இந்திய நடிகர், நடிகைகள் உடல் எடையை குறைக்க என்னென்ன செஞ்சாங்க தெரியுமா?

அர்ஜுன் கபூர்

அர்ஜூன் கபூரின் உடல் எடை குறிப்பு சற்று வியக்க வைக்கிறது. இவர் 140 கிலோவில் இருந்து உடல் எடையை குறைத்து இன்று உடலை கட்டுக்கோப்பாக பேணிக்காத்து வருகிறார். இந்த மாற்றத்திற்கு காரணம், இவர் இன்று வரை தொடர்ந்து செய்து வரும் 20 நிமிடங்கள் க்ராஸ்ஃபிட் பயிற்சிகளும், ஏப்ஸ் எனப்படும் அப்டமன் பயிற்சிகளும் தான்.

சோனாக்ஷி சின்ஹா

திரைப்படங்களில் நடிப்பதற்கு முன்பு சோனாக்ஷி சின்ஹா ஏறத்தாழ 90 கிலோக்கு அதிகமாக இருந்தார். இவர் உடல் எடை குறைக்க பின்பற்றிய பயிற்சிகள் நீச்சல், டென்னிஸ், யோகா மற்றும் கார்டியோ பயிற்சிகள் ஆகும். மேலும், இவர் மிகுந்த கட்டுப்பாடான டயட்டை மேற்கொண்டார்.

சோனம் கபூர்

இப்போது பார்க்க ஒல்லியாக இருந்தாலும், நடிக்க வருவதற்கு முன்பு 86 கிலோ எடையில் சற்று ஜப்பியாக தான் இருந்தார் சோனம். இவர் பிலேட்ஸ் மற்றும் யோகா பயிற்சியின் மூலமும், கதக் நடன பயிற்சியின் மூலமும் உடல் எடையை குறைத்தார்.

கரீனா கபூர்

சைஸ் ஸீரோவில் இருந்த கரீனாவை தான் இப்போது பலருக்கு தெரியும். அதற்கு முன் 90-களில் எடை அதிகமாக இருந்த கரீனாவை எல்லாரும் மறந்தே போயிருப்பார்கள். இவர், சமமான டயட் மற்றும் யோகாவின் மூலமாக உடல் எடையை குறைத்தார்.

பர்நிதி சோப்ரா

ஜாக்கிங், குதிரை ஏற்றம், நீச்சல், ஓட்டப்பயிற்சி போன்றவற்றின் மூலமாக உடல் எடையை குறைத்தார். மற்றும் இவர் துரித உணவுகள் உண்பதை முற்றிலுமாக தவிர்த்துவிட்டார்.

ஆலியா பட்

பதின் வயதுகளில் சற்று ஜப்பியாக இருந்த ஆலியா கதக் மற்றும் பாலே நடன பயிற்சிகள் செய்து உடல் எடையை குறைதாராம். மேலும், இவர் எடை தூக்கும் பயிற்சியும் மேற்கொண்டார்.

ஐஸ்வர்யாராய்

குழந்தை பிறந்த பிறகு அதிகரித்த உடல் எடையை டயட்டின் மூலமாக குறைத்துள்ளார் ஐஸ். பிரவுன் ரைஸ், பச்சை காய்கறிகள், பழங்கள், சிறிய அளவில் உணவு உண்பது என சீரிய டயட்டின் மூலமாக உடல் எடையை குறைத்துள்ளார் ஐஸ்.

இஷா தியோல்

தூம் படத்தில் பக்காவான உடற்கட்டில் இருந்த இஷா தியோல். அதற்காக ஓராண்டு காலம் பயிற்சிகள் மேற்கொண்டார். கிக் பாக்ஸிங் பயிற்சிகள் எல்லாம் செய்து தான் அந்த உடற்கட்டை பெற்றாராம் இஷா தியோல்.