நீங்கள் அதிக அளவு விட்டமின் ஏ எடுத்துக் கொண்டால் உண்டாகும் பாதிப்புகள் பற்றி தெரியுமா?

கரோடினீமியா :

பொதுவாக காய்கறிகளில் இருக்கும் பீட்டா கரோடின் நமது உடலில் சென்ற பிறகு விட்டமின் ஏ வாக மாறுகிறது.

அளவுக்கு அதிகமாக இந்த கரோடின் சப்ளிமென்ட்ரி சாப்பிடும்போது கரோடினீமிய என்ற பிரச்சனை உண்டாகிறது. இதனால் உள்ளங்கைகள் மஞ்சளாக மாறுவது இதன் அறிகுறிகளில் ஒன்று.

அதேபோல் தொடர்ச்சியாக கரோடின் மாத்திரை சாப்பிடும்போது அது புற்று நோய் தாக்கும் ஆபத்துக்களையும் தருகிறது என விஞ்ஞானிகள் கூறுகின்றனர்.

தலைவலி :

அதிக அளவு விட்டமின் ஏ சாப்பிடும்போது உண்டாகும் ரத்த அழுத்தத்தால் , நரம்புகள் பாதிப்புள்ளாகி தலைவலியை தருகிறது. தொடர்ச்சியான தலைவலி,கண் வறட்சி, ஆகியவை உண்டாகும்.

சரும அலர்ஜி :

அரிப்பு தடிப்பு போன்ற சரும அலர்ஜிகள் உண்டாகும். சருமம் அதிகமாக வறண்டு போகும். உதடுகளில் வெடிப்பு ஏற்படும். சருமம் மிருதுத்தன்மை இழந்து கரடுமுரடாக காணப்படும்.

எலும்புகள் பலவீனம் :

ஹைபரோஸ்டோஸிஸ், அர்த்ரால்ஜியா போன்ற எலும்பு சம்பந்தப் பட்ட நோய்கள் உண்டாகும்.

மிக அதிகமான விட்டமின் ஏ கால்சியம் எலும்புகளில் சேரப்படுவதை தடுக்கிறது. இதனால் எலும்பு பலமிழந்து எளிதில் முறிவுகள் குறிப்பாக குழந்தைகளுக்கு உண்டாகும்.

தைராய்டு பிரச்சனை :

அதிகப்படியான் விட்டமின் ஏ அதிக தைராய்டு சுரப்புதலை தூண்டும். இதனால் உடல் பருமன் அதிகமாகி, பல ஹார்மோன் மாற்றங்கள் உண்டாக்கி உடல் நிலையை பாதிக்கும்.

நரம்பு சம்பந்த நோய்கள் :

அதிப்படியான பதட்டம், நரம்புத் தளர்ச்சி உண்டாகும். அதேபோல் ரெட்டினால் அளவு அதிகரித்து அசாதரண சூழ் நிலையை கண்களில் உண்டாக்கி கண் பார்வையை பாதிக்கச் செய்யும்.

இந்த அறிகுறிகள் தோன்றும்போதே உடலில் விட்டமின் ஏ அளவை குறைத்துக் கொண்டால் 4 வாரங்களில் இந்த அறிகுறி மற்றும் பாதிப்புகள் மெல்ல மறைந்துவிடும்.