ஒருவருக்கு எந்த காரணங்களுக்கு எல்லாம் அல்சர் வர வாய்ப்பிருக்கு-ன்னு தெரியுமா?

ஹெலிகோபாக்டர் பைலோரி தொற்று

ஹெச்.பைலோரி பாக்டீரியா வயிறு அல்லது சிறு குடலின் சுவர்களைத் தாக்கும் போது, அதன் விளைவாக அல்சரை உண்டாக்கும். எப்படியெனில், இந்த பாக்டீரியாவானது வயிற்றுப் பகுதியில் உள்ள பாதுகாப்பு படலத்தை பலவீனமடையச் செய்து, வயிற்றில் சுரக்கும் அமிலத்தால் வயிற்றின் சுவர் சேதமடைவதை எளிதாக்குகிறது.

ஸ்டெராய்டல் அல்லாத அழற்சி எதிர்ப்பு மருந்துகள்

ஸ்டெராய்டல் அல்லாத அழற்சி எதிர்ப்பு மருந்துகள், பொதுவாக வலி நிவாரணிகள் என்று அழைக்கப்படுகின்றன. இந்த வலி நிவாரண மருந்துகள் அல்லது மாத்திரைகளான ஆஸ்பிரின், இப்யூபுரூஃபன் மற்றும் நாப்ராக்ஸன் போன்றவற்றை தொடர்ந்து உட்கொள்ளும் போது, அது வயிற்று சுவர்களை எரிச்சலடையச் செய்வதோடு, அல்சரின் அபாயத்தை அதிகரிக்கும். எனவே நீங்கள் மருத்துவரின் அறிவுரையின்றி அடிக்கடி வலி நிவாரண மாத்திரைகளை எடுப்பவராயின், முதலில் உடனே அதை நிறுத்துங்கள். இல்லாவிட்டால் அல்சரால் அதிகம் அவதிப்பட நேரிடும்.

ஸ்டெராய்டல் அல்லாத அழற்சி எதிர்ப்பு மருந்துகள், பொதுவாக வலி நிவாரணிகள் என்று அழைக்கப்படுகின்றன. இந்த வலி நிவாரண மருந்துகள் அல்லது மாத்திரைகளான ஆஸ்பிரின், இப்யூபுரூஃபன் மற்றும் நாப்ராக்ஸன் போன்றவற்றை தொடர்ந்து உட்கொள்ளும் போது, அது வயிற்று சுவர்களை எரிச்சலடையச் செய்வதோடு, அல்சரின் அபாயத்தை அதிகரிக்கும். எனவே நீங்கள் மருத்துவரின் அறிவுரையின்றி அடிக்கடி வலி நிவாரண மாத்திரைகளை எடுப்பவராயின், முதலில் உடனே அதை நிறுத்துங்கள். இல்லாவிட்டால் அல்சரால் அதிகம் அவதிப்பட நேரிடும்.

மது அருந்தும் பழக்கம் உள்ளவர்களுக்கும், புகைப்பிடிப்பவர்களுக்கும் அல்சர் வருவதற்கான அபாயம் அதிகம் உள்ளன. ஏனெனில் அளவுக்கு அதிகமாக மது அருந்துவது மற்றும் புகைப்பிடிப்பது போன்றவை வயிறு மற்றும் குடல் சுவர்களை சேதப்படுத்தி, அல்சரை வரவழைக்கும். அதில் ஆல்கஹாலை அதிகம் அருந்தும் போது, அது வயிற்றில் அமிலங்களின் உற்பத்தியை அதிகரிக்கிறது. அதேப் போல் புகைப்பிடிப்பது செரிமான மண்டலத்தில் இரத்த ஓட்டத்தைக் குறைத்து, வயிற்றில் உள்ள அல்சர் குணமாவதைக் கடினமாக்கும்.

மன அழுத்தம்

மன அழுத்தம் ஒருவருக்கு நேரடியாக அல்சரை வரவழைப்பதில்லை. மாறாக, அது வயிற்றில் செரிமான அமிலத்தின் உற்பத்தியை அதிகரித்து, அல்சரை உண்டாக்குவதோடு, ஏற்கனவே இருக்கும் அல்சரை இன்னும் தீவிரமாக்கி, நிலைமையை மோசமடையச் செய்யும்.

மரபணுக்கள்

சில சமயங்களில் பரம்பரையில் யாருக்கேனும் அல்சர் பிரச்சனை இருந்தால், அந்த பரம்பரையைச் சேர்ந்தவர்களுகு மரபணுக்கள் காரணமாக அல்சர் வருவதற்கான வாய்ப்புள்ளது. உதாரணமாக, உங்கள் குடும்பத்தில் யாருக்கேனும் வயிற்று புற்றுநோய் அல்லது பிற குடல் பிரச்சனைகள் இருந்தால், அவர்களுக்கு அல்சர் வருதற்கான அபாயம் அதிகம் உள்ளது.

மருத்துவ நிலைகள்

கிரோன் நோய் அல்லது முடக்கு வாதம் போன்ற குறிப்பிட்ட மருத்துவ நிலைகள் அல்சர் வருவதற்கான அபாயத்தை அதிகரிக்கும். ஏனெனில் இந்நிலைகள் செரிமான மண்டலத்தில் வீக்கத்தை/அழற்சியை ஏற்படுத்தி, செரிமான மண்டலத்தின் சுவர்களை சேதப்படுத்தி, அல்சர் வருவதற்கான அபாயத்தை அதிகரிக்கக்கூடும். ஆகவே இந்த ஆரோக்கிய பிரச்சனைகளைக் கொண்டவர்கள் சற்று கவனமாக இருக்க அறிவுறுத்தப்படுகிறது.