வாரம் 1/2 கிலோ எடையைக் குறைக்கணுமா? அப்ப இந்த டயட்டை ஃபாலோ பண்ணுங்க...

காலை உணவு

வெள்ளரிக்காய்

வெள்ளரிக்காயில் சிறிது கலோரிகளே உள்ளன மற்றும் இது மிகவும் சிறப்பான காலை உணவுப் பொருளும் கூட. எனவே காலை வேளையில் வெள்ளரிக்காயை துண்டுகளாக்கி சாப்பிடுங்கள். இதனால் நீண்ட நேரம் பசி எடுக்காமல் இருக்கும்.

தர்பூசணி

தர்பூசணிப் பழம் உடல் எடையைக் குறைக்க உதவி புரியும். தர்பூசணியை சாப்பிடுவதால், வாரத்திற்கு 1/2 கிலோ உடல் எடையைக் குறைக்கலாம். தர்பூசணியில் வைட்டமின்களும், கனிமச்சத்துக்களும் வளமான அளவில் நிறைந்துள்ளன. இன்னும் சிறப்பான பலன் கிடைக்க, தினமும் காலையில் ஒரு டம்ளர் தர்பூசணி ஜூஸைக் குடியுங்கள். இதனால் கலோரிகளை எடுக்கும் அளவு குறையும்.

ஓட்ஸ்

ஒரே வாரத்தில் உடல் எடையில் மாற்றத்தைக் காண வேண்டுமானால், அதற்கு ஓட்ஸ் உதவி புரியும். ஏனெனில் ஓட்ஸில், குடலியக்கத்தை மேம்படுத்தும் நார்ச்சத்து ஏராளமான அளவில் உள்ளது.

மதிய உணவு

மதிய வேளையில் ஸ்டார்ச் நிறைந்த உணவுகளான ரொட்டியை சாப்பிடவும். ஸ்டார்ச் நிறைந்த உணவுகள் வளர்சிதை மாற்ற மண்டலத்தை மேம்படுத்த உதவி, கலோரிகளை அதிகமாக கரைக்கச் செய்யும். எனவே பச்சை இலைக் காய்கறிகள் மற்றும் புரோட்டீன் அதிகம் நிறைந்த உணவுகளான முட்டை போன்றவற்றையும் சாப்பிடுங்கள். இதனால் உடலுக்குத் தேவையான சத்துக்கள் கிடைப்பதோடு, எடையைக் குறைக்க அவசியமான உட்பொருட்களும் உடலுக்கு கிடைக்கும்.

இரவு உணவு

இரவு நேரத்தில் சாதம் மற்றும் ரொட்டியை சாப்பிடலாம். ஆனால் எடையைக் குறைக்க நினைப்போர் எப்போதும் கார்போஹைட்ரேட் மற்றும் கொழுப்புக்கள் நிறைந்த உணவுகள் எடுப்பதைத் தவிர்த்து, நார்ச்சத்து மற்றும் புரோட்டீன் அதிகம் நிறைந்த உணவுகளின் மீது மட்டுமே கவனத்தை செலுத்த வேண்டும்.

உடற்பயிற்சி

வாரம் 1/2 கிலோ உடல் எடையைக் குறைக்க வேண்டுமானால், உடற்பயிற்சி செய்யாமல் நிச்சயம் சாத்தியம் இல்லை. எனவே தினமும் காலையில் ஜாக்கிங் செய்யுங்கள் மற்றும் ஸ்கிப்பிங் கயிறு கொண்டு ஸ்கிப்பிங் செய்யுங்கள். அதுமட்டுமின்றி சில ஸ்ட்ரெட்சிங் உடற்பயிற்சிகளையும் செய்யுங்கள்.

மேலே கொடுக்கப்பட்டுள்ள டயட்டை ஒருவர் பின்பற்றி வந்தால், வாரத்திற்கு 1/2 கிலோ உடல் எடையைக் குறைக்கலாம். மேலும் இந்த டயட் உடலை வருத்தும் அளவில் எவ்வித கஷ்டத்தையும் கொடுக்காமல் உடல் எடையைக் குறைக்கும்.