உறவுகளினால் பெண்கள் தங்களது உறக்கத்தை தொலைக்கும் தருணங்கள்!!!

கணவர் வீட்டிற்கு தாமதமாக வருதல்

திருமணமாகி மூன்று நாட்களாக இருந்தாலும் சரி, முப்பது வருடங்கள் ஆனாலும் சரி, கணவன் தாமதமாக வீட்டிற்கு வரும் நேரத்தில் மனைவி தனது தூக்கத்தை தொலைத்துவிடுகிறாள்.

கர்ப்பக் காலம்

கர்ப்பமாக இருக்கும் ஆறு, ஏழாவது மாதத்தை கடக்கும் போது கண்டிப்பாக ஓர் பெண் தனது தூக்கத்தை தொலைக்க ஆரம்பிப்பாள். இது இத்துடன் நின்றுவிடுவது இல்லை.

குழந்தை வளரும் போது

குழந்தை பிறந்து அது வளரும் போது ஆண்களை விட பெண் தான் அதிகம் தூக்கத்தை தொலைக்கிறாள். பசிக்காக அழுகும் போதும், உடல்நல கோளாறுகளினால் அழுகும் போதும், சமாதானப்படுத்தி உறங்க வைப்பதற்குள் இவளது தூக்கம் காணாமல் போய்விடும்.

பிள்ளைகள் சாப்பிட நேரத்திற்கு வராமல் இருத்தல்

பெரும்பாலும் பிள்ளை வெளியே சென்று இரவு சாப்பாட்டிற்கு வீடு திரும்பவில்லை எனில், அவன் சாப்பிட்டானோ இல்லையோ என்ற ஏக்கமே தாயின் உறக்கத்தை காணாமல் போக செய்துவிடுகிறது.

கணவன் / பிள்ளைக்கு உடல்நலம் சீர்கெடும் போது

வீட்டில் யாருக்கு உடல்நிலை சரியில்லாமல் போனாலும், அவர்களை விட அதிகமாக உறக்கத்தை தொலைப்பவள் பெண் தான் என்பது யாராலும் மறுக்க முடியாத நிதர்சனம்.

நினைத்தது நடக்காமல் இருக்கும் போது

எத்தனை செய்தாலும் கூட, தான் நினைத்தது தன் கணவன் அல்லது பிள்ளைகளின் மூலம் நடக்காமல் போகும் போது அந்த பெண் மன அழுத்தத்தின் காரணமாக தனது தூக்கத்தை தொலைக்கிறாள்.

காதல் தோல்வி

ஆண்களை மட்டுமல்ல, பெண்களையும் கூட காதல் தோல்வி தூங்கவிடாமல் செய்துவிடும். இதில் பாலினம் விதிவிலக்கு அல்ல.