For Quick Alerts
ALLOW NOTIFICATIONS  
For Daily Alerts

    மலையையே தூக்கிய அனுமனால் ஏன் சீதையை அசோக வனத்தில் இருந்து தூக்கி வர இயலவில்லை தெரியுமா?

    |

    இந்தியாவின் இருபெரும் இதிகாசங்களில் ஒன்று இராமாயணம் ஆகும். மகாவிஷ்ணு இராம அவதாரம் எடுத்து இராவணனை அழித்து பூமியில் தர்மத்தை நிலைநாட்டிய பெரும் போரே இராமாயணம் என்னும் புகழ்பெற்ற இதிகாசமாக உள்ளது. இராமாயண போர் நடைபெற காரணமாக இருந்த ஆரம்ப புள்ளி இராவணன் சீதையை இலங்கைக்கு தூக்கி சென்றதுதான்.

     Why Did not Hanuman Bring Sita Back From Lanka Himself?

    இராமர், இலட்சுமணன் மற்றும் அனுமன் மூவரும் வானர சேனையை சேர்த்து கொண்டு கடல் மார்க்கமாக பாலம் அமைத்து இலங்கை சென்று இராவணனுடன் போர் புரிந்து சீதையை மீட்டனர். ஆனால் சீதை இலங்கையில்தான் இருக்கிறார் என்று கண்டறிய இராமருக்கு உதவி புரிந்ததே வாயுமைந்தன் அனுமன்தான். இந்த பதிவில் சீதையை அனுமன் அசோக வனத்தில் சந்தித்த போது அவர்களுக்குள் நிகழ்ந்த சுவாரஸ்யமான உரையாடல் என்னவென்று பார்க்கலாம்.

    பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
    நீண்ட நாள் கேள்வி

    நீண்ட நாள் கேள்வி

    இராமாயணம் படித்த அனைவருக்கும் இருக்கும் ஒரு கேள்வி பராக்கிரம சாலியான அனுமன், பாதி இலங்கையை தன் வாலில் இருந்த நெருப்பு மூலம் எரித்த அனுமன், சஞ்சீவி பர்வதத்தை தூக்கி ஒற்றை கையில் தூக்கி வந்த அனுமன் ஏன் அசோக வனத்தில் சீதையை சந்தித்த போது ஏன் சீதையை இராமனிடம் தூக்கி வரவில்லை என்று தோன்றியிருக்கும். அதற்கான பதிலை இந்த பதிவில் பார்க்கலாம்.

    அனுமனின் யோசனை

    அனுமனின் யோசனை

    நமக்குள் தோன்றிய இந்த கேள்வி அனுமனுக்குள் எழாமல் இருந்திருக்குமா? அனுமனுக்கும் இந்த யோசனை எழுந்தது. தனது பிரபு இராமரின் மனவேதனையை நொடியில் போக்க தங்களை ஒளியை விட அதிகமான வேகத்தில் அவரிடம் சென்று சேர்த்து விடுகிறேன் என்று அனுமன் கூறினார். ஆனால் அதனை சீதை மறுத்திவிட்டார்.

    அனுமனின் கோரிக்கை

    அனுமனின் கோரிக்கை

    அனுமன் சீதையை ஒப்புக்கொள்ள வைக்க " தாயே! என் முதுகில் அமர்ந்து கொள்ளுங்கள். கடல்களை கடந்து யாகத்தில் இருக்கும் நெருப்பில் இருந்து வரும் ஆவி எப்படி தேவர்களை சென்று அடைகிறதோ அதேபோல உங்களை என் பிரபுவிடம் சேர்த்து விடுகிறேன் " என்று கூறினார்.

    MOST READ:பெண்ணின் எந்த குணம் அவர்களை சிறந்த மனைவியாக மாற்றுகிறது என்று சாணக்கியர் கூறுகிறார் தெரியுமா?

    சீதையின் பதில்

    சீதையின் பதில்

    ஆனால் சீதைக்கு அனுமனின் பலத்தின் மேல் சந்தேகம் எழுந்தது. ஏனெனில் அனுமனின் உருவம் மிகச்சிறியதாக இருக்கிறதே இவரின் முதுகில் எப்படி தான் அமர்ந்து பறக்க முடியும் என்று யோசிக்க தொடங்கினார்.

    அனுமனின் உருவம்

    அனுமனின் உருவம்

    சீதையின் தயக்கத்தை உணர்ந்த அனுமன் தன் தன் உடலை மலையின் அளவை போல பெரிதாக மாற்றினார். அனுமனின் ஆற்றலை கண்டு சீதை வாயடைத்து போனார். இருப்பினும் அனுமனுடன் வருவதற்கு சீதை மறுத்து விட்டார்.

    எதிர் வாதம்

    எதிர் வாதம்

    சீதை தன் கணவர் இராமனை தவிர வேறெந்த ஆடவனையும் தீண்ட இயலாது என்று கூறிவிட்டார். இராமரின் பக்தராக அனுமன் இருந்தாலும் அவரை தன்னால் தீண்ட இயலாது என்று கூறி சீதை அனுமனுடன் வர மறுத்து விட்டார்.

    MOST READ:இந்த குணங்களில் ஒன்று இருந்தாலும் நீங்கள் மிகவும் அதிசயமானவர்களாம் தெரியுமா?

    அனுமனின் சாதுர்யம்

    அனுமனின் சாதுர்யம்

    இந்த தருணத்தில் தான் அனுமன் தன் பக்தியையும், சாதுர்யத்தையும் வெளிப்படுத்தினார். அவர் கூறினார், " நான் வெளி ஆண் அல்ல. நான் உங்கள் மகன்தான். உங்கள் மகனை தொடுவதில் உங்களுக்கு எந்த பிரச்சினையும் இருக்காது. நான் என் தந்தையான இராமபிரானிடம் உங்களை அழைத்து செல்கிறேன் " என்று கூறினார்.

    சீதையின் குழப்பம்

    சீதையின் குழப்பம்

    இதனை கேட்ட சீதை அதிர்ச்சியடைந்தார். அனுமனின் இந்த கோரிக்கையை எப்படி மறுப்பது என்று சீதை குழப்பமடைந்தார். அனுமன் கூறிய இந்த வாதத்தை மறுதலிப்பது என்பது முடியாத காரியம் என்று உணர்ந்தார். எனவே அவர் வேறு காரணங்களை யோசித்தார்.

    இராமரின் ஆணை

    இராமரின் ஆணை

    இராமர் அனுமனுக்கு வழங்கிய ஆணையை அவருக்கு நினைவுபடுத்தினார் சீதை. சீதையை கண்டுபிடி ஆனால் இங்கு அழைத்து வராதே என்று இராமர் கூறியிருந்தார். மற்றொரு காரணம் அனுமன் இவ்வாறு சீதையை அழைத்து சென்றால், உலகத்திற்கு இராமரின் பராக்கிரமம் மீது சந்தேகம் எழும், இராமரால் தன் மனைவியை மீட்க முடியாமல் போனதென பேசுவார்கள் என்று சீதை கூறினார்.

    MOST READ:ஆண்களின் அந்தரங்க பிரச்சினைகளுக்கு தீர்வு தரும் தேள் கொடுக்கு மூலிகை.! எப்படி பயன்படுத்தணும்?

    அனுமனின் சம்மதம்

    அனுமனின் சம்மதம்

    இதை கேட்டவுடன் அனுமன் ஒப்புக்கொண்டார். சீதை ஏன் தன்னுடன் வர மறுத்துவிட்டார் என்று அனுமன் உணர்ந்து கொண்டார். சீதையை வணங்கி " தாயே நான் நீங்கள் இருக்கும் இடத்தை பிரபுவிடம் கூறி விரைவில் உங்களை மீது செல்கிறேன் " என்று கூறினார். அதற்கு பின் நடந்த நிகழ்வுகளை நாம் நன்கு அறிவோம்.

    பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

    Read more about: spiritual
    English summary

    Why Did not Hanuman Bring Sita Back From Lanka Himself?

    Why did not Hanuman bring sita back from lanka himself? everyone have this question on their mind.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more