கோடையில் பாதங்களை பராமரிக்க சில டிப்ஸ்...

கழுவுதல்

வெளியே சென்றுவிட்டு வீட்டிற்கு வந்ததும், கால்களை கழுவும் பழக்கத்தைக் கொள்ள வேண்டும். அதுவும், கால்விரல்களுக்கிடையே நன்கு கழுவ வேண்டும். ஏனெனில் அங்கு தான் மாசுக்கள் அதிகம் இருக்கும்.

இறந்த செல்கள் நீக்குதல்

பாதங்களுக்கு ஸ்கரப்பர் பயன்படுத்தி கழுவுவது மிகவும் முக்கியமானது. இதனால் இறந்த செல்கள் நீங்கி, பாதங்களில் உள்ள அழுக்குகள் எளிதில் நீங்கும். மேலும் இதனால் பாதங்களில் எந்த ஒரு பிரச்சனையும் வராமல் தடுக்கலாம்.

சரியான செருப்பு அணிதல்

கோடையில் பாதங்களை முற்றிலும் கவரும் வகையிலான செருப்புக்கள் அணிவதை தவிர்க்க வேண்டும். அவ்வாறு அணிந்தால், சருமத்துளைகள் சரியாக சுவாசிக்க முடியாதவாறு ஆகிவிடும். எனவே கால்களுக்கு நன்கு மென்மையாக இருக்கும் காலணிகளை அணிவது சிறந்தது.

சன் ஸ்க்ரீன் லோசன்

சூரியனின் புறஊதாக்கதிர்களில் இருந்து, சருமத்திற்கு மட்டுமின்றி பாதங்களுக்கும் தான் பாதிப்பு ஏற்படுகிறது. எனவே வெளியே செல்லும் போது, பாதங்களுக்கும் சன் ஸ்க்ரீன் லோசன் தடவி செல்ல வேண்டும்.

மாய்ஸ்சுரைசர்

பாத பராமரிப்பில் முக்கியமான ஒன்று தான் மாய்ஸ்சுரைசர் தடவுவது. எந்த ஒரு காலமாக இருந்தாலும், பாதங்களுக்கு சரியான மாய்ஸ்சுரைசரை தடவி வர வேண்டும். ஏனெனில் அங்கு எண்ணெய் சுரப்பி இல்லாத காரணத்தினால், பாதங்கள் எளிதில் வறட்சியடையும். எனவே தினமும் இரண்டு முறை, குளித்த பின்னும், தூங்கும் முன்பும் மாய்ஸ்சுரைசரை தவறாமல் தடவ வேண்டும்.

பெடிக்யூர்

எப்போதும் மாதத்திற்கு இரண்டு முறையாவது பாதங்களுக்கு பெடிக்யூர் செய்ய வேண்டும். அதுவும் அதனை ஸ்பாவிலோ அல்லது வீட்டிலேயே கூட செய்யலாம்.

மசாஜ்

உடலில் உள்ள அனைத்து பாகங்களுக்கும் இரத்த ஓட்டம் சீராக தங்கு தடையின்றி ஓட வேண்டுமெனில், பாதத்திற்கு மசாஜ் செய்வது தான் சிறந்த வழி. இதனால் பாதங்கள் மட்டுமின்றி, உடலும் ரிலாக்ஸாக இருக்கும்.