டைப்-3 நீரிழிவு என்றால் என்ன? அதன் அறிகுறிகள் என்ன?

டைப் 3 நீரிழிவு என்றால் என்ன?

டைப் 3 நீரிழிவு என்பது அல்சைமர் நோயாகும். தற்போது வரை அல்சைமர் மற்றும் நீரிழிவு ஆகிய இரண்டும் வெவ்வேறு நோய்களாக அறியப்படுகின்றன. ஆனால் சில வழக்குகளில் அல்சைமர் நோய் டைப் 3 நீரிழிவாக அறியப்படுகிறது. அல்சைமர் பாதிப்பு, நீரிழிவு நிலையாக ஏன் அறியப்படுகிறது என்பது குறித்த சில ஆய்வுகள் உள்ளன.

டைப் 3 நீரிழிவு என்பது ஒரு கருத்தை முன்வைக்கிறது. அதாவது, அல்சைமர் நோய் இன்சுலின் எதிர்ப்பு அல்லது மூளையில் நிகழும் செயலிழப்பு காரணமாக ஏற்படுகிறது. டைப் 2 நீரிழிவு நோய் உள்ள ஒருவர் அல்சைமர் அல்லது டிமென்ஷியாவால் பாதிக்கப்படும் ஒரு நிலை பொதுவாக டைப் 3 நீரிழிவு நோய் என்று விவரிக்கப்படுகிறது. இன்சுலின் எதிர்ப்பு காரணமாக இந்த பாதிப்பு உண்டாகிறது என்று நம்பப்படுகிறது. எனினும் டைப் 3 நீரிழிவு பாதிப்பை மருத்துவ சமூகம் இன்னும் முழுமையாக ஏற்றுக்கொள்ளாததன் காரணமாக இந்த நோய் இன்னும் பிரபலமடையவில்லை.

அல்சைமர் மற்றும் நீரிழிவு ஆகியவற்றின் தொடர்பு

முன்பு விவரிக்கப்பட்டது போல், நீரிழிவு மற்றும் அல்சைமர் ஆகியவற்றுக்கு ஒரு தொடர்பு உள்ளது. அல்சைமர் என்பது மூளையில் உண்டாகும் நீரிழிவின் காரணமாக மூளைத்திசுவில் மாற்றம் ஏற்பட்டு ஞாபகங்கள் மெதுவாக அழிக்கப்படும் ஒரு நிலை என்று ஆராய்ச்சியாளர்கள் நம்புகின்றனர். இந்த தகவலை மருத்துவ ரீதியாக நிரூபிக்க ஒரு சில ஆய்வுகள் மட்டுமே உள்ளன. இன்சுலின் எதிர்ப்பு காரணமாக அதிகரிக்கும் அல்சைமர் பாதிப்பிற்கான வழக்குகளும் மிகக் குறைவாக உள்ளன. இதே போல், டைப் 2 நீரிழிவு பாதிப்பு உள்ளவர்கள் பிற்காலத்தில் அல்சைமர் பாதிப்பை எதிர்கொள்ளும் வழக்குகளும் குறைவாகவே உள்ளன.

நீரிழிவு என்பது மூளையில் ஏற்படும் ரசாயன சமநிலையின்மையுடன் தொடர்புடையது. இதனால் அல்சைமர் மற்றும் டிமென்ஷியா போன்ற கோளாறுகள் ஊக்குவிக்கப்படலாம். கட்டுப்படுத்த முடியாமல் அதிகரிக்கும் இரத்த சர்க்கரை அளவின் காரணமாக அழற்சி ஏற்பட்டு, மூளை அணுக்கள் சேதமடைகிறது. இதன் காரணமாக டிமென்ஷியா மற்றும் அல்சைமர் போன்ற நிலைகள் உண்டாகின்றன. நீரிழிவு என்பது வாஸ்குலர் டிமென்ஷியாவின் முக்கிய ஆபத்து காரணியாக இருக்கலாம். இது அல்சைமர் பாதிப்பை அதிகரிக்கிறது.

டைப் 3 நீரிழிவிற்கான காரணங்கள்:

டைப் 3 நீரிழிவிற்கான பொதுவான காரணங்கள் அல்லது ஆபத்து காரணிகள் கீழே கொடுக்கப்பட்டுள்ளன. அவையாவன:

* ஹைப்பர் டென்சன் அல்லது உயர் இரத்த அழுத்தம்

* உடல் பருமன்

* டைப் 2 நீரிழிவிற்கான குடும்ப வரலாறு

* PCOS என்னும் கருப்பை நீர்கட்டிகள் அல்லது மனஅழுத்தம் போன்ற இதர ஆரோக்கிய குறைபாடுகள்

டைப் 3 நீரிழிவிற்கான அறிகுறிகள்:

டைப் 3 நீரிழிவிற்கான அறிகுறிகள் அல்சைமர் கோளாறுக்கான அறிகுறிகளுடன் ஒத்து இருக்கிறது. அவை..

* ஞாபக மறதி

* முன்பு நீங்கள் ரசித்த விஷயங்களில் இப்போது ஈடுபடுவதில் பிரச்சனை

* பொருட்களை தவறான இடத்தில் வைத்துவிட்டு தேடுவது

* முடிவு எடுப்பதில் சிரமம்

நோய் கண்டறிதல்:

நீரிழிவு சோதனை மற்றும் நரம்பியல் சோதனை ஆகியவற்றின் மூலம் இந்த நிலையைக் கண்டறிய முடியும். இந்த பாதிப்பு இரத்த சர்க்கரை மற்றும் மூளை ஆரோக்கியம் ஆகிய இரண்டுடன் தொடர்பு கொண்டிருப்பதால் இரண்டு பரிசோதனைகளையும் செய்து கொள்வதால் சரியான நேரத்தில் சரியான சிகிச்சை எடுத்துக் கொள்ள முடியும். சில வழக்குகளில் மூளையின் சரியான இயக்கம் பற்றி அறிந்து கொள்வதற்காக தலையில் MRI மற்றும் CT ஸ்கேன் எடுக்க மருத்துவர் வலியுறுத்தலாம். டைப் 2 நீரிழிவால் பாதிக்கப்பட்ட நபருக்கு அல்சைமர் பாதிப்பிற்கான அறிகுறிகள் வெளிப்பட்டால் மருத்துவர் இந்த சோதனைகளை பரிந்துரைக்கலாம்.