இனப்பெருக்கம் ஆரோக்கியமாக இருக்க தவிர்க்க வேண்டிய பானங்கள்!!!

காபி

காலையில் நீங்கள் பருகும் ஒரு கப் காபியை நிறுத்த தேவையில்லை. ஆனால் ஒரு நாளைக்கு 200 மில்லிகிராமுக்கு மேல் கார்ஃபைன் பருகினால், அதாவது 1-8 அவுன்ஸ் கப் அளவில் பருகினால், அதனை கண்டிப்பாக நீங்கள் கட்டுப்படுத்த வேண்டும். காப்ஃபைன் உட்கொள்ளளவு அதிகமாக இருக்கும் போது மலட்டுத்தன்மை பிரச்சனை ஏற்படுகிறது. மேலும் உடலுறவில் ஈடுபடும் எண்ணிக்கையும் குறைந்து விடும். காப்ஃபைன் பருகுவதால் உங்கள் உடலில் இரும்புச்சத்து உட்கொள்ளுதல் பாதிப்படையும். மேலும் இதனை அதிகமாக பருகும் போது நீர்ச்சத்து குறைந்து போகும். அதனால் அதனை குறைப்பதே நல்லது.

அடிக்கடி மதுபானம் குடித்தல்

நண்பர்கள் அழைத்தார்கள் என்பதற்காக அடிக்கடி பார்ட்டி போன்ற இடங்களுக்கு சென்று குடிப்பதை தவிர்க்கவும். அதுவும் குழந்தை பெற்றுக் கொள்ள நினைக்கும் வேளையில் கண்டிப்பாக இவைகளை தவிர்க்க வேண்டும். அப்படியே செல்லும்படி ஆனாலும் பேருக்கு சிறிதளவு மட்டும் பருகுங்கள். அளவுக்கு அதிகமாக மதுபானங்களை பருகினால் குழந்தை பெற்றுக் கொள்வதில் சிக்கல் உண்டாகும். இதனால் உங்கள் விந்துவின் வீரியம் குறைவதோடு மட்டுமல்லாது உங்களது ஆண்மையும் குறையும்.

மதுபானம் போன்ற அல்கஹால்

அளவுக்கு அதிகமாக மதுபானம் போன்ற அல்கஹால் பானங்களை குடிக்கும் போது உங்களின் டெஸ்டோஸ்டேரோன் அளவுகள் குறைந்து விந்துவின் வீரியமும் எண்ணிக்கையும் குறையும். மேலும் அது உங்களின் ஆண்மையை குறைத்து கடைசியில் ஆண்மையற்றவராக மாற்றி விடும். ஒரு ஆண் அளவுக்கு அதிகமாக குடிப்பதால் அவனுக்கு குழந்தை பிறக்கும் வாய்ப்புகள் குறைந்து விடும். இருப்பினும் நீங்கள் குடிப்பதை குறைத்து விட்டால் இந்த நிலைமையை மாற்றலாம். மதுபானங்கள் உங்கள் உடலில் உள்ள நீர்ச்சத்தை வேகமாக வெளியேற்றி விடும். அதனால் உங்கள் விந்துவின் வீரியம் பாதிப்படைகிறது. நீர்ச்சத்து அளவுக்கு அதிகமாக குறைவதால் உங்கள் உடலில் உள்ள உள் உறுப்புகள் மற்றும் திசுக்கள் பாதிப்படையும்.

எனர்ஜி பானங்கள் மற்றும் காற்று கலந்த பானங்கள்

இவ்வகை பானங்கள் நேரடியாக உங்கள் இனப்பெருக்க உறுப்புகளை பாதிப்பதில்லை. இருந்தாலும் அளவுக்கு அதிகமாக கோலா குடிப்பதாலும் ஆற்றலை அதிகரிக்க காப்ஃபைன் கலந்த எனர்ஜி பானங்களை குடிப்பதாலும் சில எதிர்மறையான தாக்கங்கள் ஏற்படுகிறது. காற்று கலந்த பானங்களை பருகினால் உங்களின் செரிமான உறுப்புகளில் எதிர்மறையான தாக்கத்தை அவை உண்டாக்கும். இதனால் மலச்சிக்கல் போன்ற பிரச்சனைகள் உண்டாகும். மலச்சிக்கல் பிரச்சனை நீடித்துக் கொண்டே போனால் இரத்தத்தின் தரம் பாதிப்படையும். அதே போல் எனர்ஜி பானங்களை அதிகமாக குடித்தாலும் அதில் கலக்கப்பட்டுள்ள காப்ஃபைன் பல பாதிப்புக்களை உண்டாக்கிவிடும்.