மாதவிடாய் காலத்தில் பெண்களுக்கு ஏற்படும் எடை அதிகரிப்பை குறைப்பது எப்படி?

ஈஸ்ட்ரோஜன் குறைவு

மாதவிடாய்க்கு பின் எடை அதிகரிக்க பல காரணங்கள் உள்ளது. அதில் முக்கியமான ஒன்று ஈஸ்ட்ரோஜன் உற்பத்தியில் ஏற்படும் பாதிப்பாகும். ஈஸ்ட்ரோஜன் உற்பத்தி குறைவாக இருக்கும் போது உடலியல் செயல்பாடுகள் மிகக்குறைவாய் இருக்கும். இதனால் பெண்களின் வளர்ச்சிதை மாற்றம் குறையும். இதுபோன்ற சமயங்களில் ஹார்மோன் தெரபி பெண்களுடைய வளர்ச்சிதை மாற்றத்தை சீராக்க உதவும். இதனால் எடை அதிகரிப்பின் வேகம் குறைக்கப்படும்.

உணவு

வளர்ச்சிதை மாற்றம் பாதிக்கப்படுவதால் சாப்பிடுவதில் அதிக கவனம் இருக்காது. அதேபோல உடற்பயிற்சிகள் செய்யவும் இயலாது. மீண்டும் நீங்கள் கொழுப்பை கரைக்க வழியை கண்டறிந்து அதனை தொடங்குவதற்குள் உங்கள் உடலில் உள்ள கொழுப்பின் அளவு இருமடங்காக அதிகரித்திருக்கும். உணவு இதில் முக்கியப்பங்கு வகிக்கிறது.

மனஅழுத்தம்

மாதவிடாய் காலங்களில் பெண்களின் மனஅழுத்தம் மிக அதிகமாக இருக்கும். இதன் விளைவாக கார்டிசோல் என்னும் ஹார்மோனின் சுரப்பு அதிகரிக்கிறது. இதுதான் நம் உடலில் கொழுப்பை தக்க வைக்கும் ஹார்மோன் ஆகும். அதிகளவு கார்டிசோல் பெண்களின் இடுப்பை சுற்றியுள்ளபகுதிகளில் எடை அதிகரிப்பை ஊக்குவிக்கிறது.

எடை அதிகரிப்பை தடுக்க உடற்பயிற்சி

நீங்கள் ஒரே இடத்தில் முடங்காமல் எவ்வளவு சுறுசுறுப்பாக இருக்கிறீர்களோ அவ்வளவு குறைவான எடையை பெறுவீர்கள். தேசிய உடல்ஆரோக்கிய நிறுவனத்தின் தகவலின் படி தினமும் குறைந்தது 10 நிமிடம் உடற்பயிற்சி செய்யும் பெண்களுக்கு மாதவிடாய்க்கு பின் ஏற்படும் எடை அதிகரிப்பு குறைவாக உள்ளதாக தெரிவிக்கப்பட்டுள்ளது.

உடற்பயிற்சியின் பலன்கள்

உடற்பயிற்சிகள் இந்த எடை அதிகரிப்பில் இருந்து பாதுகாப்பதுடன் ஆஸ்டாபோரோசிஸ் ஏற்படுவதை குறைப்பது, மாரடைப்பு ஏற்படும் வாய்ப்பை குறைப்பது, இன்சுலின் சுரப்பை சீராக்குவது, தசைகளை வலுப்படுத்துவது, மனஅழுத்தத்தை குறைப்பது என பல நன்மைகளை வழங்குகிறது.

சர்க்கரை அளவை சீராக்குதல்

நீங்கள் சாப்பிடும் இனிப்புகள், குடிக்கும் கூல்ட்ரிங்க்ஸ், உண்ணும் கார்போஹைட்ரேட் உணவுகள் அனைத்தும் உங்கள் இரத்தத்தில் உள்ள சர்க்கரையின் அளவை அதிகரிக்கும் வேலையை செய்கிறது. இதனால் இன்சுலின் அளவில் மாற்றம் ஏற்பட்டு அது கொழுப்பாக மாறிவிடும். சிக்கலான அல்லது வரையறுக்கப்படாத கார்போஹைட்ரேட்டுகள் மெதுவாக கரைக்கப்படுகிறது. எனவே குறைவான கார்போஹைடிரேட் உள்ள உணவுகளை மாதவிடாய் காலத்தில் எடுத்துக்கொள்வது எடை அதிகரிப்பை குறைக்கும்.

பொருத்தமான எடை

உங்கள் உடல் நிறை குறியீட்டை (பிஎம்ஐ) சரியாக கணக்கிட வேண்டும். இதனை உங்கள் மருத்துவரின் துணையுடன் செய்யுங்கள். இதன்மூலம் உங்கள் உயரத்திற்கு ஏற்ற எடை உள்ளதா, இல்லையா என்பதை கணக்கிட்டு அதற்கு ஏற்றவாறு உங்கள் எடையை பராமரிப்பது அவசியம்.

அளவாக சாப்பிடுங்கள்

மாதவிடாய் காலத்திலும், அதற்கு பிறகான நாட்களிலும் எக்காரணத்தை கொண்டும் உணவை தவிர்க்காதீர்கள். அதேநேரம் சத்தான உணவுகளை சரியான அளவில் சாப்பிடுங்கள். சத்தான உணவு என்று அதிகமாக சாப்பிடுவது கூட ஆரோக்கிய கேட்டை உருவாக்கும். அதுமட்டுமின்றி இது தேவையில்லாத எடை அதிகரிப்பையும் ஏற்படுத்தும்.