'இனிப்புகளின் ராஜா' என்று அழைக்கப்படும் ஸ்வீட் எது தெரியுமா? எதுனா சொன்ன நம்பவே மாட்டிங்க

இந்திய உணவுகளுக்கென்று உலகம் முழுவதும் பெரும் ரசிகர் பட்டாளம் உள்ளது. இந்திய உணவுகள் என்று வரும்போது அதில் இனிப்புகள் முக்கிய இடம் வகிக்கின்றன. இந்தியாவில் ஆயிரக்கணக்கான இனிப்பு வகைகள் உள்ளன. இந்தியா பல பாரம்பரிய இனிப்பு வகைகளின் பிறப்பிடமாகத் திகழ்கிறது. ஒவ்வொரு இனிப்பும் தனித்துவமான சுவை, தயாரிப்பு முறை மற்றும் கலாச்சார முக்கியத்துவத்தைக் கொண்டுள்ளது.

இந்தியாவின் ஒவ்வொரு மாநிலமும், பிராந்தியமும் தனக்கே உரித்தான சிறப்பான இனிப்பு வகைகளைக் கொண்டிருந்தாலும், மிகவும் பிரபலமான ஒரு இனிப்பு 'இனிப்புகளின் அரசன்' என்று அழைக்கப்படுகிறது. அந்த இனிப்புதான் 'மைசூர் பாக்'. இது கேட்பதற்கு அதிர்ச்சியாக இருந்தாலும் லட்டு, ஜிலேபி, பால்கோவா, காஜூ கட்லி போன்றவற்றை விட மிகவும் பிரபலமான இனிப்புகளை விட மைசூர் பாக்தான் இனிப்புகள் அரசன் என்று அழைக்கப்படுகிறது.

மைசூர் பாக்-ன் தோற்றம்

கர்நாடகாவைத் தாயகமாகக் கொண்ட மைசூர் பாக், மைசூரின் அரச பாரம்பரியத்துடன் நெருங்கிய தொடர்புடையது. மைசூர் பாக் என்பது கர்நாடகாவின் மைசூரில் உருவான ஒரு பாரம்பரிய இந்திய இனிப்பு வகையாகும். இது மிகவும் எளிதாக கடலை மாவு, சர்க்கரை மற்றும் நெய் ஆகிய மூன்று பொருட்களைக் வைத்தே தயாரிக்கப்படுகிறது. இந்தப் பொருட்களைச் சரியான விகிதத்தில் சேர்த்து, கவனமாகத் தயாரிக்கும்போதுதான், இந்த இனிப்புக்குத் தனித்துவமான சுவையும் அமைப்பும் கிடைக்கின்றன. நன்கு தயாரிக்கப்பட்ட மைசூர் பாக், வெண்ணெய் சுவையைக் கொண்டிருக்கும், மேலும் எளிதில் இளக்கக்கூடிய மைசூர் பாக் முதல் உறுதியான மற்றும் துளைகள் கொண்ட அமைப்பு வரை மைசூர் பாக் பல்வேறு நிலைகளில் இருக்கலாம். காலப்போக்கில், இந்த இனிப்பு கர்நாடகாவைத் தாண்டி, இந்தியா முழுவதும் பெரும் வரவேற்பைப் பெற்று இனிப்புகளின் அரசனாக மாறியுள்ளது.

அரச குடும்பத்துடனான தொடர்பு

மைசூர் பாக்-ன் தோற்றம், மைசூர் சமஸ்தானத்தை ஆட்சி செய்த உடையார் வம்சத்துடன் நெருங்கிய தொடர்புடையது. இந்த இனிப்பு முதன்முதலில் அரச குடும்பத்திற்காக அரண்மனை சமையலறையில் தயாரிக்கப்பட்டது. அரண்மனை சமையல்காரர் ஒருவர், அனைத்து இந்திய சமையலறைகளிலும் இருக்கும் எளிய பொருட்களைக் கொண்டு புதிய வகை இனிப்பு ஒன்றை உருவாக்கினார், அது அரச குடும்பத்தினரால் மிகுவும் பாராட்டப்பட்டது. காலப்போக்கில், இந்த இனிப்பின் புகழ் அரண்மனையைத் தாண்டி, உள்ளூர் இனிப்புக் கடைகளுக்கும், கர்நாடகாவின் வீடுகளுக்கும் சென்றடைந்தது. நாளடைவில், மைசூர் பாக் கர்நாடகாவின் சமையல் பாரம்பரியத்தில் ஒரு அங்கமாக மாறியது. மைசூர் அரச குடும்பத்து சமையலறைகளுடன் கொண்ட இந்தத் தொடர்பு, அதன் சிறப்பை மேலும் கூட்டி, இதனை வெறும் பாரம்பரிய இனிப்பு என்பதையும் தாண்டிய ஒரு தனித்துவமான உணவாக மாற்றியுள்ளது.

மைசூர் பாக்கின் செய்முறை

மைசூர் பாக் மற்ற இனிப்புகளுடன் ஒப்பிடும் போது ஒப்பீட்டளவில் எளிமையான பொருட்களைக் கொண்டு தயாரிக்கப்பட்டாலும், உண்மையான மைசூர் பாக் தயாரிப்பதற்கு கணிசமான திறமையும் நுணுக்கமான கவனமும் தேவைப்படுகிறது. அதன் தனித்துவமான பதத்தையும் சுவையையும் அடைவதற்கு, சரியான விகிதத்தில் பொருட்களைப் பயன்படுத்துவதும், கலவையை சரியான பதத்திற்கு சமைப்பதும் அவசியமாகும். நெய்யின் பயன்பாடு இந்த இனிப்புக்கு சிறப்பான சுவையை அளிக்கிறது, அதே சமயம், இறுதித் தயாரிப்பு உறுதியாகவும் சற்றே நுண்துளைகளுடனும் இருக்குமா அல்லது வாயில் கரையும் அளவுக்கு மென்மையாக இருக்குமா என்பதைத் தயாரிக்கும் வழிமுறையே தீர்மானிக்கிறது. வெவ்வேறு இனிப்புத் தயாரிப்பாளர்கள் தங்களுக்கென தனித்துவமான மைசூர் பாக் வகைகளை உருவாக்கியுள்ளனர்,

இனிப்புகளின் ராஜா

அரச சமையலறையில் உருவான இந்த இனிப்பு, காலப்போக்கில் மைசூரைக் கடந்து பல இடங்களுக்குப் பரவியது. கர்நாடகா முழுவதும் பிரபலமடைந்த இந்த இனிப்பு, அண்டை மாநிலங்களான தமிழ்நாடு, ஆந்திரப் பிரதேசம் மற்றும் தெலுங்கானாவிலும் பிரபலமான இனிப்பாக மாறியது. காலப்போக்கில், இந்தியாவின் பிற பகுதிகளிலும் மைசூர் பாக் மிகவும் விரும்பப்படும் இனிப்பாக மாறியது.

எளிமையான மூலப்பொருட்கள், தனித்துவமான சுவை மற்றும் அரச குடும்பப் பின்னணி ஆகியவற்றைக் கொண்ட மைசூர் பாக், தென்னிந்தியாவின் மிகவும் அறியப்பட்ட பாரம்பரிய இனிப்புகளில் ஒன்றாகத் திகழ்கிறது. "இனிப்புகளின் அரசன்" என்ற பட்டம் மைசூர் பாக் பெற்றுள்ள பிரம்மாண்டத்தையும் கலாச்சார முக்கியத்துவத்தையும் உணர்த்துகிறது.