உங்கள் சமையலறையில் இருக்கும் இந்த சாதாரண பொருட்கள் உங்களுக்கு பல ஆபத்துக்களை உண்டாக்கும் தெரியுமா?

துருப்பிடித்த பாத்திரங்கள்

சாதாரண சமையல் பாத்திரங்கள் இரும்பு மற்றும் கண்ணாடி பூச்சுகளால் தயாரிக்கப்பட்டது. ஆனால் துருப்பிடித்த பாத்திரத்தில் சமைப்பது உங்கள் நரம்பு மணடலத்திற்கு பல பிரச்சினைகளை உண்டாக்கும். சிலசமயங்களில் இது டெட்டனஸ் என்ற தொற்றுநோயை உண்டாக்கும்.

பழைய மசாலாக்கள்

மசாலாப் பொருட்கள் காற்று புகாத கொள்கலனில் வைக்கப்படாவிட்டால் அவை விரைவில் கெட்டுப்போக வாய்ப்புள்ளது. மேலும் இதனால் பூஞ்சைகள் உருவாகவும் வாய்ப்புள்ளது, ஆனால் இதன் நிறத்தால் நம்மால் அதனை கண்டுபிடிக்க முடியாது. உங்கள் மசாலா பொருட்களில் எந்த வாசனையும் இல்லையென்றால் அதனை தூக்கியெறிய வேண்டிய நேரமிது.

பிளாஸ்டிக் பேக்

கடைக்கு செல்லும்போதெல்லாம் நாம் பிளாஸ்டிக் பேக்குகளை வாங்கி வீட்டை நிரப்பிக்கொண்டுதான் இருக்கிறோம். நீங்கள் இவற்றில் உணவுகளை சேமித்து வைக்கும் பழக்கம் கொண்டிருந்தால் அதனை உடனடியாக நிறுத்தி விடுங்கள். அதிக அடர்த்தி கொண்ட பாலிஎதிலீன் அல்லது எச்டிபிஇ மூலம் தயாரிக்கப்படும் பிளாஸ்டிக் பேக்குகள் நச்சுகளால் நிரப்பப்பட்டவை. இதனை சமையலறையில் வைத்துக்கொள்வதே ஆபத்தானது.

பிளாஸ்டிக் பாத்திரங்கள்

பிளாஸ்டிக் பாத்திரங்கள் உறுதியானவை மற்றும் நீண்ட நாட்கள் உழைக்கக்கூடியவை என்பது உண்மைதான். ஆனால் பாலிப்ரொப்பிலீன் மற்றும் பாலிஸ்டிரீன் போன்ற பொருட்கள் மனித கல்லீரல் மற்றும் செரிமான மண்டலத்திற்கு நல்லதல்ல. அதற்கு பதில் கண்ணாடி பாத்திரங்களை உபயோகிக்க தொடங்குங்கள்.

பழைய கத்தி

சமையலறை கத்திகள் பொதுவாக கார்பன் மூலம் தயாரிக்கப்படுகின்றன. கத்தியின் முனைகளை கூர்மையானதாக மாற்ற இரும்புடன் கார்பன் சேர்க்க வேண்டியது அவசியமாகும். சில காலத்திற்கு பிறகு இரும்பு உணவுடன் வினைபுரிந்து அதனை விஷமாக மாற்ற வாய்ப்புள்ளது.

உபயோகித்த எண்ணெய்

ஆரோக்கிய நிபுணர்களின் கருத்துப்படி உபயோகித்த எண்ணெயை மீண்டும் உபயோகிப்பது சுகாதாரமற்றது மட்டுமல்ல ஆரோக்கியமற்றதும் கூட. இது கொழுப்பின் அளவை அதிகரிப்பதுடன் புற்றுநோய், செல்களின் சிதைவு, இரத்த வெள்ளை அணுக்களின் மீது தாக்குதல், நோயெதிர்ப்பு சக்தி குறைப்பு போன்ற ஆபத்துக்களை உண்டாக்கும்.

அஜினோமோட்டோ

தொடர்ச்சியாக அஜினோமோட்டோவை உணவில் சேர்த்து கொள்வது உங்களின் நரம்பு மண்டலத்திற்கு நல்லதல்ல. இதனால் உணர்விழப்பு, கழுத்து மற்றும் முகத்தில் எரிச்சல் போன்ற பிரச்சினைகள் ஏற்படலாம்.