காதலியுடன் ரொமாண்டிக்கான உல்லாச பயணம் எப்படி திட்டமிட வேண்டும்??

இடத்தை தேர்வு செய்வதில் கவனம் வேண்டும்

இரைச்சலான அல்லது மிகவும் கூட்டமான இடங்களை தேர்வு செய்ய வேண்டாம். நிறைய பேர் சுற்றுலா இடங்கள் என்று ஆட்கள் நிரம்பி வழியும் இடங்களை தேர்வு செய்வார்கள். இந்த தவறை தவிர்த்துவிட்டு. "தனிமையிலே, இனிமை காண முடியுமா..." என்ற பாடல் வரிகளுக்கு ஏற்ப, மனது சூடேற்றிய நெய்யை போல உருகி வழியும் வண்ணம் உணரும் படியான இடங்களை தேர்வு செய்ய வேண்டும்.

எதுவா இருந்தாலும், பிளான் பண்ணி பண்ணனும்

வடிவேலு அடிவாங்கி குமுறும் படி இல்லாமல், எதுவாக இருந்தாலும் பிளான் பண்ணி பண்ண வேண்டியது அவசியம். அதிலும் ஒன்றுக்கு இரண்டாக இருக்க வேண்டும். ஏனெனில், நாம் ஒன்று நினைக்கும் போது இறைவன் அல்லது காதலி வேறொன்று நினைப்பார்கள். எனவே, திட்டங்களை ஒன்றாக இல்லாமல், த்ரிஷா இல்லாட்டி திவ்யா (திட்டங்கள் மட்டும், காதலி அல்ல) என்பது போல இரண்டாக ஏற்படுத்திக் கொள்ளுங்கள்.

ஆச்சரியங்கள் தடாலடியாக இருக்க வேண்டும்

சென்றோம் வந்தோம் என்றோம் இருக்க கூடாது. அங்கு உங்கள் காதலியால் மறக்க முடியாத அளவு ஓர் ஆச்சரியமான அனுபவத்தை ஏற்படுத்த வேண்டியது அவசியம். அது பரிசாக இருக்கலாம், நிகழ்வாக இருக்கலாம். அது உங்கள் விருப்பம். ஆனால், பசுமரத்தாணி போல நெஞ்சை விட்டு நீங்காத வண்ணம் இருக்க வேண்டும்.

எதையும் அழகாக யோசியுங்கள்

என்னதான் மற்ற ஆண்கள் அழகாக தோற்றமளித்தால் கூட, அவர்களை தங்கள் காதலர்களை அவ்வாறு அழகாக பார்க்க வேண்டும் என்று எண்ணுபவர்கள் பெண்கள் (அட மெய்யாலுமே... லவ் பண்ற பொண்ணுங்க நெனைப்பாங்க பாஸ்!!!) எனவே, அதற்கு ஏற்றார் போல, நீங்கள் கொஞ்சமாவது உங்களை தயார் செய்துக்கொள்ள வேண்டியது அவசியம். பெண்கள் காய்கறி வாங்கவே அலங்காரம் செய்துக்கொண்டு தான் போவார்கள். எனவே, அவர்களை பற்றி நாம் கவலைக் கொள்ள தேவை இல்லை.

பயணிக்கும் முறை

தயவு செய்து பஸ்ஸில் பயணம் செய்வதை தவிர்த்துவிடுங்கள், பைக், கார் அல்லது தொலைவாக இருந்தால் ரயில் பயணம். ஏனெனில் இவை தான் உங்களுக்கு அட்வென்ச்சர் போன்ற ஓர் உணர்வை தரும். எனவே, பஸ்ஸில் எப்பவுமே "நோ" தான்.

டிரஸ் ரொம்ப முக்கியம் அமைச்சரே

பெண்கள் பொதுவாக தங்கள் காதலனை பார்க்க போகும் போதே ஒரே மாதிரி உடை அணிய வேண்டும் என ஆசைப்படுவார்கள். அதிலும் பிக்னிக் அல்லது வெளியிடங்களுக்கு செல்லும் போது, ஏதோ துணிக்கடையில் வேலை செய்பவர்களை போல, இருவரும் ஒரே மாதிரி காட்சியளிக்க விரும்புவர்கள். ஒரே மாதிரி இல்லையெனிலும், எலியும், பூனையுமாக உடை அணிய வேண்டாம்.

ராமர் vs கண்ணன்

செல்லும் இடத்திலாவது கண்ணனாக இருக்காமல், ராமராக இருக்க வேண்டயது அவசியம். இல்லையேல், உல்லாச பயணம், புல்டோசர் ஏறிய பிளாஸ்டிக் பாட்டில் போல ஆகிவிடும். மற்றும் உங்கள் காதலிதான் உங்கள் இரு கண்களில் இருக்க வேண்டும். இமைகள் முடியை தாங்குவது போல. (உங்க பிக்னிக் ரொமாண்டிக்கா இருக்கணும்னு ஆசை இருந்த, இதெல்லாம் பண்ணி தான் ஆகணும் பாஸ்!!)

பர்ஸ் நல்லா வெயிட்டா இருக்கட்டும்.

எல்லாம் பண்ணிட்டு பர்ஸ் காத்து போன சைக்கிள் ட்யூப் மாதிரி இல்லாம, நல்ல வெயிட்டா எடுத்துட்டு போங்க, வரும் போது அது கரும்பு மெஷின்ல சிக்கின சக்கை மாதிரி தான் வரும். இதுக்கெல்லாம் பயந்தா, அப்பறம் எப்படி காதல் டூ கல்யாணத்துக்கு போக முடியும்.!! சரி பிளான் பண்ண ஆரம்பிங்க, லோன் போட போறீங்களா, இல்ல ஃபிரெண்ட்ஸ் கிட்ட கடன் வாங்க போறீங்களா???