உங்க கை & கால் விரல்களில் இந்த அறிகுறிகள் இருக்கா? அப்ப உங்க உடலில் கொலஸ்ட்ரால் அதிகமா இருக்காம்...!

அதிக கொழுப்புக்கு வழிவகுக்கும் காரணிகள்

அதிக கொலஸ்ட்ரால் அளவுகளால் பல நோய்கள் மற்றும் உயிருக்கு ஆபத்தான நிலைகள் ஏற்பட வாய்ப்புள்ளது. கொழுப்பு அதிகம் உள்ள உணவுகளை சாப்பிடுவது, புகைபிடிப்பது, மது அருந்துவது, உடற்பயிற்சி செய்யாமல் இருப்பது போன்றவை உங்கள் எடையை அதிகரிக்கும். இவை அனைத்தும் நமது அமைப்புகளில் கொலஸ்ட்ராலை உருவாக்குவதற்கு பங்களிக்கும் மற்ற காரணிகளாகும். மேலும், இது இரத்த நாளங்களில் அடைப்பு மற்றும் மாரடைப்பு அல்லது பக்கவாதம் உள்ளிட்ட ஆபத்தான நிலைமைகளை ஏற்படுத்தலாம்.

விரல்களில் அதிக வலி

உங்க உடலில் அதிக கொலஸ்ட்ரால் இருந்தால், விரல்கள் மற்றும் கால் விரல்களில் அதிக வலி ஏற்படலாம். கைகள் மற்றும் கால்களின் இரத்தத் தமனிகளில் கொலஸ்ட்ரால் படிவதால் அவற்றைத் தொடும்போது வலி உணர்வு ஏற்படும். உங்கள் உடலில் கொலஸ்ட்ரால் அளவு அதிகரிப்பதற்கான மற்றொரு அறிகுறி விரல்கள் மற்றும் கால்விரல்களில் கூச்ச உணர்வு ஏற்படுவது ஆகும்.

உள்ளங்கையில் மஞ்சள் கொலஸ்ட்ரால் படிதல்

ஹைப்பர் கொலஸ்ட்ரால் தோலில் மஞ்சள் நிற படிவுகளை கொண்டிருக்கும். குறிப்பாக கண்ணைச் சுற்றிலும் சில சமயங்களில் உள்ளங்கை மற்றும் கீழ் கால்களின் பின்புறமும் மஞ்சள் படிவுகள் ஏற்படலாம். இது சாந்தெலஸ்மா என்று அழைக்கப்படுகிறது. அதிக கொலஸ்ட்ரால் உங்கள் விரல் நுனியில் உணர்வின்மையை ஏற்படுத்தாது.

கண்களில் மஞ்சள் மற்றும் ஆரஞ்சு நிற படிவுகள்

தோலில் குறிப்பாக மேல் கண்ணிமை மற்றும் கீழ் கண்ணிமையில் மஞ்சள் மற்றும் ஆரஞ்சு நிறத்தில் கொலஸ்ட்ரால் படிவுகள் படிந்திருக்கும். மேலும், இது கைகளில் உள்ளங்கை மற்றும் காலின் பாதப் பகுதியில் சிறிய மஞ்சள் மற்றும் ஆரஞ்சு நிற வளர்ச்சிகள் அல்லது படிவுகளை உண்டாக்கலாம். இந்த நிலை ஹைப்பர் ட்ரைகிளிசரைடு அளவை அடைந்தால், உடலில் கொழுப்பு படிவுகள் கொத்துகொத்தாக உருவாகும். ஹைப்பர் கொலஸ்ட்ரால் மற்றும் ஹைபர்டிரிகிளிசெரிடெமியா ஆகியவை நோயாளிக்கு இருதய மற்றும் நரம்பியல் நோய்களுக்கு வழிவகுக்கும்.

இறுதிக்குறிப்பு

உயிருக்கு ஆபத்தை ஏற்படுத்தும் கொலஸ்ட்ரால் பிரச்சனையை தடுக்க, உங்கள் வாழ்க்கை முறை மாற்றம், உணவுமுறை மாற்றம் மற்றும் வழக்கமான உடற்பயிற்சி ஆகியவற்றில் கவனம் செலுத்துங்கள். பிரச்சனை மற்றும் பாதிப்பு அதிகமாக இருந்தால், உடனே மருத்துவரை சந்திக்க வேண்டும் மற்றும் அவர்கள் பரிந்துரைத்த மருந்துகளை எடுத்துக்கொள்ள வேண்டும்.