For Quick Alerts
ALLOW NOTIFICATIONS  
For Daily Alerts

இந்த பருவகால நோய்களை தடுக்க நீங்க சாப்பிட வேண்டிய காய்கறிகள் என்னென்ன தெரியுமா?

|

ஒவ்வொரு பருவக்காலங்களில் உடலுக்கு பல்வேறு நோய்த்தொற்றுக்கள் ஏற்பட வாய்ப்புள்ளது. மேலும், அந்தந்த பருவ காலத்திற்கு ஏற்ப காய்கறிகளை எடுத்துக்கொள்வது நம் உடலுக்கு நல்லது. தற்போது பருவ மழைக்காலம் வருவதால், நமது உணவு முறைகளை கவனித்துக்கொள்வது மிகவும் முக்கியம். மழைக்காலத்தில், உணவு நுண்ணுயிரிகளின் விரைவான வளர்ச்சியை வானிலை ஆதரிப்பதால் நுண்ணுயிர் தொற்று ஏற்படுவதற்கான வாய்ப்புகள் அதிகம்.

காய்கறிகளில் பெரும்பாலான நுண்ணுயிரிகள் இனப்பெருக்கம் செய்வதால், இலை கீரைகள் போன்ற காய்கறிகள் முக்கியமாக பருவ காலத்தில் எடுத்துக்கொள்ள தவிர்க்கப்படுகின்றன. அவை இலைகளை எளிதில் மாசுபடுத்தி உணவு விஷம் அல்லது பிற இரைப்பை குடல் பிரச்சினைகளை ஏற்படுத்துகின்றன. மழைக்காலத்தில் சாப்பிட மற்ற வகை காய்கறிகள் உள்ளன. அவை ஆரோக்கியமாகக் கருதப்படுகின்றன மற்றும் அனைத்து பருவகால நோய்த்தொற்றுகளையும் கட்டுக்குள் வைத்திருக்கின்றன. எந்தெந்த காய்கறிகளை சேர்த்துக்கொள்ள வேண்டும் என்று இக்கட்டுரையில் கொடுத்துள்ளோம். அவற்றின் நன்மைகளைப் பெற அவற்றை உங்கள் உணவில் சேர்த்துக் கொள்ளுங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
பாகற்காய்

பாகற்காய்

பாகற்காய் என்றாலே பலருக்கு பிடிக்காது. காரணம், அதன் கசப்பான சுவைத்தான். ஆனால், இந்த காயில் பல்வேறு ஆரோக்கிய நன்மைகள் நிறைந்துள்ளன. இது மழைக்காலத்தில் கிடைக்கும் ஆரோக்கியமான காய்கறிகளில் ஒன்றாகும். இந்த காய்கறியின் ஆன்டெல்மிண்டிக் செயல்பாடு குடலில் காணப்படும் ஒட்டுண்ணிகள் அல்லது புழுக்களுக்கு எதிராக பயனுள்ளதாக இருக்கும். மழைக்காலத்தில் இரைப்பை குடல் ஒட்டுண்ணிகள் அதிகம் என்பதை நாம் அறிவோம். இந்த காய் அந்த நுண்ணுயிரிகளை கொல்ல உதவுகிறது மற்றும் நல்ல செரிமான ஆரோக்கியத்தை மேம்படுத்த உதவுகிறது.

மாஸ்க் அணியும்போது நாம் செய்யும் இந்த சிறு தவறு நம்மை கொரோனாவிலிருந்து காப்பாற்றாதாம்...!

சுரைக்காய்

சுரைக்காய்

இந்தியாவில் கிடைக்கும் நீண்ட சுரைக்காய் கியா என்றும் அழைக்கப்படும். பருவமழை தொடர்பான பிரச்சினைகளுக்கு ஒரு பாரம்பரிய குணப்படுத்தும் காய்கறியாக சுரைக்காய் உள்ளது. இதில் பாஸ்பரஸ், மெக்னீசியம் மற்றும் பொட்டாசியம் நிறைந்துள்ளது மற்றும் கொழுப்பு குறைவாக உள்ளது. இந்த காயின் ஜூஸ் வயிற்றை குளிர்ச்சியாக வைத்திருக்கிறது மற்றும் அதன் நுண்ணுயிர் பண்புகள் உடலில் இருந்து அதிகப்படியான பித்தத்தை நீக்குகின்றன. காய்ச்சல், இருமல் மற்றும் மழைக்காலங்களில் பெரும்பாலும் ஏற்படும் மூச்சுக்குழாய் கோளாறுகளுக்கு எதிராகவும் சுரைக்காய் பயனுள்ளதாக இருக்கும்.

புடலங்காய்

புடலங்காய்

பாட்டோல், பொட்டாலா அல்லது பல்வால் என்றும் அழைக்கப்படும் புடலங்காய் பல்வேறு ஆரோக்கிய நன்மைகளை கொண்டுள்ளது. இதன் ஆண்டிபிரைடிக் செயல்பாடு காய்ச்சல் மற்றும் குளிர்ச்சியைக் குறைக்க உதவுகிறது. இது பருவமழையின் போது ஏற்படும் பொதுவான நோயாகும். மழைக்காலங்களில், பெரும்பாலான மக்கள் வெளியில் உள்ள உணவுகளை சாப்பிடுகிறார்கள். இது கல்லீரல் பாதிப்பு அல்லது அழற்சியின் அபாயத்தை அதிகரிக்கும். புடலங்காயில் கல்லீரல் அழற்சி மற்றும் பிற சிக்கல்களிலிருந்து பாதுகாக்க உதவும் ஹெபடோபிரோடெக்டிவ் மற்றும் அழற்சி எதிர்ப்பு நடவடிக்கைகள் உள்ளன. அதன் ஆண்டிமைக்ரோபியல் பல நோய்க்கிருமி விகாரங்களுக்கு எதிராக செயல்படுகிறது.

பூசணிக்காய்

பூசணிக்காய்

பூசணிக்காய் ஜூஸ் குறைவான நார்ச்சத்து கொண்டது. இது எளிதில் ஜீரணமாகும். இந்த காயில் பாலிசாக்கரைடுகள், வைட்டமின்கள் மற்றும் கரோட்டின் உள்ளன. அவை நமது நோய் எதிர்ப்பு சக்தியை அதிகரிக்கும் மற்றும் ஆரோக்கியத்தை பாதுகாக்கிறது. இதிலுள்ள ஆக்ஸிஜனேற்றம் நம் உடலை பாதிக்கும் பல நோய்க்கிருமிகளிலிருந்து நம்மை பாதுகாக்கிறது. இது மழைக்காலத்தில் சாப்பிட வேண்டிய சிறந்த காய்கறிகளில் ஒன்றாகும்.

உணவு மற்றும் மாத்திரை இல்லாமலே உங்க நோயெதிர்ப்பு சக்தியை இந்த வழிகள் மூலம் பலப்படுத்தலாமாம்...!

காளான்

காளான்

மழைக்காலத்தில் சாப்பிட வேண்டிய ஆரோக்கியமான காய்கறிகளின் பட்டியலில் காளான்கள் சேர்க்கப்படுவதைப் பற்றி ஒரு சர்ச்சை உள்ளது. ஈரமான மண்ணில் வளர்க்கப்படுவதால் தீங்கு விளைவிக்கும் நுண்ணுயிரிகள் அவற்றில் இருக்கலாம் என்று பலர் நம்புகிறார்கள். ஆனால் சில நிபுணர்களின் கூற்றுப்படி, உணவில் காளான்களை முற்றிலுமாக அகற்றுவது தவறு. காளானில் கலோரிகள் குறைவாக உள்ளன மற்றும் அதிக பாக்டீரியா எதிர்ப்பு மற்றும் நோய் எதிர்ப்பு சக்தியை அதிகரிக்கும் பண்புகளைக் கொண்டுள்ளன. அவற்றின் பயோஆக்டிவ் கலவைகள் மனித ஆரோக்கியத்தை மேம்படுத்த உதவுகின்றன. முறையான கழுவுதல் மற்றும் சமைத்தபின் மழைக்காலத்தில் காளான்களை உண்ணலாம்.

முள்ளங்கி

முள்ளங்கி

முள்ளங்கி என்பது பல நன்மைகளைக் கொண்ட ஒரு வேர் காய்கறி. வயிற்று கோளாறுகள், கல்லீரல் அழற்சி, புண்கள் மற்றும் பிற நோய்த்தொற்றுகளின் சிகிச்சையில் இது பரவலாகப் பயன்படுத்தப்படுகிறது. காய்கறிகளில் உள்ள பாலிபினால்கள் மற்றும் ஐசோதியோசயனேட்டுகள் மழைக்காலங்களில் நோயெதிர்ப்பு மண்டலத்தின் செயல்பாட்டை மேம்படுத்த உதவுகின்றன. முள்ளங்கியின் அழற்சி எதிர்ப்பு பண்புகள் குளிர் மற்றும் காய்ச்சல் காரணமாக சுவாச உறுப்புகளின் வீக்கத்தைத் தடுக்கின்றன.

பீட்ரூட்

பீட்ரூட்

பீட்ரூட் மழைக்காலத்தில் ஆரோக்கியத்தை ஊக்குவிக்கும் முக்கியமான காய்கறி. பீட்ரூட்டில் உள்ள செயலில் உள்ள சேர்மங்களால் குடல் செல்கள் நன்கு உறிஞ்சப்படுகின்றன. குடலின் நுண்ணுயிரியை பராமரிப்பதில் பீட்ரூட் மிகவும் பயனுள்ளதாக இருக்கும் மற்றும் அதன் ஆண்டிமைக்ரோபியல் விளைவுகள் தீங்கு விளைவிக்கும் பாக்டீரியாக்களின் வளர்ச்சியைத் தடுக்கிறது.

சுயஇன்பம் செய்வதால் பிறப்புறுப்பு பாதிக்கப்படுமா? உண்மை என்னானு தெரிஞ்சிக்கோங்க...!

கருணை கிழங்கு

கருணை கிழங்கு

கருணை கிழங்கு பல ஊட்டச்சத்து மற்றும் செயல்பாட்டு நன்மைகளைக் கொண்டுள்ளது. இந்த கிழங்கு இரைப்பை குடல் தொந்தரவுகளை சரிசெய்கிறது. இது மழைக்காலங்களில் அதிகமாக காணப்படும் கிழங்கு. மேலும், இதிலுள்ள பினோலிக் கலவைகள் மற்றும் ஃபிளாவனாய்டுகள் நோய் எதிர்ப்பு சக்தியை மேம்படுத்துகின்றன. இதனால் மழைக்காலத்தில் ஏற்படும் எந்தவொரு தொற்றுநோயையும் நம் உடல் எதிர்த்துப் போராட முடியும்.

பீர்க்கங்காய்

பீர்க்கங்காய்

பீர்க்கங்காயில் இயற்கையாக நச்சுத்தன்மையை வெளியேற்றும் பண்புள்ளது. இது இரத்தத்தை சுத்திகரிக்கிறது மற்றும் உடலில் இருந்து நச்சுகளை வெளியேற்ற உதவுகிறது. இது வயிற்றை ஆற்றும் மற்றும் நோய் எதிர்ப்பு சக்தியை அதிகரிக்கும். இதில், துராய் கரோட்டின், அமினோ அமிலங்கள், புரதம் மற்றும் சிஸ்டைன் நிறைந்துள்ளது. இதன் இலைகளிலும் ஃபிளாவனாய்டுகள் அதிகம் இருப்பதால் காய்கறிகளிலும் சேர்க்கலாம். பீர்க்கங்காய் சரியான செரிமானத்திற்கு உதவுகிறது மற்றும் வெளியேற்ற அமைப்பின் செயல்பாடுகளை மேம்படுத்துகிறது.

கோவைக்காய்

கோவைக்காய்

கோவைக்காய் பச்சை நிற காய்கறி ஆகும். இது பழுக்கும்போது பிரகாசமான சிவப்பு நிறமாக மாறும். இது பல நோய்களைத் தடுக்கும் சக்திவாய்ந்த அழற்சி எதிர்ப்பு பண்புகளைக் கொண்டுள்ளது. குறிப்பாக ஒவ்வாமை, சளி, இருமல், காய்ச்சல் மற்றும் தொற்று போன்ற பருவகால தொடர்பான கோளாறுகளை சரிசெய்ய உதவுகிறது. குளுக்கோஸ் அளவையும் அதிக கொழுப்பையும் நிர்வகிக்க கோவைக்காய் நல்லது.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

Healthy vegetables to eat during monsoon

Here are the list of healthy vegetables to eat during monsoon.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more