இந்திய சினிமாவின் பிறப்பிடம் என்று அழைக்கப்படும் நகரம் எது? இந்திய சினிமாவின் தந்தை யார் தெரியுமா?

இந்திய சினிமா உலகளவில் மிகவும் புகழ்பெற்ற ஒரு சினிமாவாகும். ஒவ்வொரு ஆண்டும் ஆயிரக்கணக்கான சினிமாக்கள் இந்தியாவின் அனைத்து மொழிகளிலும் வெளிவருகிறது. பாலிவுட், கோலிவுட், டோலிவுட் என ஒவ்வொரு மாநிலமும் தங்களுக்கென தனி சினிமாத்துறையைக் கொண்டுள்ளது. ஆனால் இந்தியாவின் ஒட்டுமொத்த சினிமா தலைநகரமாகவும், இந்திய சினிமாவின் பிறப்பிடம் என்றும் அழைக்கப்படும் ஒரு நகரம் எதுவென்று தெரியுமா? இந்திய சினிமாவின் வரலாறு இந்த நகரத்திலிருந்துதான் தொடங்கியது. அது எந்த நகரம், அது ஏன் சினிமாவின் பிறப்பிடம் என்று அழைக்கப்படுகிறது என்று இந்த பதிவில் தெரிந்து கொள்ளலாம்.

இந்திய சினிமாவின் பிறப்பிடம்

மும்பை இந்தியாவின் மிகவும் முக்கியமான நகரங்களில் ஒன்றாகும். இது 'கனவுகளின் நகரம்', 'இந்தியாவின் நிதித் தலைநகரம்' மற்றும் 'பாலிவுட்டின் இதயம்' எனப் பல பெயர்களால் அழைக்கப்படுகிறது. இந்தியத் திரைப்பட வரலாற்றில் மும்பைக்கு ஒரு சிறப்பான பங்கு உள்ளது. தாதாசாகேப் பால்கே இயக்கிய 'ராஜா ஹரிச்சந்திரா' திரைப்படம், இந்தியாவின் முதல் முழுநீளத் திரைப்படமாக 1913-ஆம் ஆண்டு வெளியானது. அதனால்தான் மும்பை இந்திய சினிமாவின் பிறப்பிடமாகக் கருதப்படுகிறது. இந்திய சினிமாவின் ஆரம்பகால வளர்ச்சிக்கு மும்பை பெயர் பெற்றது. தாதாசாகேப் பால்கே இந்த நகரத்தில்தான் 'ராஜா ஹரிச்சந்திரா' திரைப்படத்தைத் தயாரித்தார். இப்படம் 1913-ஆம் ஆண்டு மே 3-ஆம் தேதி வெளியிடப்பட்டது.

மும்பை ஏன் கனவுகளின் நகரம் என்று அழைக்கப்படுகிறது?

மும்பை 'கனவுகளின் நகரம்' என்று பிரபலமாக அழைக்கப்படுகிறது. ஏனெனில், இந்தியாவின் பல்வேறு மாநிலங்களிலிருந்து மக்கள் தங்கள் லட்சியங்களை அடைய இந்த நகரத்திற்கு வருகிறார்கள். ஆயிரக்கணக்கான ஆர்வமுள்ள நடிகர்கள், பாடகர்கள், இயக்குநர்கள், எழுத்தாளர்கள் மற்றும் பிற துறை கலைஞர்கள், தங்கள் தொழில் வாழ்க்கையை உருவாக்கிக்கொள்ள நம்பிக்கையுடன் மும்பைக்கு வருகின்றனர்.

மும்பையும், பாலிவுட்டும்

பாலிவுட் என்று அழைக்கப்படும் இந்தி மொழித் திரைப்படத் துறையின் முக்கியத் தயாரிப்பு மையமாக மும்பை விளங்குகிறது. மும்பையில் பல திரைப்பட ஸ்டுடியோக்கள், தயாரிப்பு நிறுவனங்கள் மற்றும் நடிகர் தேர்வு மையங்கள் உள்ளன. பல நடிகர்கள், இயக்குநர்கள், திரைக்கதை எழுத்தாளர்கள் மற்றும் பிற திரைப்படத் துறை வல்லுநர்கள் மும்பையில் வசித்து, பணிபுரிகின்றனர். கோரேகானில் அமைந்துள்ள மும்பை ஃபிலிம் சிட்டி, திரைப்படம் மற்றும் தொலைக்காட்சி படப்பிடிப்புகளுக்கான வசதிகளை வழங்குகிறது. இந்த வளாகம் 1977-ல் நிறுவப்பட்டு, 2001-ல் தாதாசாகேப் பால்கே சித்ரநகரி எனப் பெயர் மாற்றப்பட்டது.

இந்திய சினிமாவின் தந்தை என்று அழைக்கப்படுபவர் யார்?

தாதாசாகேப் பால்கே இந்திய சினிமாவின் தந்தை என்று அழைக்கப்படுகிறார். அவரது முழு பெயர் துண்டிராஜ் கோவிந்த் பால்கே ஆகும். இந்தியாவின் முதல் முழு நீளத் திரைப்படமான 'ராஜா ஹரிச்சந்திரா'வை அவரே தயாரித்து இயக்கிருந்தார்.

இந்தியாவின் நிதித் தலைநகரம்

மும்பை இந்தியாவின் நிதித் தலைநகராகவும் சிறப்பு பெற்றுள்ளது. இங்கு பம்பாய் பங்குச் சந்தை (Bombay Stock Exchange) மற்றும் தேசிய பங்குச் சந்தை (National Stock Exchange) ஆகியவை அமைந்துள்ளன. மேலும், இந்த நகரத்தில் முக்கிய வங்கிகள், நிதி நிறுவனங்கள், பெருநிறுவன அலுவலகங்கள் மற்றும் முதலீட்டு நிறுவனங்கள் இயங்குகின்றன. இந்திய ரிசர்வ் வங்கியின் தலைமை அலுவலகமும் மும்பையில்தான் உள்ளது.

பாம்பே என்ற பெயர் எப்படி வந்தது?

மும்பை கடந்த காலங்களில் 'பாம்பே' என்று அழைக்கப்பட்டது. இந்தியாவின் மேற்கு கடற்கரையோரத்தில் இருந்த ஏழு தீவுகளின் தொகுப்பிலிருந்து இந்த நகரம் உருவாக்கப்பட்டது. போர்த்துகீசிய ஆட்சிக் காலத்தில், வரலாற்று ஆவணங்களில் 'பாம்பைம்' (Bombaim) என்ற பெயர் இடம்பெற்றது. இதை சுருக்கி பிற்காலத்தில் ஆங்கிலேயர்கள் 'பாம்பே' என்ற பெயரைப் பயன்படுத்தினர். 1995-ஆம் ஆண்டில், இந்த நகரத்திற்கு அதிகாரப்பூர்வமாக 'மும்பை' என்று பெயர் மாற்றப்பட்டது.

ஏழு தீவுகளின் நகரம்

அரபிக்கடலோரத்தில் இருந்த ஏழு தீவுகளின் தொகுப்பாகவே மும்பை உருவானது. மும்பையின் உருவாக்கத்துடன் தொடர்புடைய அந்த ஏழு தீவுகள்: என்னவெனில், பாம்பே, கொலாபா, ஓல்ட் வுமன்ஸ் ஐலேண்ட் (Old Woman's Island), மாஹிம், மசகான், பரேல் மற்றும் வொர்லி ஆகும்.