மன அழுத்தம் பற்றி கூறப்படும் கட்டுக்கதைகள் பற்றியும் அதன் உண்மை நிலை!!!

கட்டுக்கதை 1

பொதுவாக மன அழுத்தம் ஏற்படுவது அரிதானது என்று கருதுகிறார்கள். ஆனால், மன அழுத்தம் என்பது பெண்களில் நான்கில் ஒருவருக்கும், ஆண்களில் ஆறில் ஒருவருக்கும் சாதாரணமாக ஏற்படுகிறது. சூழ்நிலை மாற்றம், வேலை, உறவுகள் போன்ற காரணங்களினால் மன அழுத்தம் அனைவருக்கும் ஏற்பட வாய்ப்புகள் இருக்கிறது. இது பொதுவானது.

கட்டுக்கதை 2

"மன அழுத்தம் சோகமாக இருக்கும் போது தான் ஏற்படும்."

நிறைய பேர் சோகமாக இருப்பது தான் மன அழுத்தம் என்று கருதுகிறார்கள். உண்மையில் மன அழுத்தம் என்பது ஓர் மாயை போன்றது. இது கோவமாக இருக்கும் போது ஏற்படலாம். மன அழுத்தம் என்பது உங்களது நிகழ கால உணர்விலிருந்து பிரித்து வேறு சிந்தனைக்கு எடுத்து செல்வது. மன அழுத்தம் சோகம் என்பதை தாண்டிய ஒன்று.

கட்டுக்கதை 3

"சுய பலவீனம்,"

மன அழுத்தம் ஏற்பட சுய பலவீனம் தான் காரணம் என்றும் சிலர் கருதுகிறார்கள். மன அழுத்தம் என்பது ஒருவரது குணாதிசயங்களை பொருத்து ஏற்படுவது அல்ல. ஒருவரது பலவீனத்திற்கும் மன அழுத்தம் ஏற்படுவதற்கும் எந்த வித சம்மந்தமும் இல்லை.

கட்டுக்கதை 4

"மன அழுத்தம் ஒருவரை மட்டுமே பாதிக்கும்."

இது தவறு, ஒருவரது மன அழுத்தம் என்பது அவரை மட்டுமின்றி, அவரது வேலை பாடுகள், உறவு, குழந்தை வளர்ப்பு என அவரை சுற்றியிருப்பவர்களையும் பாதிக்கிறது. பெரும்பாலும் பொருளாதாரம் மன அழுத்தம் ஏற்பட ஓர் காரணியாக இருக்கிறது.

கட்டுக்கதை 5

"மன அழுத்தம் அதுவாக சரியாகிவிடும்."

சிகிச்சை இன்றி மன அழுத்தம் சரியாகிவிடும் என்பது பொய். உண்மையில் இது எதிர்வினை எண்ணங்களை அதிகரிக்கும், தற்கொலை முயற்சிக்கு தூண்டும். இதில் இருந்து விடுபட நீங்கள் உங்கள் எண்ணங்களை மாற்றிக் கொள்ள வேண்டும். சிகிச்சை மேற்கொள்ள வேண்டியது மிகவும் அவசியம். மன அழுத்தத்தால் பாதிக்கப்படும் 20% பேர் தற்கொலைக்கு முயற்சி செய்கிறார்களாம்.

கட்டுக்கதை 6

மன அழுத்தத்தில் இருந்து விடுபட தியானம் மட்டுமே சிறந்தது என்று கருதுவது பொய். தினமும் உடற்பயிற்சி செய்தல், மக்களோடு கலந்து பழகுதல் போன்றவை தான் மன அழுத்தத்தில் இருந்து வெளிவர சிறந்த வகையில் உதவும்.