உருளைக்கிழங்கு கேக்

உருளைக்கிழங்கு கொண்டு செய்யப்படும் அனைத்து ரெசிபிக்களுமே மிகவும் சூப்பரான சுவையில் இருக்கும். பொதுவாக உருளைக்கிழங்கு கொண்டு மாலை வேளையில் பஜ்ஜி, போண்டா போன்றவற்றை தான் செய்து சாப்பிடுவோம். ஆனால் உருளைக்கிழங்கு கேக் செய்து சாப்பிட்டிருக்கமாட்டோம். மேலும் பலர் இப்படியொரு ரெசிபியை கேள்விப்பட்டிருக்கக் கூட மாட்டார்கள்.

ஆகவே தமிழ் போல்ட் ஸ்கை, மாலை வேளையில் ஸ்நாக்ஸாக செய்து சாப்பிடும் வகையில் உருளைக்கிழங்கு கேக்கை எப்படி செய்வதென்று உங்களுக்காக கொடுத்துள்ளது. அதைப் படித்து முயற்சி செய்மு பாருங்கள்.

தேவையான பொருட்கள்:

வெங்காயம் - 1 (பெரியது மற்றும் நறுக்கியது)
உருளைக்கிழங்கு - 3 (தோலுரித்து, துருவியது)
மைதா - 4 டேபிள் ஸ்பூன்
முட்டை - 1 (அடித்துக் கொள்ளவும்)
உப்பு - தேவையான அளவு
எண்ணெய் - தேவையான அளவு (பொரிப்பதற்கு)

செய்முறை:

முதலில் வெங்காயம் மற்றும் உருளைக்கிழங்கை ஒரு பௌலில் போட்டுக் கொள்ள வேண்டும்.

பின் அதில் மைதா சேர்த்து கலந்து கொள்ள வேண்டும்.

பின்பு அடித்து வைத்துள்ள முட்டை மற்றும் தேவையான அளவு உப்பு சேர்த்து, தண்ணீர் ஊற்றாமல் நன்கு கெட்டியாக கலந்து கொள்ள வேண்டும்.

பிறகு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், பிசைந்து வைத்துள்ள கலவையை வட்டமாகவும், தடிமனாகவும் தட்டி, எண்ணெயில் போட்டு பொன்னிறமாக பொரித்து எடுக்க வேண்டும்.

இதேப் போன்று அனைத்து மாவையும் எண்ணெயில் போட்டு பொரித்து எடுத்தால், சுவையான உருளைக்கிழங்கு கேக் ரெடி!!!

குறிப்பு:

ஒருவேளை கலவை சற்று நீர்மமாக இருந்தால், சிறிது மைதா சேர்த்து கலந்து கொள்ளவும்.