இந்த புத்திசாலித்தனமான எளிய தந்திரங்கள் நீங்கள் எதிர்பார்ப்பதை விட உங்க எடையை வேகமாக குறைக்குமாம்...!

உணவுக்கு முன் சூயிங் கம் மெல்லுவது

ரோட் தீவின் பல்கலைக்கழக ஆராய்ச்சியாளர்களின் கூற்றுப்படி, உணவு நேரத்திற்கு முன் சூயிங் கம் மெல்லுவது குறைவான கலோரிகளை உட்கொள்ள உதவும். காலையில் ஒரு மணிநேரம் சூயிங் கம் மெல்லும் போது மக்களுக்கு பசி குறைவாக இருப்பதை அவர்கள் கண்டறிந்தனர், மேலும் அவர்கள் மதிய உணவில் 67 குறைவான கலோரிகளை சாப்பிட்டனர். சூயிங் கம்மில் புதினா சுவையைத் தேர்ந்தெடுப்பது உங்களுக்கு மேலும் உதவக்கூடும், ஏனெனில் புதினா சுவையானது பசியைக் கட்டுப்படுத்த அறியப்படுகிறது.

நிறைய தண்ணீர் குடிக்கவும்

எடையை குறைக்க முயற்சிப்பவர்கள் எப்போதும் நீரேற்றத்துடன் இருக்க வேண்டியது அவசியம். நீர் உங்கள் பசியைக் கட்டுப்படுத்துகிறது, மேலும் உணர்ச்சிவசப்படுவதைத் தடுக்கிறது. நீரிழப்பு கூட சில நேரங்களில் பசியுடன் குழப்பமடையக்கூடும். எனவே, ஒவ்வொரு மணி நேரத்திற்கும் ஒரு கிளாஸ் தண்ணீர் குடிக்கவும். மேலும் பாட்டிலிலிருந்துகுடிப்பதை விட கிளாஸிலிருந்து தண்ணீர் குடிக்க முயற்சி செய்யுங்கள். பாட்டிலில் குடிக்கும்போது நாம் எவ்வளவு திரவத்தை உட்கொள்கிறோம் என்பது சரியாகத் தெரியாது. உங்கள் பாட்டிலுடன் ஒரு பெரிய கண்ணாடிடம்ளரை உங்கள் மேஜையில் வைத்து, ஒரு வழக்கமான இடைவெளிக்குப் பிறகு ஒரு கிளாஸ் தண்ணீரைக் குடிக்கவும்.

ஆன்லைன் ஷாப்பிங் செய்யுங்கள்

உங்கள் சமையலறை ஆரோக்கியமான தின்பண்டங்களுடன் சேமிக்கப்படுவதை உறுதிசெய்ய ஆன்லைன் ஷாப்பிங் சிறந்தது. ஏனென்றால் ஆன்லைனில் பொருட்களை வாங்கும்போது, மக்கள் தங்களுக்குத் தேவையான உணவை மட்டுமே வாங்க அதிக வாய்ப்புள்ளது. அவர்கள் தேவையில்லாத பொருட்களை பார்க்கும் வாய்ப்புகள் குறைவு, இது பல்பொருள் அங்காடியிலிருந்து மளிகை பொருட்களை வாங்கும்போது பொதுவானது. நீங்கள் கொஞ்சம் பணத்தை மிச்சப்படுத்துவது மட்டுமல்லாமல், உங்கள் உணவுத் திட்டத்திலும் உறுதியாக இருப்பீர்கள்.

உடற்பயிற்சியின் போது மியூசிக் கேளுங்கள்

பெரும்பாலான மக்கள் உடற்பயிற்சி செய்யும் போது தங்களுக்கு பிடித்த இசையை இசைக்க ஒரு காரணம் இருக்கிறது- இது அவர்களுக்கு உந்துதலாக இருக்கவும் வேகமாக உடற்பயிற்சி செய்யவும் உதவுகிறது. ஜர்னல் ஆஃப் ஸ்போர்ட் & எக்ஸர்சைஸ் சைக்காலஜி பற்றிய ஒரு ஆய்வின்படி, வேகமான, ஊக்கமளிக்கும் இசை வேகமாக செல்ல உதவும், மேலும் தொடர்ந்து செல்ல உங்களை ஊக்குவிக்கும். இறுதியில், நீங்கள் நீண்ட நேரம் வேலை செய்வீர்கள், மேலும் அதிக கலோரிகளை எரிப்பீர்கள்.

உணவுக்கு முன் சூப் அல்லது சாலட் சாப்பிடுங்கள்

குறைவான கலோரிகளை உட்கொள்வதற்கான மற்றொரு எளிதான தந்திரம் என்னவென்றால், உங்கள் உணவுக்கு முன் குழம்பு சார்ந்த சூப் அல்லது சாலட் சாப்பிட வேண்டும். சூப் மற்றும் சாலட் இரண்டும் ஆரோக்கியமானவை, அவற்றை சரியான முறையில் சாப்பிடுவதால் மொத்த கலோரி அளவை 20 சதவீதம் வரை குறைக்க முடியும். சிவப்பு ஆப்பிள் சாப்பிடுவது கூட உங்கள் ஒட்டுமொத்த கலோரி அளவைக் குறைக்க உதவும்.