலில் உள்ள நச்சுக்களை வெளியேற்ற உதவுகிறது மற்றும் உங்கள் முகத்தில் உள்ள கொழுப்பை குறிவைத்து குறைக்கும். முகத்தின் நெகிழ்ச்சித்தன்மையை பராமரிக்க உதவுவதால் பாதாம் துண்டுகளையும் உங்கள் பானத்தில் சேர்க்கலாம்.

MOST READ: கைத்தட்டுதல், விளக்கேற்றுதலை தொடர்ந்து மோடி இன்னைக்கு மக்களுக்கு என்ன சொல்லியிருக்கிறார் தெரியுமா?

தண்ணீர்

நீங்கள் தண்ணீர் குடிப்பதை அதிகரிப்பது ஒட்டுமொத்த ஆரோக்கியத்தை மேம்படுத்துவதற்கான எளிய வழிகளில் ஒன்றாகும். அதிக தண்ணீரைக் குடிப்பதால், உணவுக்கு இடையில் உங்களை முழுமையாக வைத்திருப்பதன் மூலமும், நீங்கள் எரியும் கலோரிகளின் எண்ணிக்கையை அதிகரிப்பதன் மூலமும் உங்கள் இடுப்புக்கு நன்மை கிடைக்கும். கலோரிகளைக் குறைக்கவும் எடை குறைக்கவும் முயற்சிக்கும்போது, உணவுக்கு முன் தண்ணீர் குடிப்பது உங்களை வெற்றிகரமாக உடல் எடை குறைக்க வைக்கும் என்று ஆராய்ச்சி கூறுகிறது. அதிக எடை கொண்ட 48 வயது வந்தவர்களில் ஒரு ஆய்வில், குறைந்த கலோரி உணவைப் பின்பற்றும் போது உணவுக்கு முன் 500 மில்லி (17 அவுன்ஸ்) தண்ணீர் குடித்தவர்கள், உணவுக்கு முன் தண்ணீர் குடிக்காதவர்களை விட 12 வாரங்களில் 44% அதிக எடையை இழந்தனர்.

ஆப்பிள் சைடர் வினிகர் பானங்கள்

ஆப்பிள் சைடர் வினிகரில் அசிட்டிக் அமிலம் உள்ளது. இது இன்சுலின் அளவைக் குறைப்பதன் மூலமும், வளர்சிதை மாற்றத்தை மேம்படுத்துவதன் மூலமும், பசியை அடக்குவதன் மூலமும், கொழுப்பை எரிப்பதன் மூலமும் எடை இழப்பைத் தூண்டும் ஒரு கலவை ஆகும். அசிட்டிக் அமிலம் எடை அதிகரிப்பதைத் தடுக்கிறது மற்றும் தொப்பை மற்றும் கல்லீரலில் கொழுப்பு குவிவதைக் குறைக்கும். இதுபற்றிய ஆராய்ச்சி குறைவாக இருந்தாலும், மனிதர்களில் எடை இழப்பை ஊக்குவிப்பதில் வினிகர் பயனுள்ளதாக இருக்கும் என்பதற்கு சில சான்றுகள் உள்ளன. இருப்பினும், ஆப்பிள் சைடர் வினிகர் போன்ற அமிலப் பானங்களை குடிப்பதால் பற்கள் அரிக்கக்கூடும் என்பதைக் கவனத்தில் கொள்ள வேண்டும், அதனால்தான் அதை மிகக்குறைவாக உட்கொள்ள வேண்டும்.

MOST READ: கொரோனா வேகமாக பரவி வரும் இந்த காலத்தில் மீண்டும் பரவத் தொடங்கும் மற்றொரு ஆபத்தான வைரஸ்...!

உயர் புரத பானங்கள்

புரதம் அதிகம் உள்ள பானங்கள் பசியைக் கட்டுப்படுத்தலாம். நுகர்வோருக்கு எண்ணற்ற புரத பொடிகள் உள்ளன. அவற்றை விரைவான, ஆரோக்கியமான சிற்றுண்டி அல்லது பானமாக மாற்றுங்கள். புரோட்டீன் ஜி.எல்.பி -1 போன்றவை பசியைக் குறைக்கும் ஹார்மோன்களின் அளவை அதிகரிக்கிறது, அதே நேரத்தில் கிரெலின் என்ற ஹார்மோனைக் குறைக்கிறது. அதிக எடை கொண்ட 90 பெரியவர்களில் ஒரு ஆய்வில், 23 வாரங்களுக்கு தினமும் 56 கிராம் மோர் புரதத்தை உட்கொண்டவர்கள், மோர் புரதம் இல்லாத ஒரு கட்டுப்பாட்டு குழுவை விட 2.3 கிலோ அதிக கொழுப்பை இழந்தனர்.

காய்கறி சாறு

பழச்சாறு எடை அதிகரிப்போடு இணைக்கப்பட்டிருந்தாலும், காய்கறி சாறு குடிப்பதால் எதிர் விளைவு ஏற்படலாம். ஒரு ஆய்வில், குறைந்த கலோரி உணவைப் பின்பற்றும்போது 16 அவுன்ஸ் குறைந்த சோடியம் காய்கறி சாற்றைக் குடித்த பெரியவர்கள், இல்லாதவர்களைக் காட்டிலும் கணிசமாக அதிக எடையை இழந்தனர். கூடுதலாக, காய்கறி சாறு குழு அவர்களின் காய்கறி நுகர்வு கணிசமாக அதிகரித்தது மற்றும் அவற்றின் கார்ப் உட்கொள்ளலைக் கணிசமாகக் குறைத்தது. ஜூசிங் செயல்பாட்டில் அதிக அளவு நார்ச்சத்து இருப்பதால் முழு காய்கறிகளையும் உட்கொள்வது ஆரோக்கியத்திற்கு சிறந்த தேர்வாகும். இருப்பினும், குறைந்த கலோரி காய்கறி சாற்றை உட்கொள்வது உங்கள் காய்கறி உட்கொள்ளலை அதிகரிக்கும் மற்றும் உடல் எடையை குறைக்க உதவும்.