அதிக புரத உணவுகள் சாப்பிட்டால் உண்டாகும் பிரச்சனைகள் என்ன தெரியுமா?

வாய் துர்நாற்றம் :

கார்போஹைட்ரேட் உணவு குறைத்து அதிக புரத உணவுகளை எடுத்துக் கொள்ளும்போது , கீட்டோ மெக்கானிசம் உடலில் நடைபெறும்.

அதாவது உடல் சக்திக்காக கொழுப்பை எரிக்க ஆரம்பிக்கும். இந்த வளர்சிதை மாற்றத்தில் கீட்டோன் அதிகமாக உற்பத்தியாகும். இவை வாய் துர் நாற்றத்தை உண்டாக்கும்.

மன உளைச்சல் உண்டாகும் :

நமது மூளை செரடோனின் ஹார்மோனை உற்பத்தி செய்ய கார்போஹைட்ரேட் தேவை. ஆனால் புரத உணவுகளை அதிகம் எடுத்துக் கொள்ளும்போது, செரடோனின் உற்பத்தி குறையும். இதனால் எரிச்சல், கோபம், மன உளைச்சல் உண்டாகும்.

சிறு நீரகத்திற்கு அதிக வேலை :

புரத உணவுகள் அதிக நைட்ரோஜனை உற்பத்தி செய்யும். நீங்கள் அளவோடு எடுப்பதை விட அதிகமாக புரத உணவுகள் சாப்பிடும்போது அவை அதிக நைட்ரோஜனை உண்டாக்கும். இதனால் சிறு நீரகம் இருமடங்கு வேலையை செய்ய வேண்டியதாக இருக்கும்.

ஜீரண மண்டலங்கள் சிரமத்தை மேற்கொள்ளும் :

அதிகமாக பீன்ஸ், பட்டாணி, மற்றும் காய்கறிகளை தினமும் சாப்பிடும்போது, அதிக அமிலம் உருவாகும். இதனால் அசிடிட்டி, வாயு ஆகியவை உண்டாக்கி வயிற்ரு உப்புசம் அஜீரணம் ஆகிய்வற்றை ஏற்படுத்தும்.

உடல் எடை அதிகரிக்கும் :

புரதம் எடுத்துக் கொண்டால் உடல் எடை குறையும் என கேள்விப்படுவீர்கள். ஆனால் அதிக புரத உணவுகள் உடல் எடையை அதிகரிக்கும் என பல ஆய்வுகள் கூறுகின்றன.