இருமலுடன் இந்த அறிகுறிகள் இருந்தா நிமோனியா முற்றிய நிலையில் உள்ளது என்று அர்த்தமாம்.. உஷார்..

இருமல்

நிமோனியாவில் பல வகைகள் உள்ளன. அந்த நிமோனியாவின் வகை மற்றும் பிற காரணிகளைப் பொறுத்து, அது வறட்டு இருமல் அல்லது நெஞ்சு சளியை உருவாகும். அதில் பாக்டீரியல் நிமோனியாவால் பாதிக்கப்பட்டிருந்தால், அவர்களுக்கு அடிக்கடி இருமலுடன் நிறைய சளி வெளியேறும். இதற்கு நேர்மாறாக, வைரல் நிமோனியா குறைவான சளியை உருவாக்கி வெளியேற்றும்.

காய்ச்சல்

அடிக்கடி காய்சசல் வந்து வந்து போகிறதா? அப்படியானால் பாக்டீரியல் அல்லது வைரல் நிமோனியா இருப்பதற்கான வாய்ப்புள்ளது. அதேப் போல் உடலின் வெப்பநிலை மிகவும் குறைவாக இருந்தால், அது பாக்டீரியல் நிமோனியா தொற்றின் அறிகுறியாக இருக்கலாம்.

உடல் நடுக்கம்/குளிர்ச்சி

குளிர்ச்சி அல்லது உடல் நடுக்கம் நிமோனியாவின் அறிகுறியாக இருக்கலாம். அதுவும் நிமோனியா இருந்தால், குளிர்ச்சியானது மிகவும் வேகமாக வரும் மற்றும் அவை மிகவும் தீவிரமாக இருக்கும். மேலும் இந்த வகையான உடல் நடுக்கத்துடல் காய்ச்சலும் இருந்தால், பாக்டீரியல் நிமோனியாவால் பாதிக்கப்பட்டுள்ளீர்கள் என்று அர்த்தம்.

மூச்சுத்திணறல்

ஒருவருக்கு நிமோனியா இருந்தால், அந்நபர் சுவாசிக்க சிரமப்படுவார். ஏனெனில் தொற்றானது நுரையீரல் செயல்பாட்டில் இடையூறை ஏற்படுத்தி, போதுமான ஆக்ஸிஜனை பெற முடியாமல் செய்யும். இதனால் தான் நிமோனியாவால் பாதிக்கப்பட்டவர்களுக்கு நிபுலைசர் சிகிச்சை அளிக்கப்படுகிறது. அதுவும் ஒரு குழந்தை நிமோனியாவால் பாதிக்கப்பட்டிருந்து சுவாசிப்பதில் சிரமத்தை சந்தித்தால், அவர்களின் உதடுகள் மற்றும் விரல் நகங்கள் நீல நிறத்தில் மாறும். இந்நிலையில் உடனே மருத்துவரிடம் அக்குழந்தையை கொண்டு செல்ல வேண்டும்.

நெஞ்சு வலி அல்லது அசௌகரியம்

ஒருவரது நுரையீரல் மிகவும் மோசமாக பாதிக்கப்பட்டிருந்தால், அதுவும் நிமோனியா தொற்று ஏற்பட்டிருந்தால், இருமல் மற்றும் மூச்சுத் திணறலால் இதய தசைகள் சோர்வடைந்து, நெஞ்சு வலி அல்லது அசௌகரியத்தை ஏற்படுத்தும். ஆனால் மிகவும் கடுமையான நெஞ்சு வலி இருந்தால், அது நிமோனியா தீவிரத்தின் அறிகுறியாக இருக்கலாம்.

தலைச்சுற்றல் அல்லது குழப்பம்

நிமோனியா செப்சிஸாக மாறும் போது, அது உடலின் நோயெதிர்ப்பு மண்டலத்தை அழிக்கத் தொடங்கும். இதன் விளைவாக இரத்த அழுத்தம் மிகவும் குறையும், சிறுநீர் வெளியேற்றம் குறையும் மற்றும் மனநிலை கூட பாதிக்கப்படலாம். இதன் காரணமாக ஒருவருக்கு மன குழப்பம் அல்லது தலைச்சுற்றல் போன்றவை ஏற்படலாம். இந்நிலையில் உடனே மருத்துவரை அணுக வேண்டும்.

பிற அறிகுறிகள்

நிமோனியா உள்ள பெரியவர்கள், கைக்குழந்தைகள், சிறு குழந்தைகள் மற்றும் இளம் குழந்தைகளுக்கு காய்ச்சல், குளிர் அல்லது மூச்சுத்திணறல் போன்ற அறிகுறிகள் தென்படும். ஆனால் சில சமயங்களில் நிமோனியா உள்ள குழந்தைகளுக்கு பசியின்மை ஏற்படலாம். நீரிழப்பு ஏற்படலாம் மற்றும் ஆற்றல் இல்லாதவர்களாக குழந்தைகள் சோர்ந்திருப்பார்கள். இது தவிர அடிவயிற்று வலி அல்லது வாந்தி போன்றவற்றையும் சந்திக்க வாய்ப்புள்ளது.