Year Ender 2022: இந்த ஆண்டில் அதிகம் வைரலான முகம் சுளிக்க வைக்கும் சில வினோதமான உணவுகள்!

பழ டீ

பலருக்கும் காலையில் ஒரு கப் சூடான டீயுடன் நாளைத் தொடங்கினால் தான், அந்நாளே சிறப்பான நாளாக இருக்கும். ஆனால் நீங்கள் குடிக்கும் டீயில் பழங்கள் இருந்தால் எப்படி இருக்கும்? நிச்சயம் பிடிக்காது தானே? ஆனால் குஜராத்தில் உள்ள சூரத்தில் ஒரு வித்தியாசமான பழ டீ விற்கப்படுகிறது.

குலாப் ஜாமூன் பராத்தா

காய்கறிகளால் ஆன பராத்தாவை சாப்பிட பலருக்கு பிடிக்கும். ஆனால் இந்த ஆண்டு சமூக ஊடகங்களில் குலாப் ஜாமூன் பராத்தா வைரலானது. இந்த பராத்தா பரிமாறப்படும் போது சர்க்கரை பாகுவில் நனைத்து கொடுக்கப்படுமாம்.

ஸ்ட்ராபெர்ரி சமோசா

இந்த ஆண்டு வைரலான மற்றொரு வித்தியாசமான உணவு தான் ஸ்ட்ராபெர்ரி மற்றும் ப்ளூபெர்ரி சமோசாக்கள். இந்த மாதிரியான சமோசா டெல்லியில் உள்ள ஒரு உணவு விற்பனை நிலையத்தில் விற்கப்படுகிறது. இந்த சமோசாக்கள் ஜாம், ப்ளூபெர்ரி மற்றும் ஸ்ட்ராபெர்ரி நிரப்பட்டு விற்கப்படுகிறதாம்.

மொமோஸ் ஐஸ் க்ரீம் ரோல்

அனைவருக்குமே ஐஸ் க்ரீம் பிடிக்கும். அதேப்போல் மொமோஸும் நிறைய பேர் விரும்பி சாப்பிடுவார்கள். ஆனால் இந்த ஆண்டு இவ்விரண்டையும் ஒரு ஒரு வித்தியாசமான ரெசிபி உருவாக்கப்பட்டு அதுவும் வைரலானது. இந்த ரெசிபியில் மொமோஸில் ஐஸ் க்ரீம் நிரப்பப்பட்டு ரோல்களாக விற்கப்படுகிறதாம்.

மசாலா தோசை ஐஸ்க்ரீம் ரோல்

ஐஸ்க்ரீம் மற்றும் மசாலா தோசையைக் கொண்டும் ஒரு வினோதமான ரெசிபி உருவாக்கப்பட்டு சமூக ஊடகங்களில் வைரலானது. முக்கியமாக இந்த மசாலா தோசை ஐஸ்க்ரீம் ரோல் சட்னியுடன் பரிமாறப்பட்டது.

மேலே கொடுக்கப்பட்ட உணவுகள் அனைத்துமே பலரும் விரும்பி சாப்பிடும் உணவுகளைக் கொண்டு உருவாக்கப்பட்டவை. உங்களுக்கு இவற்றில் எவற்றை சுவைத்து பார்க்க ஆசையாக உள்ளது?