உங்கள் நோயெதிர்ப்பு சக்தியை எது பலவீனப்படுத்துகிறது என்று தெரியுமா?

புகைப்பிடித்தல்

அனைவருக்குமே சிகரெட்டில் ஏராளமான கேடு விளைவிக்கும் கெமிக்கல்கள் உள்ளன என்பது தெரியும். இந்த கெமிக்கல்கள் முதலில் உடலின் நோயெதிர்ப்பு மண்டலத்தைத் தான் தாக்கும். நோயெதிர்ப்பு மண்டலத்தை பலவீனமடையச் செய்து, பின் பல்வேறு நோய்களுக்கு உள்ளாக்கும். எனவே முதலில் புகைப்பிடிப்பதை நிறுத்த வேண்டும்.

அதிகப்படியான வெயில்

நீங்கள் வெயிலில் அதிகம் சுற்றும் போது, சூரியனிடமிருந்து வெளிவரும் புறஊதாக்கதிர்களின் தாக்கம் அதிக அளவில் இருந்தால், உடலின் நோயெதிர்ப்பு மண்டலத்தின் வலிமை குறையும் என்பது உங்களுக்குத் தெரியுமா?

மோசமான சுகாதாரம்

நீங்கள் உங்களை சுத்தமாக வைத்துக் கொள்ளாவிட்டால், அதனால் முதலில் உங்கள் நோயெதிர்ப்பு மண்டலம் தான் பாதிக்கப்படும். அதில் சரியாக பற்களை துலக்காமல் இருப்பது, உணவை உண்பதற்கு முன் கைகளைக் கழுவாமல் இருப்பது போன்றவை உங்களின் உடலில் கிருமிகளின் வளர்ச்சியை அதிகரித்து, நோயெதிர்ப்பு மண்டலத்தை பலவீனப்படுத்தும்.

அதிகப்படியான ஆன்டி-பயாடிக்ஸ்

அளவுக்கு அதிகமாக ஆன்டி-பயாடிக்ஸ் எடுத்து வந்தால், அதனால் நோயெதிர்ப்பு மண்டலத்தின் வலிமை குறைந்துவிடுவதாக உடல்நல நிபுணர்கள் கூறுகின்றனர். எனவே ஆன்டி-பயாடிக்ஸ் மாத்திரைகளை அளவுக்கு அதிகமாக எடுக்காதீர்கள்.

உடலுழைப்பு இல்லாமை

நீங்கள் தினமும் சிறு உடற்பயிற்சிகளை செய்யாமல் இருந்தால், உடலில் சீராக இரத்த ஓட்டம் இல்லாமல் இருப்பதோடு, நோயெதிர்ப்பு மண்டலமும் வலிமையிழக்கும். எனவே ஓய்வு நேரத்தில் எந்நேரமும் படுத்தவாறு அல்லது டிவி பார்த்தவாறு இருக்காமல், சிறு உடற்பயிற்சியில் ஈடுபட்டு வந்தால், நோயெதிர்ப்பு சக்தியை அதிகரிக்கலாம்.

தூக்கமின்மை

தூக்கத்தின் போது உடல் தன்னைத் தானே பழுது பார்த்துக் கொள்கிறது. ஆனால் ஒருவருக்கு போதிய அளவு தூக்கம் கிடைக்காமல் இருந்தால், அதனால் நோயெதிர்ப்பு சக்தி குறைந்து, உடலின் வலிமையும் குறைந்து உடல் சோர்வடைந்துவிடும்.

மது

மதுவை அளவுக்கு அதிகமாக பருகினால் முதலில் நோயெதிர்ப்பு மண்டலம் தான் பலவீனமாக்கப்படும். எனவே நீங்கள் ஆரோக்கியமாக இருக்க நினைத்தால், மது அருந்தும் பழக்கத்தை மெதுவாக குறைத்து வாருங்கள்.