பிரசவக் காலத்தில் கர்ப்பிணி பெண் சாப்பிட வேண்டிய பவர் ஃபுல் உணவுகள்!!!

பருப்பு மற்றும் பீன்ஸ்

பருப்பு, பயிறு வகை உணவுகள் மற்றும் பீன்ஸ், இவற்றில் இருக்கும் புரதம் கர்ப்பிணி பெண்களுக்கு தினம் தேவைப்படுகிறது. பீன்ஸ் மற்றும் பயிறு வகை உணவுகளில் இவை சிறந்த அளவில் இருக்கின்றன. இதில் இருக்கும் நார்ச்சத்து பிரசவக் காலத்தில் ஏற்படும் குடல் இயக்க குறைபாட்டை சரி செய்ய உதவுகிறது.

கொழுப்பு நீக்கப்பட்ட பால்

பிரசவ காலத்தில் கால்சியம் சத்து இரட்டிப்பு மடங்கு தேவைப்படும். இதற்கு பால் சிறந்த உணவு எனும் போதிலும் கூட, கொழுப்பு நீக்கப்பட்ட பால் தான் சிறந்ததாக இருக்கும்.

வாழைப்பழம்

வாழைப்பழத்தில் பொட்டாசியம் சத்து நிறைய இருக்கிறது. இது பிரசவக் காலத்தில் மயக்கம் ஏற்படாமல் இருக்க உதவுகிறது. மற்றும் குமட்டல் ஏற்படாமல் இருக்கவும் இது உதவுகிறது.

கொழுப்பு குறைவான இறைச்சி

இரும்பு சத்தும் உங்களுக்கு பிரசவக் காலத்தில் இரட்டிப்பு மடங்கு தேவைப்படுகிறது. எனவே, இரும்பு சத்து நிறைய உள்ள உணவுகளை நீங்கள் டயட்டில் சேர்த்துக் கொள்வது நல்லது. இறைச்சியை தேர்வு செய்யாலாம், ஆனால் கொழுப்பு குறைவான இறைச்சி தான் நல்லது.

சீஸ்

சீஸில் இருக்கும் கால்சியம் மற்றும் உயர்ரக புரதச்சத்து பிரசவக் காலத்தில் கர்ப்பிணி பெண்கள் டயட்டில் சேர்த்துக் கொள்ள வேண்டிய உணவாகும்.

முட்டை

முட்டை, புரதச்சத்து நிறைய உள்ள உணவாகும். மற்றும் இது உடலுக்கு தேவையான அமினோ அமிலத்தையும் வழங்குகிறது. வேக வைத்து சாப்பிட கஷ்டமாக இருந்தால் எண்ணெய் குறைவாக பயன்படுத்தி நறுக்கி காய்கறிகளை சேர்த்து சமைத்து சாப்பிடலாம்.

ஓட்ஸ் மீல்ஸ்

பிரசவக் காலத்தில் உடலில் கொழுப்பை கட்டுக்குள் வைக்க ஓட்ஸ் மீல்ஸ் உதவுகிறது.

கீரை உணவுகள்

ஃபோலேட் , இரும்புச்சத்து நிறைய இருக்கும் உணவு கீரை. தினமும் சிறிதளவு கீரையை டயட்டில் சேர்த்துக் கொள்வது பிரசவக் காலத்தில் பெண்களுக்கு நல்ல உடல் வலுவை தரவல்லது.

ஆரஞ்சு

வைட்டமின் சி, ஃபோலேட் மற்றும் நார்ச்சத்து நிறைந்த பழம் ஆரஞ்சு. ஏறத்தாழ 90% நீர் உள்ளடிக்கியுள்ள பழம் ஆரஞ்சு. இது உடலில் நீரின் அளவை சமநிலையில் வைத்துக் கொள்ள உதவும்.