தனது சம்பளத்தில் 40% மரம் நட பயன்படுத்தும் அதிசய மரம் மனிதன் என்கிற யோகநாதன்!

ஓர் அறிமுகம்!

இவரது முழுப்பெயர் மாரிமுத்து யோகநாதன். இவரை கோவையில் பேருந்து நடத்துனராக பணியாற்றி வரும் இவரை ட்ரீ மேன் என்று அழைத்தால் மிகவும் பிரபலமாக தெரியும். இவர் ஒரு இந்திய சுற்றுப்புறசூழல் ஆர்வலர்.

1 லட்சம்!

கடந்த 25 வருடங்களாக கோவையில் பேருந்து நடத்துனராக பணியாற்றி வரும் யோகநாதன் இதுவரை ஒரு லட்சம் மரக் கன்றுகளை நட்டுள்ளார். இதற்காக தனது ஒவ்வொரு மாத சம்பளத்திலும் 40% பணத்தை தனியாக ஒதுக்கி வைத்துவிடுகிறார்.

கவிஞர்!

பேருந்து நடத்துனர், சுற்றுசூழல் ஆர்வலர் யோகநாதன். இவர் தனது சிறு வயதில் கவிதைகளும் எழுதி வருகிறார். தனது இளம் வயதில் கோத்தகிரி காடுகளில் இருக்கும் மரங்கள் அடியில் நிறைய நேரம் செலவழித்து உள்ளார்.

மரம் வெட்டுவதற்கு எதிர்ப்பு!

மரம் வெட்டும் கும்பலை இளம் வயது முதலே எதிர்க்கும் துணிச்சல் பெற்றவர் யோகநாதன்.

மாணவர் சக்தி!

யோகநாதன், கோவையில் பேருந்து நடத்துனராக இருந்துக் கொண்டே பள்ளி மற்றும் கல்லூரி மாணவர்களின் உதவியோடு, மரம் வெட்டுதலை எதிர்த்தும், பல இடங்களில் புதிய மரக் கன்றுகளை நடும் நற்பணியையும் செய்து வருகிறார்.

தமிழகம் முழுக்க!

இதுவரை யோகநாதன் தமிழகம் முழுவதும் 1,20,000 கன்றுகளை நட்டுள்ளார். தனது சம்பளத்தில் ஒதுக்கும் 40% பணத்தை கொண்டு மரம் நடுவது மட்டும் இன்றி, மாணவர்களுக்கு கல்வி உதவியும் செய்து வருகிறார்.