உடல்நலம் குன்றியிருக்கும் மனைவி கணவனிடம் அதிகமாக எதிர்பார்ப்பது என்ன?

அரவணைப்பு

தங்களை அரவணைப்புடன் பார்த்துக் கொள்ள வேண்டும். உடல்நலம் சரியில்லாமல் இருக்கும் போதும் தன்னை வேலை செய்ய கூறக் கூடாது எனவும், உடன் இருந்து தழுவியப்படியே இருக்க வேண்டும் என 49% பெண்கள் கூறியுள்ளனர்.

சமையல்

உடல்நலம் சரியில்லாமல் இருக்கும் போது தங்கள் உதவி நாடாமல் அவர்களே சமைத்து தங்களுக்கும் உணவு பரிமாறிவிட்டு செல்ல வேண்டும் என 46% பெண்கள் தெரிவித்துள்ளனர்.

வீட்டு வேலை

பாத்திரம் கழுவி வைத்தல், துணி துவைத்தல், வீட்டை சுத்தம் செய்தல் போன்றவற்றை அவர்களே செய்து விட வேண்டும் என 34% பெண்கள் தெரிவித்துள்ளனர்.

மருந்து

உடல்நலம் மேம்பட தேவையானவற்றை உடனுக்குடன் செய்ய வேண்டும் என 29% பெண்கள் தெரிவித்துள்ளனர்.

சிகிச்சை

மருத்துவமனைக்கு அழைத்து செல்லுதல், சிகிச்சை முடியும் வரை அன்புடன் பார்த்துக்கொண்டு அழைத்து வர வேண்டும் என 26% பேர் தெரிவித்துள்ளனர்.

சுடுநீர்

சுடுநீர் வைத்து பாட்டிலில் ஊற்றி தன்னருகில் வைத்துவிட்டு செல்ல வேண்டும் என 16% பெண்கள் தெரிவித்துள்ளனர்.

உடன் இருப்பது

மற்ற வேலைகளை உதறி தள்ளிவிட்டு தன்னுடன் இருந்து தன்னை தனியாக விட்டுவிடாமல் அக்கறையுடன் பார்த்துக் கொள்ள வேண்டும் என 11% பெண்கள் தெரிவித்துள்ளனர்.

டிவி ரிமோட்

தாங்கள் விரும்பும் சேனல்களை பார்க்க ஒப்புக் கொண்டு டிவி ரிமோட்டை சமத்தாக தங்களிடம் கொடுத்துவிட்டு நகர்ந்துவிட வேண்டும் என 11% பெண்கள் தெரிவித்துள்ளனர்.

கவனிப்பு

மற்ற வேலைகளைவிட தங்கள் மீது அதிகமாக கவனம் செலுத்த வேண்டும், தும்மினால், இருமல் வந்தால் அடுத்த அரைநொடியில் "என்ன ஆச்சும்மா.." என அருகே வந்து நிற்க வேண்டும் என 10% பெண்கள் தெரிவித்துள்ளனர்.

மசாஜ்

உடல்நலன் குன்றியிருக்கும் போது உடல் சோர்வாக, அசதியாக இருக்கும். எனவே, அந்த நேரத்தில் மசாஜ் செய்துவிட வேண்டும் என 7% பேர் தெரிவித்துள்ளனர்.

அழைப்புகளை ஏற்பது

தங்களுக்கு வரும் அழைப்புகளை ஏற்று, " நீங்கள் தொடர்புக் கொள்ளும் நபர் இப்போது உடல்நலம் சரியில்லாமல் இருக்கிறார், பிறகு தொடர்பு கொள்ளுங்கள்" என்று கூற வேண்டும் என 6% பேர் தெரிவித்துள்ளனர்.

தொல்லை இல்லாமல்

தங்களுக்கு தொல்லை கொடுக்காமல் இரவு பக்கத்து அறை அல்லது ஹாலில் சென்று படுத்துக் கொள்ள வேண்டும் என 4% பெண்கள் தெரிவித்துள்ளனர்.

உடலுறவு

உடலுறவில் ஈடுபட வேண்டும் என 2% பெண்கள் தெரிவித்துள்ளனர்.