நடிகை அனுஷ்கா இன்னும் சிக்கென்று இருப்பதன் பின்னணியில் உள்ள ரகசியம் என்ன தெரியுமா?

சரியான உணவுகள்

அனுஷ்கா எப்போதும் உண்ணும் உணவுகள் மீது மிகவும் கவனமாகவும், கட்டுப்பாட்டுடனும் இருப்பார். அந்த கட்டுப்பாடு தான் அவர்களின் சிக்கென்ற உடலமைப்பிற்கான முதல் காரணம். மேலும் இவர் மேலும் இவர் பெண்களை ஜங்க் உணவுகளில் இருந்து விலகி இருக்குமாறும், இந்த உணவுகளில் உள்ள அதிகப்படியான கெட்ட கொழுப்புக்கள் தான் பெண்களின் உடல் பருமனுக்கு முக்கிய காரணம் என்றும் பேட்டி ஒன்றில் கூறியுள்ளார்

தேன் மற்றும் பிரட்

அனுஷ்கா காலையில் எப்போதுமே கோதுமை பிரட் மற்றும் தேன் உட்கொள்வாராம். இதனால் வயிறு நிறைவதோடு, உடல் ஆரோக்கியத்தையும் இது பாதுகாக்கும் என்றும் கூறியுள்ளார்.

நீர்ம உணவுகள்

முக்கியமாக அனுஷ்கா நீர்ம உணவுகளை அதிகம் எடுத்துக் கொள்வாராம். ஆனால் சோடா கலந்த பானங்களை தொடவேமாட்டாராம். மேலும் தன் ரசிகர், ரசிகைகளையும் சோடா பானங்களைத் தவிர்க்குமாறு கூறியுள்ளார். அதுமட்டுமின்றி இவர் எப்போதுமே தண்ணீரை அதிக அளவில் குடிப்பாராம். தண்ணீரை அதிகம் குடிப்பதால், உடலில் உள்ள டாக்ஸின்கள் அனைத்தும் வெளியேற்றப்பட்டு, உடல் ஆரோக்கியமாக இருப்பதோடு, தன் முகம் பிரகாசமாக இருக்கிறது என்றும் பேட்டியில் கூறியுள்ளார்.

உடற்பயிற்சி

முக்கியமாக இவர் தினமும் தவறாமல் 30 நிமிடம் உடற்பயிற்சியை செய்வாராம். ஒவ்வொரு நாளும் 30 நிமிடத்தை தவறாமல் உடற்பயிற்சிக்காக செலவிடுவாராம். அதுவும் இவர் யோகா, தியானம் போன்றவற்றை தான் மேற்கொள்வாராம். இந்த பயிற்சிகளால் உடல் ஃபிட்டாக இருப்பதோடு, மனதிற்கு அமைதி கிடைப்பதாக சொல்லியுள்ளார்.

தூக்கம்

அனுஷ்கா தினமும் தவறாமல் 7 மணிநேரம் தூங்குவாராம். இப்படி தூங்குவதால், தனது உடலுக்கு வேண்டிய போதிய ஓய்வு கிடைத்து, உடல் புத்துணர்ச்சியுடன் இருப்பதாக சொல்கிறார்.

நேரந்தவறாத குணம்

இவர் எந்த ஒரு வேலையையும் அதற்குரிய நேரத்தில் தவறாமல் மேற்கொள்வாராம். உதாரணமாக, தினமும் தன் இரவு உணவை 8 மணிக்குள்ளேயே முடித்துக் கொள்வாராம். இதனால் இரவில் நல்ல தூக்கம் கிடைக்கிறதாம்.