இந்தியாவின் 'வெங்காய தலைநகரம்' என்று அழைக்கப்படும் ஊர் எது? இது எந்த மாநிலத்தில் இருக்கு தெரியுமா?

இந்தியாவில் கடந்த மாதங்களில் விலைவாசி விண்ணை முட்டும் அளவிற்கு அதிகரித்துக் கொண்டே செல்கிறது. குறிப்பாக வெங்காயத்தின் விலை 200- யை நெருங்கி விட்டது. வெங்காய உற்பத்தியைப் பொறுத்தவரை, இந்தியாவின் அனைத்து மாநிலங்களிலும் உற்பத்தி செயயப்பட்டாலும் ஒரு மாநிலம் ஒட்டுமொத்த நாட்டிலும் முதன்மையான இடத்தைப் வகிக்கிறது. மகாராஷ்டிரா இந்தியாவின் மிகப்பெரிய வெங்காய உற்பத்தி மாநிலமாகும். இதில் நாசிக் பகுதி, வெங்காய சாகுபடி, சேமிப்பு, வர்த்தகம் மற்றும் விநியோகத்திற்கான முக்கிய மையமாகத் திகழ்கிறது. இங்குள்ள மொத்த விற்பனைச் சந்தைகள், நாடு முழுவதும் வெங்காயத்தின் விலை மற்றும் விநியோகத்தைத் தீர்மானிப்பதில் முக்கியப் பங்கு வகிக்கின்றன.

இந்தியாவில் 'வெங்காயத்தின் தலைநகரம்'

நாசிக் ஏன் 'இந்தியாவின் வெங்காயத் தலைநகரம்' என்று அழைக்கப்படுகிறது? மேலும், நாசிக் மாவட்டத்தில் உள்ள லாசல்காவ்ன் எனும் நகரம், நாட்டின் மிக முக்கியமான வெங்காயச் சந்தைகளில் ஒன்றாகத் திகழ்வதற்குக் காரணம் என்ன? இந்த பதிவில் தெரிந்து கொள்ளலாம்.

நாசிக் நகரில் வெங்காய உற்பத்தி

நாசிக் நகரம் தனது பரந்த சாகுபடி பரப்பு, சாதகமான விவசாயச் சூழல் மற்றும் நன்கு கட்டமைக்கப்பட்ட சந்தை ஆகியவற்றின் காரணமாக, இந்தியாவின் மிக முக்கியமான வெங்காய உற்பத்தி மற்றும் வர்த்தகப் பகுதிகளில் ஒன்றாகத் திகழ்கிறது. வேளாண் மற்றும் பதப்படுத்தப்பட்ட உணவுப் பொருட்கள் ஏற்றுமதி மேம்பாட்டு ஆணையத்தின் (APEDA) தரவுகளின்படி, 2024-25 ஆம் ஆண்டில் இந்தியாவின் மொத்த வெங்காய உற்பத்தியில் மகாராஷ்டிரா 44.07 சதவீத பங்களிப்பை வழங்கியுள்ளது. இதன்மூலம் நாட்டிலேயே அதிகம் வெங்காயம் உற்பத்தி செய்யும் மாநிலமாக மகாராஷ்டிரா மாறியுள்ளது.

இந்தியாவின் வெங்காய சந்தையின் மையம்

நாசிக் மாவட்டம் மகாராஷ்டிராவில், வெங்காயச் சாகுபடி, சேமிப்பு, போக்குவரத்து மற்றும் வர்த்தகம் ஆகியவற்றிற்கான மையமாக விளங்குகிறது. குறிப்பாக, இந்த மாவட்டத்தில் உள்ள லாசால்கான் எனும் முக்கிய மொத்த விற்பனைச் சந்தை, நாட்டின் பல்வேறு பகுதிகளிலிருந்து விவசாயிகள் மற்றும் வணிகர்களை ஈர்க்கிறது. இந்த சந்தைகளில் வெங்காயத்தின் விலை, சந்தைக்கு வரும் வெங்காயத்தின் அளவு மற்றும் தரம், அத்துடன் நிலவும் தேவை போன்ற பல்வேறு காரணிகளைப் பொறுத்து மாறுபடக்கூடும்.

லாசல்கான் சந்தை எப்படி செயல்படுகிறது?

விவசாயிகள் தங்கள் விளைபொருட்களை லாசல்கானுக்குக் கொண்டு வருகின்றனர். அங்கு அவை மொத்தச் சந்தை முறை மூலம் விற்பனை செய்யப்படுகின்றன. அங்கு வரும் விளைபொருட்களின் அளவு மற்றும் ஏல அடிப்படையிலான வர்த்தக முறை ஆகியவை, வெங்காய விநியோகம் மற்றும் விலை மாற்றங்களை நிர்ணயிக்கின்றன.

புவிசார் குறியீடு

நாசிக் பகுதி, சிவப்பு வெங்காய சாகுபடி மற்றும் வணிகத்திற்கு மிகவும் பெயர் பெற்றது. இந்தப் பகுதியில் விளையும் வெங்காயம் உள்நாட்டுச் சந்தைகளில் மட்டுமின்றி, பரந்த அளவிலான விவசாய வர்த்தகத்திலும் முக்கியமானதாக விளங்குகிறது. 'லாசல்காவ்ன் வெங்காயம்' புவிசார் குறியீட்டைப் (GI tag) பெற்றுள்ளது. இது, வேளாண் மற்றும் பதப்படுத்தப்பட்ட உணவுப் பொருட்கள் ஏற்றுமதி மேம்பாட்டு ஆணையத்தால் (APEDA) மகாராஷ்டிராவின் புவிசார் குறியீடு பெற்ற தயாரிப்புகளில் ஒன்றாகப் பட்டியலிடப்பட்டுள்ளது. புவிசார் குறியீடு என்பது ஒரு குறிப்பிட்ட புவியியல் பகுதியுடன் தொடர்புடைய தயாரிப்புகளை அடையாளம் காண்பதுடன், அந்தத் தயாரிப்புகளுக்கென தனித்துவமான பிராந்திய அடையாளத்தை வழங்குவதாகும்.

இந்தியாவின் மிகப்பெரிய சந்தை

நாசிக் மாவட்டத்தில் உள்ள லாசல்கான் ஏபிஎம்சி (APMC) சந்தை, இந்தியாவின் மிகப்பெரிய வெங்காய மொத்த விற்பனைச் சந்தைகளில் ஒன்றாகும். இதன் பிரம்மாண்டமான அளவு மற்றும் இங்கு நடைபெறும் வெங்காய வர்த்தகத்தின் அளவைக் கருத்தில் கொண்டு, இது பெரும்பாலும் ஆசியாவிலேயே மிகப்பெரிய வெங்காயச் சந்தை என்றும் குறிப்பிடப்படுகிறது. இந்தியா முழுவதும் வெங்காயத்தின் விலையை நிர்ணயிப்பதில் இந்த சந்தையும், நாசிக் நகரமும் முக்கியப்பங்கு வகிக்கிறது.