கொரோனா வைரஸ் பரவும் காலத்தில் யாரெல்லாம் மது அருந்தக்கூடாது தெரியுமா?

அதன் படி இந்த 5 சந்தர்ப்பங்களில் இருந்தால் ஒரு போதும் மது அருந்தாதீர்கள்

* கோவிட் 19 தொற்று உங்களுக்கு இருந்தால் மது அருந்தாதீர்கள்

* ஆன்டி பயாடிக் எடுக்கும் போது மதுப்பழக்கம் வேண்டாம்

* உயர் இரத்த அழுத்தம் இருப்பவர்கள் மது அருந்த கூடாது.

* கர்ப்ப காலத்தில் மது அருந்த கூடாது

* உடம்பில் பெரிய காயங்கள் ஏற்பட்ட சமயங்களில் மது அருந்தக் கூடாது.

டெல்லியின் எய்ம்ஸ் இயக்குநர் டாக்டர் ரன்தீப் குலேரியாவின் தகவல்,

கொரோனா வைரஸ் குறித்து மக்களிடையே ஏராளமான தவறான புரிதலும் நிலவி வருகிறது. வெப்பம் அதிகமாக இருந்தால் கொரோனா வைரஸ் அகற்றப்பட்டு விடும் என்பதை அவர் மறுத்துள்ளார். இது குறித்து அவர் கூறுகையில் எய்ம்ஸ் இயக்குனர் டாக்டர் ரன்தீப் குலேரியா, "சிங்கப்பூர் போன்ற சூடான நாடுகளுக்கும் ஸ்வீடன் மற்றும் ஐரோப்பாவின் குளிர் நாடுகளுக்கும் கூட கொரோனா வைரஸ் தாக்கம் பரவியுள்ளன " என்பதை அவர் சுட்டிக்காட்டியுள்ளார். அதே மாதிரி கொரோனா வைரஸ் தொற்று காற்று வழியாக பரவாது. கொரோனா வைரஸால் பாதிக்கப்பட்ட ஒருவரிடம் இருந்து தொற்று மற்றொரு நபரை பாதிக்கிறது. பாதிக்கப்பட்ட நபருடன் தொடர்பு கொள்ளும் போது தொற்று எளிதாக பரவுகிறது.

ஆல்கஹால் குடிப்பதால் என்ன பிரச்சினை உண்டாகிறது?

மதுப்பழக்கம் இருப்பவர்களுக்கு அவர்களின் கல்லீரல் சீக்கிரமே பாதிப்படைந்து விடும். இது மனித உடலின் பல பகுதிகளையும் பாதிக்கிறது. ஆனால் மக்கள் எப்போதாவது குடிப்பதால் உடலுக்கு தீங்கு ஏற்படாது என்று நம்புகின்றனர். ஆனால் சிறிய அளவு மது கூட ஆபத்தானது என்பதை நீங்கள் புரிந்து கொள்ள வேண்டும். இது முதலில் உங்கள் ஆரோக்கியத்தை பாதிக்கிறது என்பதை புரிந்து கொள்ளுங்கள்.

மதுவால் ஏற்படும் பாதிப்புகள்:

* ஆல்கஹால் மூளையை வேலை செய்ய விடாமல் தடுக்கிறது.

* உடலின் மற்ற செயல்பாடுகளிலும் குறுக்கிடுகிறது.

* அதிகப்படியான ஆல்கஹால் காரணமாக கல்லீரல் பாதிப்பு மற்றும் மலட்டுத்தன்மை பிரச்சனை ஏற்படும்.

* புற்றுநோய் ஆபத்து அதிகரிக்கிறது.

பின்பற்ற வேண்டிய நடவடிக்கைகள்:

* ஆல்கஹால் அருந்துவது உங்களை கொரோனாவில் இருந்து காக்கும் என நினைப்பது தவறானது என்றும் அவர் கூறியுள்ளார் .

* எய்ம்ஸ் இயக்குனர் டாக்டர் ரன்தீப் குலேரியா கூறுகையில், நீங்கள் கைகளை சரியாகக் கழுவினால் கொரோனா வைரஸைத் தவிர்க்கலாம். "கைகளை வெளியில் இருந்து வந்தவுடன் சோப்புடன் நன்கு சுத்தம் செய்யப்பட வேண்டும்" என்றும் அவர் கூறினார்.

* அதே மாதிரி நீங்கள் வெளியில் பயணம் செய்யும் சமயங்களில் கைகளில் சானிடைசர் பயன்படுத்துங்கள். இது உங்க கைகளை சுத்தமாக வைக்க உதவும்.

பரவும் விதம்

கொரோனா வைரஸ் என்பது ஒரு நபரிடமிருந்து இன்னொருவருக்கு உடல் வழியாக தொற்றிப் பரவுகிறது. கோழி மற்றும் மட்டன் போன்ற அசைவ உணவை உட்கொள்வதன் மூலம் வைரஸ் ஒரு நபருக்குள் நுழையாது என்பதையும் மக்கள் புரிந்து கொள்ளுங்கள். எனவே கொரோனா வைரஸ் மனிதர்களிடம் இருந்து மனிதர்களுக்கு பரவக்கூடிய தொற்று என்றும் அவர் கூறியுள்ளார்.