ஆணுறுப்பில் இரத்த ஓட்டத்தை இயற்கை வழியில் அதிகரிப்பது எப்படி?

வழி #1

தினமும் ஆண்கள் ரன்னிங் போன்ற உடற்பயிற்சியை செய்து வந்தால், இதயம் மட்டுமின்றி, பாலியல் வாழ்க்கையும் சிறப்பாக இருக்கும். உடற்பயிற்சியினால் உடல் ஆரோக்கியம் மட்டுமின்றி, பாலியல் வாழ்க்கையும் ஆரோக்கியமாக இருக்கும். எனவே தினமும் தவறாமல் சிறிது தூரம் ரன்னிங் பயிற்சியை மேற்கொள்ளுங்கள்.

வழி #2

பூண்டு உடலில் இரத்த ஓட்டத்தை மேம்படுத்த உதவும் உணவுப் பொருட்களில் ஒன்றாகும். வெங்காயமும் கூட தான். வாழைப்பழத்தில் பொட்டாசியம் அதிகம் உள்ளது. மிளகாய் மற்றும் மிளகு போன்றவை அழற்சியைக் குறைத்து, இரத்த ஓட்டத்தை ஊக்குவிக்கும். வாரத்திற்கு 2 முறை மீனை உணவில் சேர்த்துக் கொள்வது நல்லது. தினமும் ஒரு முட்டை சாப்பிடுவது மிகவும் நல்லது.

வழி #3

அதிகப்படியான மன அழுத்தம், உயர் இரத்த அழுத்தம் போன்றவை உடலில் மட்டுமின்றி அந்தரங்க உறுப்புகளிலும் இரத்த ஓட்டத்தை தடை செய்யும். மன அழுத்தத்தைக் குறைக்க சிகரெட் மற்றும் மது போன்றவற்றை எடுக்கும் போது, அது பாலியல் வாழ்க்கைக்கு முற்றுப்புள்ளி வைத்துவிடும். எனவே இப்பழக்கத்தை உடனே கைவிட வேண்டும்.

வழி #4

அவ்வப்போது இடுப்புக்கு கீழே உள்ள பகுதியை மசாஜ் செய்வதன் மூலம், உடல் மற்றும் மனதை ரிலாக்ஸ் அடையச் செய்யும் ஹார்மோன்களின் உற்பத்தி அதிகரிப்பதோடு, அப்பகுதியில் இரத்த ஓட்டமும் ஊக்குவிக்கப்படும்.

வழி #5

மூலிகைகளான ஜின்செங் விறைப்புத்தன்மை பிரச்சனையை சரிசெய்யும். அதேப் போல் கின்கோ என்னும் மூலிகை இரத்த ஓட்டத்தை ஊக்குவிக்கும். ஆனால் இவற்றை உட்கொள்ளும் முன், மருத்துவரிடம் ஆலோசித்துக் கொள்ள வேண்டும்.

வழி #6

கீகல் உடற்பயிற்சியை மேற்கொள்ள வேண்டும். இடுப்பு பகுதியை வலிமைப்படுத்தும் கீகல் உடற்பயிற்சியை செய்வதன் மூலம், இரத்த ஓட்டம் தூண்டப்படுவதோடு, இடுப்புக்கு கீழே உள்ள தசைகள் வலிமைப்படுத்தப்படும்.