உடல் சோர்வா? மன அழுத்தம் குறையனுமா? இந்த உணவுகளை சாப்பிடுங்க!!

தர்பூசணி :

பூசணி வகை உணவுகளான தர்பூசணி, முழாம்பழம், பூசணிக்காய் போன்ற நீர்சத்து மிகுந்த உணவுகளை சாப்பிடும்போதுன் உடனடியாக மன அழுத்தம் குறையும்.

பால் :

மன அழுத்தம் உண்டாவதால் நரம்புகள் பாதிப்படைந்து இன்னும் இறுக்கத்தை உண்டாக்குகிறது. இதனால் மன அழுத்தம் தீவிரப்படும். அந்த சமயத்தில் வெதுவெதுப்பான பால் குடிப்பதால் நரம்பு மண்டலம் தளர்வ்டையும். மேலும் மன அழுத்தம் குறையும்.

ஓட்ஸ் :

உங்கள் உடல் சோர்வாக இருக்கும்போது ஓட்ஸ் சாப்பிடுவதால் அயர்ச்சியிலிருந்து விலக முடியும். ஓட்ஸில் நல்ல தரமான கார்போஹைட்ரேட் இருகிறது. க்ளைகோஜனாக அது சேமிக்கப்படுவதால் தசைகளுக்கு சக்தியை அளிக்கிறது. இதனால் உடல் சோர்வு மறையும்.

பீன்ஸ் :

பீன்ஸில் அதிக மெக்னீசியம் இருக்கிறது. அது மூளையில் உள்ள அயனிகளை சமன்படுத்துவதால் மூளை அமைதி பெறும். மன அழுத்தம், சோர்வு குறையும். ஆகவே மெக்னீசியம் அதிகமுள்ள உணவுகளை தேடி சாப்பிடுங்கள்.

சர்க்கரை வள்ளி கிழங்கு :

சர்க்கரை வள்ளிக் கிழங்கு அதிக ரத்த அழுத்தத்தை குறைக்கும். நரம்பு மண்டலத்தை சீராக்கும். அமைதியை தரும். உடலில் நீர்ச்சத்தை இழக்காமல் காக்கும். இதனால் உடல் சோர்வு தடுக்க முடியும்.

நட்ஸ் :

நட்ஸ் மிகச் சிறந்த ஊக்கியாக விளங்குகிறது. மனம் உடல் சோர்வுகளை போக்கும். மன அழுத்தத்தை குறைக்கும். வறுத்த கடலை, பிஸ்தா போன்றவை இழந்த அயனிகளை மீட்கச் செய்யும். நரம்பு மண்டலம் வலிமை பெறும். உடல் பலம் பெறும்.

மஷ்ரூம் :

மஷ்ரூமில் அதிக பி6, நியாசின், போன்றவை அதிகம் உள்ளன. உடலுக்கு சக்தி தர விட்டமின் பி தேவை. இந்த விட்டமினை அதிகம் கொண்ட மஶ்ரூம் சாப்பிடுவதால் உடல் சோர்வை உடனடியாக போக்க முடியும்.