இந்த உடற்பயிற்சியை தினமும் செய்தால் விறைப்புத்தன்மை பிரச்சனை சீக்கிரம் சரியாகும் தெரியுமா?

எந்த வகையான உடற்பயிற்சி சிறந்தது?

இடுப்பு தசைகளை வலுவாக்க என்று வரும் போது, கெகல் உடற்பயிற்சிகள் மிகவும் சிறந்தவை. இந்த கெகல் பயிற்சிகள் பாலியல் ஆரோக்கியத்தை மேம்படுத்த சிறப்பானவை. கெகல் பயிற்சிகளால் ஆண், பெண் இருபாலருக்கும் சமமான பலன் கிடைக்கும். முக்கியமாக இந்த உடற்பயிற்சி புல்போகெவர்னோசஸ் தசையை வலுப்படுத்த உதவுகிறது. இதனால் விறைப்புத்தன்மையின் போது உந்துவதற்கும், சிறுநீர் கழித்த பிறகு சிறுநீர்ப்பையை காலியாக்குவதற்கும் உதவுகிறது.

அடிப்படை கெகல் பயிற்சி

உங்கள் இடுப்புப் பகுதியில் உள்ள தசைகளை வலுவாக்கும் ஓர் எளிய பயிற்சி என்றால், அது சிறுநீர் கழிக்கும் போது பல முறை நிறுத்துவதாகும். இப்படி செய்வது ஒரு அற்புதமான பயிற்சி. இந்த செயலை செய்ய உதவும் தசைகளுக்கு ஒருவர் இம்மாதிரியான பயிற்சியை அடிக்கடி செய்தால், விறைப்புத்தன்மை பிரச்சனையைப் போக்கலாம். அதுவும் இந்த பயிற்சியை ஒரு நாளைக்கு இரண்டு முதல் மூன்று வரை செய்வது நல்லது.

மன அழுத்தம் வேண்டாம்

கெகல் பயிற்சியை செய்ய ஆரம்பிக்கும் போது, ஆரம்ப காலத்தில் தொடர்ந்து 10 முறை செய்து முடிப்பது என்பது முடியாத ஒன்றாக இருக்கலாம். இதற்காக நீங்கள் கவலைப்பட வேண்டாம். மன அழுத்தம் அதிகரித்தால், உடலில் இரத்த ஓட்டத்தில் இடையூறு ஏற்பட்டு, விறைப்புத்தன்மை பிரச்சனை மேலும் தீவிரமாகலாம். எனவே மன அழுத்தத்தைத் தவிர்த்திடுங்கள்.

ஏரோபிக் உடற்பயிற்சிகள்

இடுப்புத் தசைகளைச் சுற்றியுள்ள தசைகளுக்கான உடற்பயிற்சியை செய்வதன் மூலமும் விறைப்புத்தன்மை பிரச்சனையை எதிர்த்துப் போராடி ஜெயிக்கலாம். ஏரோபிக்ஸ் பயிற்சி விறைப்புத்தன்மை செயல்பாட்டை மேம்படுத்த உதவுவதோடு மட்டுமின்றி, ஒட்டுமொத்த உடல் ஆரோக்கியத்தையும் மேம்படுத்தும். அதிலும் ஒருவர் தினமும் 30 நிமிடம் சுறுசுறுப்பான மற்றும் வேகமான நடைப்பயிற்சியை மேற்கொண்டு வந்தாலே நல்ல மாற்றத்தை உணர முடியும்.

ஏமாறாதீர்கள்

மூலிகை சப்ளிமெண்ட்டுகள் மூலம் விறைப்புத்தன்மை பிரச்சனையை சரிசெய்யலாம் என்று கூறும் பல வலைத்தளங்களைக் காண்பீர்கள். ஆனால் இந்த பொறிகளில் நீங்கள் சிக்கிக் கொள்ளாதீர்கள். ஆரோக்கிய பிரச்சனையை சந்திக்கும் போது, எப்போதும் சிக்கலின்றி பாதுகாப்புடன் இருக்கும் முறையைத் தேர்ந்தெடுப்பதே நல்லது.

இதர வழிகள்

விறைப்புத்தன்மை பிரச்சனையை எதிர்க்கும் சிறப்பான இயற்கை வழி என்றால் அது கெகல் உடற்பயிற்சிகள் மற்றும் ஏரோபிக் பயிற்சிகள் தான். ஒருவேளை இந்த பயிற்சிகளை மேற்கொண்டும் எவ்வித முன்னேற்றமும் தெரியாவிட்டால், மருத்துவரை அணுக தயக்கம் கொள்ளாமல், உடனே சந்திக்கவும்.

விரக்தி அடையாதீர்கள்

விறைப்புத்தன்மை பிரச்சனையை சரிசெய்ய பல சிகிச்சைகள் தற்போது உள்ளன. இருந்தாலும் கெகல் மற்றும் ஏரோபிக்ஸ் போன்றவற்றால் நல்ல பலன் கிடைப்பதோடு, ஒட்டுமொத்த உடல் ஆரோக்கியமும் மேம்படும். ஆகவே விறைப்புத்தன்மை பிரச்சனை இருந்தால், வாழ்க்கை முடிந்துவிட்டது என்று நினைக்காமல், தொடர்ந்து அதை எதிர்த்துப் போராடும் வழிகளைத் தேடி போராடுங்கள். இதனால் நிச்சயம் பிரச்சனையை சரிசெய்ய முடியும்.