குளிர்காலத்தில் உடல் எடை அதிகரிக்காமல் இருக்கணுமா? அப்ப இத ஃபாலோ பண்ணுங்க...

உடற்பயிற்சி

குளிர்காலத்தில் காலையில் நன்கு இழுத்து போர்த்தி தூங்க வேண்டுமென்று தோன்றும். உடல் எடையின் மீது அக்கறை இருந்தால், காலையில் தவறாமல் உடற்பயிற்சி செய்து வாருங்கள்.

பசியுடன் சாப்பிட வெளியே செல்ல வேண்டாம்

இது உடல் எடை அதிகரிப்பதை தடுக்கும் மற்றொரு வழியாகும். மேலும் ஆய்வுகளில் கூட, வீட்டில் சாப்பிடுவதை தவிர்த்து வெளியே சாப்பிட்டால், உடலில் 40 சதவீத கலோரியானது அதிகரிக்கும் என்று கூறுகிறது. ஆகவே வெளியே சாப்பிடுவதை தவிர்ப்பது நல்லது.

சூப்

குளிர்காலத்தில் சூடாக சாப்பிட வேண்டுமென்று தோன்றினால், சூப் சாப்பிடுங்கள். இதனால் உடலில் கெட்ட கொழுப்புக்கள் சேர்வதை தடுப்பதோடு, உடலுக்கும் அது நன்கு இதமாக இருக்கும்.

ஜங்க் உணவைத் தவிர்க்கவும்

எவ்வளவு தான் பர்க்கர், பிங்கர் சிப்ஸை பார்த்ததும் நா ஊறினாலும், உடல் எடையின் மீது அக்கறை இருந்தால், அவற்றை சாப்பிடுவதை தவிர்த்திடுங்கள்.

ஆல்கஹாலை தவிர்க்கவும்

குளிர்காலத்தின் போது ஆல்கஹால் அடித்தால், உடலுக்கு நன்கு இதமாக இருக்கும் என்று நினைக்கலாம். ஆனால் ஆல்கஹாலில் கலோரிகள் அதிகம் உள்ளது என்பதை மறக்க வேண்டாம். ஒருவேளை அடிக்காமல் இருக்க முடியாவிட்டாலும், அதனை மெதுவாக குடிப்பதோடு, அத்துடன் அதிகப்படியான எண்ணெய் பலகாரங்களை எடுத்துக் கொள்ளாமலும், அளவுக்கு அதிகமாக உணவை உட்கொள்ளாமலும் இருக்க வேண்டும்.

தண்ணீர் குடிக்கவும்

தண்ணீர் குடித்தால், உடல் வறட்சி மட்டுமின்றி, அளவுக்கு அதிகமாக சாப்பிடுவதையும் தடுக்கலாம். ஆகவே எப்போதும் உணவு சாப்பிடுவதற்கு 20 நிமிடத்திற்கு முன்பு தண்ணீரை குடியுங்கள். இதனை தினமும் பின்பற்றினால், நிச்சயம் உடல் எடை அதிகரிப்பதை தடுக்கலாம்.

கொழுப்பைக் கரைக்கும் உணவுகள்

நிறைய உணவுப் பொருட்கள் கொழுப்பைக் கரைக்க உதவும். அதிலும் குறிப்பாக குளிர்கால சீசன் பழங்களான ஸ்ட்ராபெர்ரி, ஆரஞ்சு, பசலைக் கீரை போன்றவற்றை அதிகம் எடுத்துக் கொண்டால், உடலில் தங்கியுள்ள கொழுப்புக்களை கரைக்கலாம்.

ஆரோக்கியமான முறையில் சமைத்து சாப்பிடவும்

எந்த ஒரு உணவையும் வேக வைத்தோ அல்லது பச்சையாகவோ அல்லது எண்ணெய் சேர்க்காமலோ சாப்பிட்டால், நிச்சயம் தேவையற்ற கொழுப்புக்கள் உடலில் சேர்வதை தடுக்கலாம்.

சைக்கிள் ஓட்டவும்

தினமும் சைக்கிள் ஓட்டும் பழக்கத்தைக் கொண்டால், நிச்சயம் உடல் நன்கு ஃபிட்டாக இருக்கும். ஆகவே எந்த காலமானாலும், நாள்தோறும் அதிகாலையில் சைக்கிள் ஓட்டும் பழக்கத்தைக் கொள்ளுங்கள். இது நல்ல உடற்பயிற்சியும் கூட.