உங்களுக்கு இந்த அறிகுறிகள் இருக்கா? அப்ப உங்க இதயம் ஆபத்தில் இருக்காம்... உடனே இதய மருத்துவரை சந்திங்க!

Heart Health In Tamil: நம் உடல் உறுப்புகளில் மிகவும் முக்கியமானது இதயம். நாம் உயிரோடும் ஆரோக்கியமாகவும் இருப்பதை நம் இதய செயல்பாடுகள்தான் தீர்மானிக்கின்றன. அந்த வகையில், இதயம் ஆரோக்கியம் குறித்து அனைவரும் கவனமாக இருக்க வேண்டும்.

உலகளவில் இதய நோயால் பாதிக்கப்படுபவர்களின் எண்ணிக்கை அதிகரித்து வருகிறது. உலகம் முழுவதும் ஏற்படும் இறப்புகளில் இதய நோய் முதலிடத்தில் உள்ளது. இன்றைய நாளில் குறிப்பாக இளைஞர்கள் முதல் பெரியவர்கள் வரை அனைவருக்கும் மாரடைப்பு ஏற்பட வாய்ப்புள்ளது. இதற்கு முக்கிய காரணமாக இருப்பது ஆரோக்கியமற்ற வாழ்க்கை முறை.

அதேபோல நாள்பட்ட மருத்துவ நிலைகளும் இதய நோய் அபாயத்தை அதிகரிக்கின்றன. ஆதலால், உங்கள் இதயத்தை நீங்கள் அடிக்கடி பரிசோதனை செய்துகொள்வது நல்லது. ஒருமுறை இதயத்திற்கு மருத்துவ உதவி தேவைப்பட்டால், அது உயிருக்கு ஆபத்தை ஏற்படுத்தலாம் என்ற அச்சம் மக்களிடையே உள்ளது. இருப்பினும், சரியான நேரத்தில் நோயை கண்டறிவது, இதயத்தை பாதிப்பிலிருந்து காப்பாற்றலாம்.

எனவே, மக்கள் தங்கள் இதயத்தை ஆண்டுதோறும் அல்லது வருடத்திற்கு இரண்டு முறை பரிசோதிக்குமாறு கேட்டுக் கொள்ளப்படுகிறார்கள். நீங்கள் வழக்கமான உடல் பரிசோதனைகளில் குறைந்த கவனம் செலுத்துபவராக இருந்தால், இதய ஆரோக்கியத்தை நீங்கள் ஏன் கவனித்துக் கொள்ள வேண்டும் என்பதற்கான சில காரணங்கள் பற்றி இக்கட்டுரையில் தெரிந்துகொள்ளுங்கள்.

குடும்பத்தில் இதய நோயின் வரலாறு

உங்கள் குடும்பத்தில் இதய நோய் அல்லது இதய பிரச்சனை வரலாறு இருந்தால், உங்களைத் தொடர்ந்து பரிசோதனை செய்து கொள்வது அவசியம். குடும்பத்திற்குள் இயங்கும் ஒரு குறிப்பிட்ட இதய நோயைப் பற்றி சுகாதார நிபுணர்கள் எப்போதும் எச்சரித்துள்ளனர். ஆரம்ப அறிகுறிகளைக் கண்டறிந்து சரியான நேரத்தில் நோயறிதலை கண்டறிந்து, சிகிச்சை மேற்கொள்வது, பெரிய ஆபத்துக்களில் இருந்து உங்களைக் காப்பாற்றும்.

அதிக ஆபத்துள்ள பிரச்சனை

உங்களுக்கு நீரிழிவு நோய் இருந்தால், இதய ஆரோக்கியத்தை கவனமாக பராமரிக்க வேண்டும். ஏனெனில், நீரிழிவு நோய் இதயத்தை தீவிரமாக பாதிக்கிறது மற்றும் பலருக்கு இது தெரியாது. உங்கள் இரத்த சர்க்கரை அளவு சீரற்றதாக இருந்தால், உங்கள் இதயத்தையும் கவனித்துக்கொள்வது அவசியம். உங்கள் இதய பரிசோதனைகளைத் தவிர்க்க வேண்டாம்.

அதிகப்படியான இரத்த சர்க்கரை இரத்த நாளங்களை சேதப்படுத்துகிறது. இது மாரடைப்பு அல்லது இதய நோய் பிரச்சனையை ஏற்படுத்தலாம். வளர்சிதை மாற்றக் கோளாறின் குடும்ப வரலாற்றைக் கொண்டிருப்பது போன்ற அதிக ஆபத்துள்ள பிரச்சனைகள் உங்களுக்கு இருந்தால், உங்கள் இதயத்தை தவறாமல் பரிசோதனை செய்ய வேண்டும்.

இருதய மருத்துவரிடம் செல்லுங்கள்

உங்கள் வழக்கமான மருத்துவர் உங்களை இருதய மருத்துவரிடம் செல்ல பரிந்துரைத்திருந்தால், அதை அலட்சியப்படுத்தாதீர்கள். பல ஆண்டுகளாக உங்களுக்கு சிகிச்சை அளித்து வரும் ஒரு மருத்துவர் சிவப்புக் கொடிகளைக் கவனிக்கலாம். மேலும் அவர்கள் ஒரு மருத்துவரைப் பார்க்குமாறு பரிந்துரைத்தால், உடனே போய் பார்க்க வேண்டும். இந்த அறிகுறிகள் புறக்கணிக்கப்பட்டால், சாத்தியமான சிக்கல் தொடங்கும் என்று அர்த்தம்.

அடிக்கடி மூச்சுத் திணறல் ஏற்படுவது

அடிக்கடி உங்களுக்கு மூச்சுத் திணறல் ஏற்பட்டால், அலட்சியமாக இல்லாமல் உடனே மருத்துவரை அணுகி பரிசோதனை மேற்கொள்ள வேண்டும். இதயத்துடன் தொடர்புடைய சுவாசப் பிரச்சனைகள் பெரும்பாலும் வீட்டு வேலைகளைச் செய்வது மற்றும் படிக்கட்டுகளில் செல்வது போன்ற குறைந்த உடல் செயல்பாடுகளால் தூண்டப்படுகிறது.

அடிக்கடி நெஞ்சு வலி ஏற்படும்

மார்பு வலி என்பது உங்கள் இதயத்திற்கு முன்பை விட அதிக கவனம் தேவை என்பதற்கான முக்கியமான அறிகுறியாகும். திரும்பத் திரும்ப வரும் நெஞ்சுவலிகளை அலட்சியப்படுத்தாதீர்கள். நீங்கள் சாதாரணமானது என்று புறக்கணிக்கும் அறிகுறிகள், உங்கள் உயிருக்கே ஆபத்தை ஏற்படுத்தலாம்.

அதிக கொலஸ்ட்ரால் அளவு

பொதுவாக அதிக கொலஸ்ட்ரால் பிரச்சனை உள்ளவர்களுக்கு மாரடைப்பு ஏற்படும் அபாயம் அதிகம் உள்ளது. அந்த வகையில் உங்கள் கொலஸ்ட்ரால் அளவு அதிகரிக்க தொடங்கினால், இதயத்தில் சாத்தியமான விளைவுகளை ஏற்படுத்தலாம். உங்கள் கொலஸ்ட்ரால் அளவு இயல்பை விட அதிகமாக இருப்பதைக் கண்டறியும் நாளில், வழக்கமான அடிப்படையில் இதயப் பரிசோதனைகளை மேற்கொள்ளுங்கள்.

உட்கார்ந்த வாழ்க்கை முறை

இது உங்களுக்கு ஆச்சரியமாக இருக்கலாம், ஆனால் அதிக நேரம் உட்கார்ந்திருப்பது மற்றும் உடல்செயல்பாடு இல்லாமல் இருப்பது உங்களை உடல் ரீதியாக செயலிழக்கச் செய்கிறது மற்றும் அது இதயத்திற்கு தீங்கு விளைவிக்கும்.

நீங்கள் ஒரு செயலற்ற அல்லது உட்க்கார்ந்தவாழ்க்கை முறையைக் கொண்டிருந்தால், இதயப் பரிசோதனையை தவறாமல் செய்துகொள்ளுங்கள். உங்கள் தினசரி பழக்கவழக்கத்தில் ஒரு நிலையான உடற்பயிற்சி திட்டத்தைச் சேர்க்க முயற்சி செய்யுங்கள்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.