உருளைக்கிழங்கில் சாப்பிடுவது உண்மையில் ஆரோக்கியமானதுதானா ?

உடல் பருமன்

ஆரோக்கியமான வாழ்வை வாழ விரும்பினால் அதற்கு எடையை சீராக பராமரிக்க வேண்டியது அவசியம். ஒருவேளை நீங்கள் எடை குறைவாக இருந்தால் தாராளமாக உணவில் உருளைக்கிழங்கை சேர்த்துக்கொள்ளலாம். ஏனெனில் இதில் அதிகளவு கார்போஹைட்ரேட் உள்ளது. எடை அதிகமாக இருப்பவர்கள் அதிக உருளைக்கிழங்கு சாப்பிடும்போது அது பல ஆரோக்கிய கேடுகளை உண்டாக்கும். இது கலோரிகளை உடனடியாக அதிகரிக்க செய்வதால் உங்கள் எடை வேகமாக அதிகரிக்கும். இதனை சரியான நேரத்தில் குறைக்கவில்லை என்றால் இதயக்கோளாறுகள், மனஅழுத்தம் போன்றவை ஏற்பட வாய்ப்புகள் உள்ளது.

செரிமானத்திற்கு ஏற்றதல்ல

தொடர்ச்சியாக உணவில் சிறிது உருளைக்கிழங்கு சேர்த்துக்கொள்வது நன்மைதான். அதற்கு காரணம் அதில் இருக்கும் நார்ச்சத்துக்கள். இதிலுள்ள நார்ச்சத்துக்கள் குடல் இயக்கங்களை சீராக்குவதோடு உடலில் உள்ள நச்சுப்பொருட்களை வெளியேற்றவும் உதவும். ஆனால் அதிகளவு நார்ச்சத்துக்கள் செரிமான மண்டலத்திற்கு ஏற்றதல்ல. இதனால் அடிவயிற்றில் வலி, வயிற்றுப்போக்கு, மலச்சிக்கல், வாயுக்கோளாறு போன்றவை ஏற்படும்.

ஹைபோடென்ஸன்

உருளைக்கிழங்கில் உள்ள பொட்டாசியம் உங்கள் இரத்த அழுத்தத்தை குறைக்க பயன்படுகிறது. ஆனால் இரத்தத்தில் அதிகளவு பொட்டசியம் சேர்வது இரத்த அழுத்தத்தை மிகக்குறைந்த அளவிற்கு குறைப்பதோடு ஹைப்போடென்ஸன் ஏற்படும் வாய்ப்பையும் அதிகரிக்கிறது.ஹைப்போடென்ஸன் என்பது உடலில் இரத்த அழுத்தத்தின் அளவு மிகவும் குறைவதாகும். இதனால் சோர்வு, மயக்கம், பார்வைக்கோளாறு, மனஅழுத்தம் போன்றவை ஏற்படும்.

அதிக ஆக்சிஜனேற்றிகள் ஆபத்தானது

உருளைக்கிழங்கில் அதிகளவு ஆக்சிஜனேற்றிகள் உள்ளது. பொதுவாகவே ஆக்சிஜனேற்றிகள் உடலுக்கு நன்மைதர கூடியதுதான். ஆனால் உடலில் அதிகளவு ஆக்சிஜனேற்றிகள் உங்களுக்கு புற்றுநோயை ஏற்படுத்த வாய்ப்புள்ளது. குறிப்பாக கல்லீரல் புற்றுநோய் ஏற்படும் வாய்ப்புகள் அதிகம்.

சர்க்கரை நோயாளிகளுக்கு ஏற்றதல்ல

சர்க்கரை நோய் உள்ளவர்களும் சரக்கரை நோய் வர வாய்ப்புகள் உள்ளவர்களும் உருளைக்கிழங்கை சாப்பிடாமல் இருப்பது நல்லது. உருளைக்கிழங்கில் அதிகளவு கார்போஹைட்ரேட் உள்ளதால் அது இரத்தத்தில் குளுக்கோஸ் மற்றும் சர்க்கரை அளவை அதிகரிக்கிறது. எனவே நீங்கள் சரக்கரை நோயாளிகளாக இருந்தால் உருளைக்கிழங்கை குறைவான அளவில் சாப்பிடவும்.

சில மருந்துகள்

உருளைக்கிழங்கில் பல சத்துக்கள் உள்ளது. இது நமக்கு எண்ணற்ற ஆரோக்கிய நன்மைகளை வழங்குகிறது. ஆனால் சில மருந்துகள் எடுத்துக்கொள்பவர்கள் உருளைக்கிழங்கு சாப்பிடுவதை தவிர்ப்பது நல்லது. இரத்த அழுத்தத்திற்காக மருந்துகள் எடுத்து கொள்பவர்கள் உருளைக்கிழங்கை அதிகம் சாப்பிடும்போது உங்கள் இரத்த அழுத்தம் மிகவும் குறைய வாய்ப்புள்ளது. அதேபோல சர்க்கரை நோய்க்காக மருந்துகள் எடுத்துக்கொள்பவர்களும் உருளைக்கிழங்கை தவிர்ப்பது நல்லது.

கர்ப்பகாலத்தில்

கர்ப்பகாலத்தில் பெண்கள் தாங்கள் சாப்பிடும் உணவுகள் மற்றும் நீர்ம உணவுகள் ஆகியவற்றில் கவனமாக இருக்க வேண்டியது அவசியம். ஏனெனில் கர்ப்பகாலத்தில் சாப்பிடும் உணவுகள் அவர்களை மட்டுமின்றி கருவில் உள்ள குழந்தைகளையும் பாதிக்கும். உருளைக்கிழங்கில் உள்ள நச்சு பொருள்களான ஆல்பா-சக்கோனின் மற்றும் ஆல்ஃபா-சோலனைன் போன்றவை குழந்தை மற்றும் தாய் இருவரையுமே பாதிக்கக்கூடியவை.

கொழுப்புகள்

உருளைக்கிழங்கில் கொழுப்புகள் அறவே இல்லை. உருளைக்கிழங்கில் இருக்கும் கொழுப்புகள் அனைத்தும் அவை சமைக்கபடும் எண்ணெயில் இருந்துதான் வருகிறது. இவை இதய ஆரோக்கியத்திற்கு அச்சுறுத்தலாக உள்ளது.