இந்த 6 அறிகுறிகளும் உங்களுக்கு இரும்பு சத்து போதவில்லை என்று சொல்கிறது!!

மண் சாப்பிட தோன்றுதல் :

இன்னும் மருத்துவர்களுக்கு ஏன் உணவல்லாத பொருட்களை இரும்பு சத்து குறைபாடு இருப்பவர்கள் சாப்பிடுகிறார்கள் என்று சரியான காரணங்கள் புலப்படவில்லை.

மண்ணை பார்த்ததும் சாப்பிடத் தோன்றுவது அதிலுள்ள இரும்பு சத்தின் மீது ஈர்ப்பாக இருக்கலாம்.

அதோடு பென்சில், சாக்பீஸ் , ஆகியவைகளையும் சாப்பிடுவார்கள். இந்த மாதிரியான அறிகுறிக்கு பைகா என்று பெயர்.

நகம் வளைதல் :

ஸ்பூன் போன்று நகம் வளைந்து மேல் நோக்கி இருந்தால் அது இரும்பு சத்தின் அறிகுறி. இந்த அறிகுறிக்கு கொய்லோனிசியா.

ஆனால் அவ்வாறு வளைந்த நகம் அது மற்ற வியாதிக்கும் அறிகுறியாக இருக்கலாம். பரிசோதனையில் மட்டுமே தெரிய வரும்.

வெடித்த உதடு :

சாதரணமாக குளிர்காலங்களில் உதடு வெடிப்பது இயல்பானதே.

ஆனால் ஒரு சிலருக்கு எப்போதும் உதடு வெடித்தபடியே இருக்கும் இரும்பு சத்து போதாமையின் அறிகுறிதான் இது. இதற்க்கு ஆங்குலார் செய்லிடிஸ் என்று பெயர்.

வீங்கிய நாக்கு :

நாக்கு வீக்கமாகவும் பளபளப்பாகவும் இருந்தால் அது இரும்புச் சத்து குறைபாட்டின் அறிகுறி. இதற்கு பெயர் அட்ரோஃபிக் க்ளாஸிடிஸ் என்று பெயர்.

இந்த அறிகுறியில் நாக்கு மிருதுவாகவும் நைஸாகவும் இருக்கும்.

ஐஸ் கட்டியை சாப்பிட தோன்றுவது :

இது வெகு பொதுவான அறிகுறிகளில் ஒன்று. ஐஸ் கட்டியை பார்த்து தேடி தேடி சாப்பிடுவது தீவிர இரும்புச் சத்து குறைப்பாட்டின் அறிகுறியாகும். இதற்கு பெயர் பேகோஃபேஜியா.

கால்கள் கூச்சம் :

அமைதியாக அமர முடியாமல் பரபரவென கால்களை இயக்கிக் கொண்டேயிருக்க வேண்டுமென தோன்றுவது பின் கால்களில் எப்போதும் கூசிக் கொண்டேயிருந்தால் அது ரத்த சோகையின் அறிகுறியாகும்.