கொரோனாவால் ஆண்களை அதிகம் பாதிக்கும் ஹார்ட் அட்டாக் - இன்னும் என்னென்ன பாதிப்பு வரும்?

குரோமோசோம் எண்ணிக்கை

ஆண்களின் குரோமோசோம்களில் எக்ஸ் ஒய் (XY) என இரண்டு வகை குரோமோசோம்கள் உள்ளன. பெண்களுக்கு எக்ஸ் எக்ஸ் ( XX) என ஒரே வகையான குரோமோசோம்கள் உள்ளன. ஆண்களை விட பெண்களுக்கு மனதளவிலும் உடலளவிலும் பலம் அதிகம். நோய் எதிர்ப்பு சக்தியும் அதிகம். இதனால்தான் பெண்களை விட ஆண்களை அதிக நோய்கள் தாக்குகின்றன. பெண்களை விட ஆண்களுக்கு மன அழுத்தம் அதிகம். இதனாலேயே கோபம் வருகிறது. ரத்த அழுத்தம் அதிகரிக்கிறது.

அழுவது நல்லது

ஆண்கள் அதிக டென்சனாக இருப்பதோடு ஏதாவது பிரச்சினை என்றால் அழுவதை கூட தவிர்த்து விடுகின்றனர். பிரச்சினை என்றால் அழுது தீர்த்து விடுவது நல்லது என்கின்றனர் மன நல மருத்துவாகள். இப்போது தனித்திருக்கும் பலரும் நோய் பயத்துடனேயே இருக்கின்றனர். இதனால் மன தைரியம் பாதிக்கப்படுகிறது. கோவிலுக்கு போக முடியாவிட்டாலும் தியானம், யோகா என வீட்டிலேயே உற்சாகமாக பொழுதை போக்கலாம் மன அழுத்தம் குறைவதோடு ரத்த அழுத்தமும் குறையும் என்கின்றனர் மருத்துவர்கள்.

ஹார்ட் அட்டாக்

குரோமோசோம் மட்டுமல்லாது பெண்களுக்கு இயற்கையான பாதுகாப்பாக உடலில் சுரக்கும் ஹார்மோன்கள் உள்ளன. கொரோனோ வைரஸ் தாக்கி உயிரிழந்தவர்கள் பலருக்கும் நுரையீரல் பாதிப்பு மட்டும் இல்லாது ஹார்ட் அட்டாக் ஏற்பட்டு மரணமடைந்துள்ளனர். ரத்த அழுத்த நோய், நீரிழிவு நோய் உள்ளவர்கள்தான் கொரோனோ வைரஸ் தொற்று பாதிப்புக்கு ஆளாகின்றனர்.

இயற்கை பாதுகாப்பு

பெண்களை விட ஆண்களுக்கே அதிக அளவில் ஹார்ட் அட்டாக் வருகிறது. இதற்கு காரணம் பெண்களுக்கு சுரக்கும் ஈஸ்ட்ரோஜென் என்ற ஹார்மோன்தானாம். இது ரத்தக்குழாய்களில் கொழுப்பு சேருவதை தடுக்கிறதாம். அதேபோல பெண்கள் வீட்டிற்குள்ளேயே பாதுகாப்பாக இருக்கின்றனர். அவர்களுக்கு நோய் தொற்று ஏற்படுவதற்கான வாய்ப்பும் குறைவு எனவே பெண்கள் கொரோனா வைரஸை பார்த்து கோ கொரோனா என்று தைரியமாக சொல்லலாம்.

சத்தான உணவுகள்

நுரையீரல் பாதுகாப்புக்கு துளசி கசாயம் சாப்பிடலாம் சுவாச பிரச்சினைகள் வராது. அதே போல இஞ்சி பூண்டு அதிகம் சேர்த்த உணவுகளை சேர்த்துக்கொள்ள வேண்டும். வைட்டமின் டி சத்துக்களை அதிகரிக்கும் உணவுகளை சாப்பிடலாம். இயற்கையாக கிடைக்கும் சூரிய ஒளியில் நாம் சிறிது நேரம் நிற்கலாம். ஊரடங்கு அமலில் உள்ள இந்த கால கட்டத்தில் அமைதியாக வீட்டிற்குள் இருந்தாலே போதும் நோய்கள் தாக்காது.