முகம் பொலிவாக இருக்க இயற்கை க்ரீம் வீட்டில் எப்படி செய்யலாம்?

கற்றாழை:

கால் கப் கற்றாழைக் களிம்பு, 2 தேக்கரண்டி பாதாம் எண்ணை, 2 தேக்கரண்டி நறுமண மலர்ச்செடியின் சாறு போன்றவற்றைக் கலந்து கொள்ள வேண்டும். இதை முகத்தில் பூசி கழுவ வேண்டும். இதனால் முகம் பொலிவு பெறுகிறது.

ஓட்ஸ்:

இது பவுடர் வகையான முகப்பொலிவு தீர்வு வகையாகும். 1 தேக்கரண்டி ஓட்ஸ்சையும் 2 தேக்கரண்டி செவ்வந்திப் பூச் சாற்றையும் கலந்து கொள்ள வேண்டும். இதனுடன் பென்டோனைட் களிமண்ணை ஒரு கரண்டி அளவு கலந்து கொள்ள வேண்டும். இந்த பவுடருடன் சிறிது தண்ணீர் கலந்து முகத்தில் பூச வேண்டும்.

தேன் மற்றும் களிமண் கலவை:

மிகவும் மிருதுவான தோல் வகைகளுக்கு இது சிறந்த தீர்வாகும். 2 தேக்கரண்டி களிமண்ணுடன் கால் கப் தேனை கலந்துகொள்ள வேண்டும். இதனுடன் நறுமண எண்ணெய் கலந்து முகத்தில் தடவ வேண்டும்.

தேங்காய் எண்ணெய் மற்றும் தேன்:

2 தேக்கரண்டி தேனுடன் கால் பகுதி தேங்காய் எண்ணெயைக் கலக்க வேண்டும். இதனுடன் இரண்டு சொட்டு லாவண்டர் நறுமண எண்ணெயைக் கலந்து கொள்ளவும். பின்னர் இதனை முகத்திற்குப் பூசினால் நல்ல தீர்வு கிடைக்கும்.

கட்டை கரி:

1 கப் தேங்காய் எண்ணையுடன் நன்கு தயாரிக்கப்பட்ட 6 கட்டை கரி காப்ஸ்யூல்களைக் கலந்து கொள்ள வேண்டும். இதனுடன் 5 சொட்டு லாவண்டர் எண்ணெய் அல்லது பன்னீரைக் கலந்து கொள்ளவும். இது உங்கள் முகத்தில் உள்ள தேவையற்ற அசுத்தங்களை அகற்றும்.

தக்காளி:

பொதுவாகவே தக்காளி சுத்தப்படுத்தும் ஆற்றல் கொண்டது. தக்காளிச் சாறு 2 தேக்கரண்டி அளவு,1 தேக்கரண்டி பால் மற்றும் 1 கரண்டி லெமன் சாறு போன்றவற்றைக் கலந்து கொள்ள வேண்டும். இந்தக் கலவை உடனடியாக முகப் புத்துணர்ச்சியைக் கொடுக்கும்.

தயிர் மற்றும் ஸ்ட்ராபெர்ரி:

2 ஸ்ட்ராபெர்ரியுடன் 2 தேக்கரண்டி தயிரைக் கலந்து முகத்தில் பூச வேண்டும். இது முகத்திற்குச் சிறந்த பலனைக் கொடுக்கும்.

ஆப்பிள் பழச்சாறு வினிகர்:

2 தேக்கரண்டி ஆப்பிள் பழச்சாற்றில் ஆன வினிகரைக் கொதிக்க வைத்த தண்ணீரில் கலந்து கொள்ள வேண்டும். இதனுடன் ஒரு சொட்டு 'கேஸ்டைல் சோப்பு" கலந்து பூசினால் முகப்பரு மறைந்து அழகைக் கொடுக்கும்.

தேன் மற்றும் லெமன்:

நீங்கள் எண்ணெய் வழியும் தோலினைக் கொண்டிருந்தால் இந்தத் தீர்வு உங்களுக்குப் பொருந்தும். தேனுடன் லெமன் கலந்து உபயோகித்தால் முகம் பொலிவடையும். வேண்டுமெனில் சிறிது தண்ணீர் கலந்து உபயோகிக்கலாம்.

சமையல் சோடா மற்றும் தேன்:

1 தேக்கரண்டி தேன், சிறிதளவு மஞ்சள்தூள், ½ தேக்கரண்டி அடு உப்பு போன்றவற்றை உள்ளங்கையில் வைத்துத் தேய்க்க வேண்டும். பின்னர் அதனை முகத்தில் பூச வேண்டும். சிறிது நேரம் கழித்துத் தண்ணீரில் கழுவி உலரவிட வேண்டும்.