முகப்பருக்களுக்கு குட்பை சொல்லனும்னா வாரம் இருமுறை இந்த ஹெர்பல் ஆவி பிடிச்சு பாருங்க!!

தேவையானவை :

மஞ்சள் பொடி

பட்டை பொடி

க்ரீன் டீ

நீர்

ஸ்டெப்-1 :

இந்த ஆவி பிடிப்பதற்கு முன் உங்கள் முகத்தை நன்றாக கழுவி பருத்தித் துணியால் துடைத்திடுங்கள். பின் 1 லிட்டர் அளவு நீரை கொதிக்க வைக்க வேண்டும்.

ஸ்டெப்-2 :

பின் 1 ஸ்பூன் மஞ்சள் பொடி, 4 பட்டை மற்றும் 1 ஸ்பூன் அளவு க்ரீன் டீயை கொதிக்கும் நீரில் போட வேண்டும்.

ஸ்டெப்-3 :

பின்னர் அடுப்பை அனைத்து ஒரு ஸ்பூனால் நீரை நன்றாக கலக்குங்கள். இந்த நீர் நிறம் மாறி அடர் மஞ்சள் நிறத்திற்கு வரும்.

ஸ்டெப் - 4 :

இந்த நீரில் முகத்தை நன்றாக மூடி ஆவி பிடிக்க வேண்டும். இப்படி செய்வதால் சரும துவாரங்கள் திறந்து இந்த மூலிகைகளின் குணங்கள் ஊடுருவும்.

சருமத்தின் தன்மை :

உங்களுக்கு வறண்ட சருமம் என்றால் 8 நிமிடங்கள் போதுமானது. எண்ணெய் சருமம் என்றால் 15-20 நிமிடங்கள் ஆவி பிடிக்க வேண்டும். சூடு ஆறியதென்றால் திரும்பவும் சூடு வைத்து ஆவி பிடிக்கலாம்.

நன்மைகள் :

மஞ்சள் கிருமிகளின் மீது செயல்புரிந்து அவற்றை அழிக்கும். க்ரீன் டீ சரும செல்களுக்கு புத்துயிர் அளிக்கும். தேவையான போஷாக்கை தரும். பட்டை முகப்பரு, மற்றும் எண்ணெய் பசையை கட்டுப்படுத்தும். இந்த மூன்றையும் நீரில் கலந்து ஆவியாக பிடித்தால் அற்புத பலன்களை பெறலாம்.