நடிகை ஷில்பா ஷெட்டியின் ஃபிட்னஸ் ரகசியம் என்னவென்று தெரியுமா?

ரகசியம் #1

நடிகை ஷில்பா ஷெட்டி ஃபிட்டாக இருக்க காரணம், அவர் உணவை நன்கு மென்று விழுங்குவாராம். உணவை நன்கு மென்று விழுங்கினால், எச்சில் உணவுடன் நன்கு கலந்து, எளிதில் உடைக்கப்பட்டு, ஜீரண பிரச்சனைகள் வருவது தடுக்கப்படும். செரிமானம் சீராக நடந்தால், தொப்பை வருவதைத் தடுக்கலாம்.

ரகசியம் #2

ஷில்பா ஷெட்டி தனது சமையலில் தேங்காய் எண்ணெயை சேர்த்துக் கொள்வாராம். மேலும் தினமும் காலையில் எழுந்ததும் தேங்காய் எண்ணெயால் வாயை கொப்பளிப்பாராம். இதனால் அதில் உள்ள ஆன்டி-பாக்டீரியல், ஆன்டி-வைரல் பண்புகள், நோயெதிர்ப்பு மண்டலத்தை வலிமைப்படுத்தி, உடலை ஆரோக்கியமாக வைத்துக் கொள்ளுமாம்.

ரகசியம் #3

என்ன தான் வேலை இருந்தாலும், உடற்பயிற்சி செய்ய நேரமில்லை என்று கூறி, அதைத் தவிர்க்கமாட்டாராம். மேலும் இவர் தினமும் உடற்பயிற்சி செய்யமாட்டாராம், வாரத்திற்கு 3 நாட்கள், அதுவும் 45-50 நிமிடம் உடற்பயிற்சி செய்வாராம். முக்கியமாக உடற்பயிற்சி செய்யும் போது சுவாசிப்பதில் அதிக கவனம் செலுத்துவாராம். இதனால் மனம், உடல் மற்றும் ஆத்மா போன்றவை சிறப்பாக இருக்குமாம்.

ரகசியம் #4

நடிகை ஷில்பா ஷெட்டி சோடா பானங்களைத் தவிர்த்து 10 வருடங்கள் ஆகிறதாம். மேலும் இவர் லஸ்ஸி, மோர் போன்றவற்றைத் தான் அதிகம் குடிப்பாராம். எனவே செயற்கை சுவையூட்டிகள் கலக்கப்பட்ட டயட் சோடாக்கள் பக்கமே போகாதீர்கள்.

ரகசியம் #5

ஷில்பா ஷெட்டி தனது காலை உணவை 7.30 மணிக்கே முடித்துவிடுவாராம். இதனால் ஒரு நாளைக்கு வேண்டிய ஆற்றல் அதிகளவு கிடைப்பதோடு, அடிக்கடி பசி ஏற்படுவதும் குறையுமாம். அதேப் போல் இரவு உணவை 7.30-8 மணிக்குள் முடித்துவிடுவாராம்.