அது என்ன எரி எண்ணெய் சாதம் ? கேள்விப்பட்டிருக்கீங்களா? உங்களை வியக்க வைக்கும் பலன்கள்!!

எரி எண்ணெய் சாதம் :

இந்த எரி எண்ணைசாதம் என்ற மிக எளிய ஆனால், மிக அதிக பலன்கள் தரக்கூடிய உணவை எப்படி சமைப்பது, என்று பார்ப்போம், வழக்கம்போல வீட்டுக்கு சமைக்கும் சாதத்திற்கு தேவையான அளவைவிட, ஒரு அரை டம்ளர் அளவு கூட அரிசி இட்டு, சாதம் வடியுங்கள்.

வாழை இலை :

நுனி வாழை இலை நன்கு அலசி எடுத்து, அதில் வடித்த சாதத்தில் ஒரு சிறு அளவு, இலையின் நடுவில் குவித்து வைத்துவிடுங்கள்.

காய்ந்த சிகப்பு மிளகாய் மூன்று எடுத்து, சாதத்தின் மேல் செருகி வையுங்கள். ஆலக்கரண்டி அல்லது நல்ல அழமுள்ள பெரிய கரண்டியில் நல்லெண்ணையை விட்டு அடுப்பில், நன்கு கொதிக்க வையுங்கள், எந்த அளவு கொதிக்க வேண்டும் என்றால், எண்ணை நன்கு காய்ந்து எண்ணையின் மேற்பரப்பில், தீ ஜுவாலை வரும் அளவிற்கு.

தீ ஜுவாலை :

பிறகு உணவை வெறுக்கும் குழந்தை மற்றும் வீட்டில் உள்ள குழந்தைகள் அனைவரையும், மிளகாய் செருகி வைத்திருக்கும் சாத இலைக்கு எதிர்புறம் அமரவைத்து, தீ ஜூவாலையுடன் உள்ள இந்த எண்ணையை, சற்றே கவனமுடன் மிளகாய்களின் மேல் ஊற்றுங்கள்.

அப்போது, படபடவென ஒரு சத்தத்துடன் தீ ஜுவாலை, மிளகாய் மேல் பட்ட எண்ணைக் காரணமாக, மேலே எழும்பிச்செல்லும். அந்த ஜூவாலையை குழந்தைகள் அவசியம் பார்க்க வேண்டும்.

ஒரு பிடி சாதம் :

அந்த சாதத்தை சற்றே சூடு ஆறியபின், சிறிது உப்பிட்டு, மிளகாய்களுடன் நன்கு பிசைந்து, ஒரு கவளம் [ ஒரு பிடி ] சாதத்தை, நாய்க்கு வைக்கவேண்டும், நன்கு கவனியுங்கள், இந்த உணவு, முதலில் நாய்க்கு மட்டும்தான், அதற்குபிறகே, வீட்டில் உள்ள குழந்தைகள் மற்றும் பெரியவர்களும் ஆளுக்கு ஓரிரு முறை, சிறிது சாப்பிட்டாலே போதும். சற்றுநேரம் கழித்து, வழக்கமான உணவை சாப்பிடலாம். இந்த எரி எண்ணை சாதத்தால் உண்டாகும் உடனடிப் பலன்களைப் பார்ப்போமா?

எரி எண்ணெய் சாதத்தின் பலன் :

அதிகம் நொறுக்குத்தீனி சாப்பிட்டு, பசியின்றி, சாப்பாட்டை வெறுத்து மறுக்கும், எவ்வளவு வற்புறுத்தி சாப்பிட வைத்தாலும், சாப்பிட மாட்டார்கள், அந்தக்குழந்தைகளுக்கு உணவின்மேல் நாட்டம் வர வைக்கவே, இந்த எரி எண்ணை சாதம். இதனை பெரியவர்களும் சாப்பிடலாம்.

பசியின்மை :

இந்த சாதத்தை அனைவரும் சாப்பிட, அதன் சுவையை அறியலாம். நல்ல மணத்துடன் அற்புத சுவை கொண்டது, எனவே, குழந்தைகள் சாப்பிட்டுவிடுவர், இந்த சாப்பாடு, அவர்களுக்கு ஜீரண உறுப்புகளை சரிசெய்து, பசியை உண்டாக்கும், அதன்பின்னால், அவர்களாகவே, பசிக்குது, சாப்பாடு கொடுங்கள் என்பர்.

எளிய வீட்டு வைத்தியத்தில் குணமாகும் குழந்தைகளின் பசியின்மை பிரச்னைக்கு, இந்த சாதத்தை ஒரு முறை செய்து கொடுத்தால் போதும், தேவைப்பட்டால், சில மாதங்கள் கழித்து மீண்டும் கொடுக்கலாம்.