உங்கள் சிறு நீரகத்தை பத்திரப்படுத்த இதெல்லாம் செய்யுங்க!!

தூக்கம்?

5 மணி நேரம் அல்லது அதற்கும் குறைவான தூக்கம் சிறு நீரக நோயைத் தரும் என சமீபத்தில் போஸ்டனில் நடைபெற்ற ஆய்வில் தெரிய வந்துள்ளது. நல்ல ஆழ்ந்த தூக்கம் உங்கள் மொத்த ஆரோக்கியத்திற்கும் கியாரண்டி.

நீர் ?

ஒரே சமயத்தில் மிக அதிக நீர் குடித்தாலும் சிறு நீரகத்திற்கு அயர்ச்சியை தரும். அதே சமயம் குறைவான நீரும் சிறு நீரகத்தில் கழிவுகளை அதிகம் சேர்க்கும். ஆகவே அவ்வப்போது நீரை குடித்துக் கொண்டேயிருப்பது மிக நல்லது.

நடமாடிக் கொண்டிருத்தல் :

ஒரே இடத்தில் அமராமல் ஓடியாடிக் கொண்டிருந்தால் உங்கள் ரத்த ஓட்டம் சீராக இருக்கும்.ஏனென்றால் ரத்தம் நாள்முழுவதும் சீரு நீரகத்தில் பாய்ந்து கொண்டேயிருக்கும். ரத்த அழுத்தம் அதிகமாகும் போது அது சிறு நீரகத்தின் செயல்களையும் பாதிப்பதால் நோய்கள் உருவாகும். ஆகவே உயர் ரத்த அழுத்தம் ஏற்படாமல் பார்த்துக் கொள்ளுங்கள்.

ஃப்ரெண்ட்லி உணவுகள் :

எல்லா பெர்ரி வகை பழங்களும் உங்கள் சிறு நீரகத்திற்கு மிகவும் உகந்தது. ஆப்பிள், பசலைக் கீரை பூண்டு, பீட்ரூட், கேரட், மாதுளை, ஆகியவை சிறு நீரகத்திற்கு ஏற்றது.

பெண்களுக்கு 50 வயதிற்கு பின் ஈஸ்ட்ரோஜன் சுரக்கத் தூண்டும் பேரிச்சம் பழம், தக்காளி, செர்ரி, கேரட் ஆகியவற்றை கட்டாயம் உணவில் சேருங்கள்.