திடீரென்று இதயம் வேகமாக துடிக்கிறதா? அது எதனால் தெரியுமா?

டாக்கி கார்டியா

டாக்கி கார்டியா என்பது வேகமான அல்லது அசாதாரண இதய துடிப்பு. பெரும்பாலும் நிமிடத்திற்கு 100 முறைக்கு மேல் மற்றும் அதிகமாக நிமிடத்திற்கு 400 முறைக்கு மேல் இதயம் துடிக்கும். இப்படி இதயத் துடிப்பில் ஏற்படும் ஏற்றத்தாழ்வால், இதயத்தால் உடலுக்கு சரியாக ஆக்ஸிஜன் நிறைந்த இரத்தத்தை அனுப்ப முடியாமல் போகும். இதில் பல வகைகள் உள்ளன.

வகைகள்

* சுப்ரா வெண்ட்ரிகுலர் டாக்கி கார்டியா - இதயத்தின் கீழ் அறைகளுக்கு மேல் அதிகரிக்கும் இதய துடிப்பு

* வெண்ட்ரிகுலர் டாக்கி கார்டியா - வென்ட்ரிகுலர் டாக்கி கார்டியா என்பது விரைவான இதயத் துடிப்பு ஆகும். இது இதயத்தின் கீழ் அறைகளில் அசாதாரண மின் சமிக்ஞைகளுடன் உருவாகிறது.

* ஆட்ரியல் ஃபைப்ரிலேஷன் - இதயத்தின் மேல் அறைகளில் வேகமான துடிப்பு

* ஆட்ரியல் ஃப்ளட்டர் - ஆட்ரியா அல்லது இதய ஊற்றறை அதிவேகத்தில் மிக சீராக துடிப்பது

* வென்ட்ரிகுலர் ஃபைப்ரிலேஷன் - இதயத்தின் கீழ் அறையில் விரைவான மற்றும் ஒழுங்கற்ற முறையில் ஏற்படும் துடிப்பு

யாருக்கு இப்பிரச்சனை வரக்கூடும்?

* இதயம் சம்பந்தப்பட்ட பிரச்சனைகளுள் ஒன்றான உயர் இரத்த அழுத்தம் உள்ளவர்கள்.

* பெருந்தமனி தடிப்பு, இதய வால்வு நோய், இதய செயலிழப்பு, இதய தசை நோய், கட்டிகள் அல்லது நோய்த்தொற்றுகள் காரணமாக இதய தசைக்கு மோசமான இரத்த வழங்கல் இருப்பவர்கள்.

* இதர மருத்துவ நிலைகளான தைராய்டு நோய், குறிப்பிட்ட நுரையீரல் நோய்கள், எலக்ட்ரோலைட் ஏற்றத்தாழ்வு மற்றும் மது அல்லது போதைப் பழக்கம் உள்ளவர்கள்.

* மன அழுத்தம் அல்லது அளவுக்கு அதிகமாக மது அருந்துவது அல்லது காப்ஃபைன் பானங்களை அருந்துபவர்கள்.

அறிகுறிகள்

டாக்கி கார்டியா பிரச்சனை இருந்தால் வெளிப்படும் அறிகுறிகளாவன:

* மூச்சு விடுவதில் சிரமம்

* தலைச்சுற்றல்

* திடீர் பலவீனம்

* மார்பு பகுதியில் படபடப்பு

* லேசான தலைவலி

* மயக்கம்

அபாய காரணிகள்

குறிப்பிட்ட சில ஆரோக்கிய பிரச்சனைகள் டாக்கி கார்டியாவை உருவாக்கும் அபாயத்தை அதிகரிக்கும். அவையாவன:

* கரோனரி இதய நோய் அல்லது பெருந்தமனி தடிப்பு

* இதய செயலிழப்பு

* மாரடைப்பு

* பிறவியிலேயே இதய குறைபாடுகள்

* இதய தசையில் அழற்சி அல்லது இதய நிலையில் சீரழிவு

* நாள்பட்ட நுரையீரல் நோய்