சர்க்கரை நோய் வரக்கூடாதா? அப்ப இந்த உணவுகளை தினமும் சாப்பிடுங்க...

ஆய்வு

ஒரு பெரிய ஆய்வானது பழங்கள் மற்றும் காய்கறிகள் அதிகம் உள்ள உணவுகள் டைப்-2 சர்க்கரை நோயின் அபாயத்தை 50 வதவீதம் வரை குறைப்பதாக தெரிவிக்கிறது. 22,000-க்கும் அதிகமானவர்களைக் கொண்டு மேற்கொள்ளப்பட்ட இந்த ஆய்வில், வைட்டமின் சி மற்றும் கரோட்டினாய்டுகளின் உயர் இரத்த செறிவுகளுக்கு இடையேயான தொடர்பு டைப்-1 சர்க்கரை நோயின் அபாயத்தைக் குறைப்பது கண்டறியப்பட்டுள்ளது. ஆகவே வைட்டமின் சி மற்றும் கரோட்டினாய்டுகளின் நிறைந்த பழங்கள் மற்றும் காய்கறிகளை சாப்பிடுவது சர்க்கரை நோயின் அபாயத்தைக் குறைப்பதாக கருதப்படுகின்றன.

மற்றொரு ஆய்வு

மற்றொரு ஆய்வு முழு தானிய உணவுகள் டைப்-2 சர்க்கரை நோயின் அபாயத்தை 29 சதவீதம் குறைப்பதாக கூறுகிறது. இந்த கண்டுபிடிப்புகளின் அடிப்படையில், டைப்-2 சர்க்கரை நோயின் அபாயத்தைக் குறைக்க உதவும் சில உணவுகளின் பட்டியலை கீழே கொடுத்துள்ளோம். அதைப் படித்து அவற்றை அன்றாட உணவில் சேர்த்து சர்க்கரை நோயில் இருந்து விலகி இருங்கள்.

கேரட்

கரோட்டீனாய்டுகள் அதிகம் நிறைந்த காய்கறிகளுள் கேரட்டும் ஒன்றாகும். இது டைப்-2 சர்க்கரை நோயின் அபாயத்தைக் குறைப்பதுடன் இணைக்கப்பட்டுள்ளது. சர்க்கரை நோய் உள்ளவர்கள் குறைந்த க்ளைசீமிக் இன்டெக்ஸ் நிறைந்த காய்கறிகளான கேரட் போன்றவற்றை சாப்பிட அறிவுறுத்தப்படுகிறது. கேரட்டில் நார்ச்சத்து அதிகம் இருப்பதால், இது மலச்சிக்கலைக் குறைக்கவும், கெட்ட கொலஸ்ட்ராலைக் குறைக்கவும், எடையை குறைக்கவும் உதவும்.

தக்காளி

தக்காளியில் ஆல்பா மற்றும் பீட்டா கரோட்டீன், லுடீன் மற்றும் லைகோபைன் போன்ற முக்கிய கரோட்டினாய்டுகள் உள்ளன. இவை பல்வேறு ஆரோக்கிய நன்மைகளை வழங்கக்கூடியவை. 2011 ஆம் ஆண்டு மேற்கொள்ளப்பட்ட ஆய்வில், டைப்-2 சர்க்கரை நோயாளிகளுக்கு தினமும் 200 கிராம் தக்காளி சாப்பிட கொடுக்கப்பட்டதில் இரத்த அழுத்தம் குறைந்தது கண்டறியப்பட்டுள்ளது.

ஓட்ஸ்

நார்ச்சத்து அதிகம் நிறைந்த ஓட்ஸ் போன்ற உணவுகளை உட்கொள்வது, உடலில் உள்ள சர்க்கரையின் முறிவைக் குறைக்கவும், இரத்த சர்க்கரையை சீராக்கவும் உதவும். அதோடு ஓட்ஸ் சாப்பிடுவது இதய நோய்களின் அபாயத்தையும் குறைக்கும்.

பசலைக்கீரை

பச்சை இலைக் காய்கறிகளான பசலைக்கீரை, கேல், லெட்யூஸ் போன்றவற்றில் நார்ச்சத்து, கால்சியம், வைட்டமின் ஏ போன்றவை வளமான அளவில் நிறைந்துள்ளது. அதோடு இவற்றில் கலோரிகளும் குறைவு என்பதால், உடல் எடையைக் குறைக்கவும் உதவும்.

ப்ளூபெர்ரி பழங்கள்

ப்ளூபெர்ரி பழங்களை அதிகம் சாப்பிடுபவர்களுக்கு சர்க்கரை நோயின் அபாயம் குறைவாக இருப்பது ஆய்வு ஒன்றில் தெரிய வந்துள்ளது. திராட்சை, ஆப்பிள், பேரிக்காய், பீச், ப்ளம்ஸ், ஆப்ரிகாட் போன்றவற்றையும் வேண்டுமானால் சாப்பிடலாம். இவற்றில் நார்ச்சத்து, வைட்டமின் ஏ மற்றும் சி, பொட்டாசியம், எண்ணிடலங்கா ஆக்ஸிடன்ட்டுகள் போன்றவை அதிகம் உள்ளதால், அவை சர்க்கரை நோயின் அபாயத்தைக் குறைக்க உதவும்.