படுக்கையில் குழந்தைகள் 'சுச்சு' போவதை தடுக்க சில டிப்ஸ்...

தண்ணீர் கொடுப்பது

பெரும்பாலான பெற்றோர்கள் செய்யும் ஒரு பெரிய தவறு தான் இரவில் படுக்கும் முன் குழந்தைகளை தண்ணீர் குடிக்க சொல்வது. இரவில் அப்படி தண்ணீர் குடித்துவிட்டு படுத்தால், குழந்தைகளே சிறுநீரை அடக்க நினைத்தாலும், அவர்களால் முடியாமல் போகும். எனவே இரவில் படுக்கும் முன் குழந்தைகளுக்கு நீர்ம நிலையில் உள்ள பொருட்களை அருந்த கொடுக்க வேண்டாம்.

உடைகளை மாற்ற செய்யுங்கள்

குழந்தைகள் இரவில் படுக்கையில் சிறுநீர் கழிக்காமல் இருக்க வேண்டுமானால், அவர்கள் ஒவ்வொரு முறை சிறுநீர் கழிக்கும் போதும், அவர்களை எழுப்பி, உடைகளை மாற்றச் சொல்லி, படுக்கை விரிப்பை மாற்றிவிட்டு, பின் தூங்க சொல்லுங்கள். இதனால் அவர்கள் ஒவ்வொரு முறை செய்யும் போதும் எழுப்பி விட்டுக் கொண்டே இருந்தால், அவர்கள் பொறுமை இழந்து, அவர்களாகவே சிறுநீர் கழிப்பதை நிறுத்திவிடுவார்கள்.

அலாரம்

சில நாட்கள் நடு இரவில் அலாரம் வைத்து குழந்தைகளை எழுப்பி, சிறுநீர் கழிக்க வைத்தால், படுக்கையில் சிறுநீர் கழிக்காமல் இருப்பார்கள். மேலும் நாளடைவில் அவர்கள் அலாரம் இல்லாமலேயே நடுஇரவில் எழுந்து கழிவறை சென்று சிறுநீர் கழித்துவிட்டு வருவார்கள்.

பரிசுகள் கொடுங்கள்

பொதுவாக குழந்தைகளுக்கு பரிசுகள் என்றால் கொள்ளை இஷ்டம். எனவே அவர்களிடம் பந்தயம் போன்று வையுங்கள். அதாவது இரவில் படுக்கையில் சிறுநீர் கழிக்காமல் இருந்தால், மறுநாள் உனக்கு சாக்லெட் அல்லது பொம்மை வாங்கி தருவேன் என்று சொல்லுங்கள். இதனால் அவர்கள் சிறுநீர் கழிப்பதை நிறுத்த முயற்சிப்பார்கள். இப்படி முயற்சித்தாலே, அவர்கள் விரைவில் படுக்கையில் சிறுநீர் கழிப்பதை நிறுத்திவிடுவார்கள்.

மருத்துவ பரிசோதனை

உங்கள் குழந்தைகளுக்கு பல வழிகளை முயற்சித்தும் 3-6 மாதங்களாக எந்த ஒரு மாற்றமும் தெரியாவிட்டால், மருத்துவரை சந்திப்பது சிறந்தது. ஏனெனில் ஒருவேளை உங்கள் குழந்தைக்கு மலச்சிக்கல் ஏற்பட்டிருக்கலாம் மற்றும் அத்துடன் வேறு சில நோய்களான நீரிழிவு அல்லது சிறுநீரக பாதை தொற்று கூட ஏற்பட்டிருக்கலாம். எனவே மருத்துவரை கலந்தாலோசிப்பது நல்லது.