தொப்பையை குறைக்க ட்ரை பண்றீங்களா? அப்ப இந்த 2 பொருளையும் ஒன்னா சாப்பிடுங்க...

ஆப்பிள் சீடர் வினிகரின் நன்மைகள்

ஆப்பிள் சீடர் வினிகரில் எடையைக் குறைப்பதற்கு பல ஆரோக்கிய நன்மைகளை அளிப்பதாக ஆராய்ச்சி கூறுகிறது. ஆப்பிள் சீடர் வினிகரில் உள்ள அசிட்டிக் அமிலம், உடலின் மெட்டபாலிசத்தை மேம்படுத்துவதன் மூலமும், கொழுப்புக்களை கரைவதை அதிகரிப்பதன் மூலமும், வயிற்று மற்றும் கல்லீரலில் கொழுப்பு சேமிப்பைக் குறைவ்வான் மூலமும், பசியின்மையை அடக்குவதன் மூலமும், கொழுப்பு இழப்புக்கு உதவுகிறது. அதோடு அசிட்டிக் அமிலம் இன்சுலின் உணர்திறனை மேம்படுத்தவும், இரத்த சர்க்கரை அளவைக் குறைக்கவும்,கொலஸ்ட்ரால் அளவைக் குறைக்கவும், வைரஸை எதிர்த்துப் போராடவும் உதவுகிறது.

பேக்கிங் சோடாவின் நன்மைகள்

அதேப் போல், பேக்கிங் சோடா கொழுப்புக்களை வேகமாக கரைக்க உதவும் பொருளாக கூறப்படுகிறது. சில ஆய்வுகள் பேக்கிங் சோடா அஜீரண கோளாறைத் தடுக்கவும், கொழுப்பு செல்களை உடைத்தெறியவும் உதவி தொப்பையைக் குறைக்க உதவுவதைக் காட்டுகின்றன.

ஆய்வு பரிந்துரைப்பது

1-2 டேபிள் ஸ்பூன் ஆப்பிள் சீடர் வினிகருடன் பேக்கிங் சோடாவைக் கலந்து, உணவு உண்பதற்கு முன் குடிப்பதால் இரத்த சர்க்கரை கட்டுப்பாட்டை மேம்படுத்தலாம், கலோரி அளவைக் குறைக்கலாம் மற்றும் வயிறு நிறைந்த உணர்வை மேம்படுத்தலாம் என்று ஆய்வு கூறுகிறது.

ஊட்டச்சத்து நிபுணர் வனேசா ரிசெட்டோ "இது ஏன் நிகழ்கிறது என்பது இன்னும் உறுதியாகத் தெரியவில்லை. ஆப்பிள் சீடர் வினிகர் சற்று கசப்பாக இருப்பதால், அவை சாப்பிடுவதை குறைக்க வைக்கலாம்" என்று கூறுகிறார்.

எடை குறைக்கும் பானத்தைத் தயாரிப்பது எப்படி?

எடையைக் குறைக்க உதவும் இந்த பானத்தைத் தயாரிப்பது மிகவும் எளிது.

* ஒரு டம்ளரில் 2 ஸ்பூன் ஆர்கானிக் ஆப்பிள் சீடர் வினிகரில், 1 சிட்டிகை பேக்கிங் சோடா சேர்த்து கலந்து கொள்ள வேண்டும்.

* பின் அந்த டம்ளர் முழுவதும் நீரை நிரப்பிக் கொள்ள வேண்டும்.

இந்த பானத்தில் செரிமானத்தை மேம்படுத்தும், பசியுணர்வைக் கட்டுப்படுத்தும் ஊட்டச்சத்துக்கள் மற்றும் நொதிகள் அடங்கியுள்ளதால், இது உடல் எடையைக் குறைக்க உதவுகிறது.

நினைவில் கொள்ள வேண்டியவை

உடல் எடையைக் குறைக்க இந்த பானத்தைக் குடிக்க நினைத்தால், முதலில் உங்கள் மருத்துவரை அணுகி கேட்டுக் கொள்ளுங்கள். குறிப்பாக சர்க்கரை நோய், செரிமான பிரச்சனைகளைக் கொண்டவர்கள் இந்த பானத்தைக் குடிக்கும் முன் மருத்துவரிடம் கேட்க வேண்டியது முக்கியம்.

குறிப்பு

இந்த இயற்கை வழி எடை இழப்புக்கான விரைவான தீர்வு இல்லை. வழக்கமான உடற்பயிற்சியுடன், ஆரோக்கியமான, சீரான உணவை உட்கொள்வது ஒருவரது எடை இழப்பை அடைய மற்றும் பராமரிக்க உதவும் சிறந்த வழியாகும்.